هلا ام خطاب عساك فتحتي ملف بمدينه الملك فهد؟
الكاتم ياحبيتي مايبيله شي:
حطي 4بيالات رز وانقعيهم بمويه دافيه
احمسي بصله وطماطه وشوي معجون طماط وتبليهم بملح وبهارات واغسلي لحمتك تصير فاك الثلج عنها وقلبيها مع البصل وحطي دارسين ومسمار حب واكتميهاربع ساعه والدجاج 10 دقائق لاتحطين مويه لأن اللحمه بتنزل مويتها( يعني صكي الغطاء وابدي اكربي البلاستيكه السوداء وانتي ماسكتها ببيز عشان تتأكدين انه انكربت تمام وركبي الصفاره وخلي القدر على نار عااليه وحطيه على العين الوسط مهيب الكبيره مره ولا الي اصغر منها بشوي الوسط احسن واذا سمعتي صوت الصفاره(بتسمعين صوت غليان قوي) قصري عليه مرره وخليه 10 دقائق) في هذه الأثناء تصيرين مقطعه السلطه ومولمه حبحر وليمون اسود واذا خلصت المده طفي عن القدر وشيلي الصفاره وخليها تطلع الهواء المحبوس واذا طلع الهواء فكي القدر وكبي الرز وزيدي مويه مغليه لما يتغطى الرز شي بسيط يعني تقدرين تشوفين الرز من تحت الماء وزيدي ملحه بعد ماتذوقينه وحطي الليمون والحبحر واكتميه بالطريقه السابقه 7دقائق (خليه على نار عاليه بعدين اذا صفر قصري عليه )
واغرفيه وبالعافيه وش رايك بالغداء الي ب20دقيقه ياسلالالالالالالالالالام وماانحاس الا قدر غضاره الرز وملعقه الخشب خخخخخخخ
اما الجريش حطي كاس جريش(انا استخدم الكوب العياري البايركس) وربع كاس رز مصري حق السليق وحطي 4كاسات مويه وكاسين حليب واكتميه ساعه وربع على عين صغيره ونار هادئه وفكيه واعصديه وزيديه اذا حبيتي لبن او زبادي وبالعافيه
وش بعد ايه سوي فيه محشي كوسه اصف المحشي واصب عليه طماط وبصل مطحونين بالخلاط وكاس مويه فقط واملحه وابهره واكتم نص ساعه وياسلالالالالالالالام على المحشي الي مرقته خااااثره وه بس اشتهيته


دلوعه عبودي
شيكي الخاص:)

ام خطااااااااااااب وش دعوه مارديتي علي :44:
هذا واناشايله همك.
ام حمودي سلامتك من السكررر واتبعي الحميه واستخدمي السكر الخاص بالحميه وماتشوفين شرر
ندوووو علمينا وش صارمعك ووش سويتي.
عباااائر الله يعينك يومياااتك مرهقه ومتعبه.
ام دودي حفضة طريقة الجريش بسويه ماعمري جربته ماعرف الاسليق.
لورا تسلمييييييين ياقلبي.
نونا ماشاءالله حلو تنسيقك .
اناااااااا اشوى انه ضبط فستااانك .

السلام ..
كيفكم ما لي خلقعلى الشغل بس الشغل يني فيني
شغلت الغسالة اللحين على الغسيل بكمل اشغالي وارجع عسى النت ما ينقطع بعد
دلوعة عبودي
الف سلامه على امك ... ما تشوف شر الله يحفظها و يحميها و يطول بعمرها في الخير
وياحلو الشغالة زوجي يقول جيبي 3 ورا بعض واجيب شغالة يحسبونا ارانب

ام حمودي
ههههه صايرة حظانة على الغفلة قولي كل طفل عليه رسوم والشغالات اكرفي ابوهن خخخخ
وانتبهي من السكر تراه خطر الله يكفيك شره وتراه يطيح الاسنان وتصيرين ثرما ا:icon19:



نونا

دايم كذا...... مكياج المشاغل يروع ... تحطينه انتي احلا....وذكرتيني بصديقات الثانوي الله يذكرهن بالخير من تخرجت وانا اوعدهن اننا بنتلاقى والى اليوم ما شفتهم عقب يوم عمري 18 خخخخخخ

بنت نورة
شهيتيني بالجريش الي بالكاتم عسا اذكر بكرة اسويه غدا مع اني ما ابطيت مسويته مع صينية دجاج مشوي بالفرن يمي


عبائر
الله يشفي عمتكم ..ويقومها بالسلامة



دلوعة عبودي
وشلون الوالدة الحين؟


ام خطاب
التمرية ما عمر احد ذاقها الا يسألني عن طريقتها وريحتها مرة تشهي

بنت نوره:

يعطيك العافيه ع الشرح

بس 4 بيالات رز شويه مره !!!




باجربه في وقت يكون ابونا فيه >> خوااافه خخخخخخخخخخخخخ


واممممممم اشتهيت المحشي بعد


باسويه ان شاءءاالله بما اننا تونا متقضييين ,,,



>>>


قاعده اكل فلافل واشرب بيبسي


صايره مصريه هالايام

فول وفلافل ههههههه




والملف الى الان مافتحته يوم قلتله اليوم بتروح .؟!! قال لا ثوبي موب زين وما جبت شماغ >> شفتي الاعذار

انا اصلا من يوم شفت وجهه الصبح يوم اقومه وانا غاسله ايديني خخخخخخخخخخخخخخخ مكشر وحالته حاله ,,,


نصبر ونشوف ,,,