يالبى قليبتس والله رحمتتس يوم قلتي حليب بدون سكر بس بسألك تشربين الحليب بارد والا تسخنينه انا اشربه مسخن وودي اشربه بارد بس ماقبلته!

والله يشفي وليدتس يارب


انا عند اهلي واحس اني تعبانه مدري اول مره اجي اهلي وانا كذا حايمه كبدي وفيني النوم خالاتي يهاوشوني يقولون دقي على ابو لطوف يجي ياخذك صايره سامجه ذا الاسبوع بنتي مهملتها امي مهتمه فيها ووووووووه الله يعين

واللي يوسع صدري شوي اني اذا رحت الاربعا لبيتي بيروحون اهلي معي ويمكن تجي الشغاله معنا يعني ماراح اشيل هم البيت مررره اذا بغيت اروح

السلام عليكم
يومياتي
الثلاثاء الليل رحت لاهلي عشان اساعدهم لقيت عندهم شغالة خالتي واختي اللي في الجامعه تعلمها الشغل يعني ماسويت الى حاجه خفيفه
والاربعاء رجعت لبيتي الليل علشان الخميس بجيب عشاء سلامة امي وقلت لامي لاتسوون شي ماعليكم الى تنادون خالاتي وانا علي العشاء وحتى الفاكهه بجيبها المهم راح زوجي وحجز في المطعم الخميس ذبيحه ويوم جت الساعه 11 دق زوجي عليهم وقالو الطلب جاهز وكنت لابسه وفاكه شعري وحاطه مكياج ولبست انا وولدي لبسنا الجديد وطلعنا مرينا محلات الفاكهه وتقضينا وشرينا كم كرتون مويه ومرينا المطعم واخذنا العشاء ورحت لهم وانبسطنا ودعو لرجلي يحسبونه منه وهو كل شي على حسابي مادفع الى شي قليل الله يسخره بس قلت انه منه عشان ارزه عند اهلي كنه كفو
ونمت عندهم والجمعه رتبنا البيت ودخناه وزينا قهوتنا وقعدنا انا وامي وخواتي سوالف وطلبنا من البقاله خرابيط واختي جاها رجلها المغرب وانا جاني رجلي بعد صلاة العشا
واليوم كسسسسسسسسسل موب طبيعي مدري وش صاير اكره السبت بداية الدوامات

:icon28::icon28::icon28::icon28::icon28::icon28::icon28::icon28:
ابشررررررررررركم خلصت المخزن انا وابو الشباب (((ماشاءالله )))ساعدني الله يخليه لنا ..
مخزني صغير موكبير هو بلكونه بالصاله ..طلعت كل الفرش وحطيتهن باكياس وبااقي الاغراض وجمعناهن بالصاله ..ونضفته وكنسته ومسحته بعملاق وداك وسكرته الحمدلله ..عاااد الله يعين على البااقي.
(جرح بحفظ الرحمن)
(نونا هلاوغلا سلامااات)
(ام حمودي اخيرا نامو الشباب وسلامةفهودي)
(دلوعه الله يوسع صدرك بالعافيه والرضا وطاعة الرحمن)

مهمومه لاخر درجه من زوجي مطفشني من امس كل مره اكتشف منه شي جديد
احس تبلد احساسي
اليوم يتميلح عندي ويقول يمكن نسافر نغير جو 3 ااو 4 ايام يراضيني بطريقه غير مباشره بس معد اتقبل منه شي اف الله يعين
واخوي يابنات حددو له موعد للعمليه بيسونها يوم الثلاثاء سبحان الله الاخبار الشينه تجي مره وحده

عن أبي هريرة رضي الله عنه أن النبي صلى الله عليه وسلم قال : { ينزل ربنا تبارك وتعالى إلى السماء الدنيا حين يبقى ثلث الليل الآخر ، فيقول : من يدعوني فأستجيب له ، من يسألني فأعطيه ، من يستغفرني فأغفر له }