صباح الورد..

خخخخ ام خطاب..وين اتوزا!! البارح اكرف والحين اقرا سهرت البانت اللي ما سهرو الا يوم ما دخلت...

يومياتي...

بعد ردي..قمت وركبت على الغدا سباكتي بالدجاج..بس

وقعدت احوس بكتاب النخبه..ولقيت كيكة تمر ما تحتاج الا بيضه وحده..والغيتها..خخخخخخ

هذي كلنت اول علامه انها ماراح تظبط..

ثم بديت بخلط المقادير..وكان فيها مكسرات مجروشه..حطيتها بالخلاط يوم خلصت..واراجع الوصفه.الا المكسرات ما تنحطالا اخر شي..

هذا ثاني غلط!!!

دخلتها الفرن 20 دق وطلعتها وقلبتها..طلع نصها ونصها الثاني قعد بالصينية!!!

هذي الثالثة..<<< ذكرت اللي برابط ام خطاب.. الي بتسوي سهرة لزوجها..خخخخخ

قررت اسوي صوص عشان اخفي العيوب..

وقام زوجي يبي الغدا..حطيته ورجعت للصوص..وتعبت من الوقفه وقعدت فوق الكاونتر خخخخخخخخ

وزوجي جاني يقول تعالي تغدي.. طبعا مو حبا فيني والا من هالقبيل..البنات اذوه..اغرف لي يا بابا ابي هذا ما ابي ذاك.. خخخخ

المهم..طفيت عن الصوص وخليته على العين..قلت عشان اذا جيتها القاها ثقيله وزينه..

تغدينا وشلت الحوسه وقلت لجود تلبس..كنت مجهزه ملابسهم..

ورحت للصوص.لقيت ثقييييييييييل.!!! زدته حليب واحرك...وازيد واحرك...

رابع غلط!!!

واصبه على الكيكه وباليالله يصب..خخخخخ

وقصدرته ورزيته بالصاله..

ولبست ولبست..الساعه ست جاهزين..وهو كان يقول خمس..خخخخخ مواعيد عرب!!!

طلعنا..والزحمة كملت الناقص..

والكيكه عند رجليني.وعسى ما اتوطاها!!! ورمت وحده من بناتي كرتون المناديل..وصفق بالكيكه..خخخخخخخخخخخخ

قلت خلاااااااص بخليها مانيب منزلتها..زتفشل...

قال: انا قلت لك..يجوز ترجعين الصحن فاظي..ولا تملينه بشي يفشل..بس ما سمعتي كلامي.. نزليه خلاص..

دخلنا على المغرب.. وتقهوينا..وحطت الكيكه وشكله يفشل..وهي تمدحها الله يجبر بخاطرها..

وزوجي يحطم..يقول تجاملك بس..

ولزمت علينا على العشا..

وقعدت انا ...وزوجي قال ما ابي شي..وطلع..

ثم اقترحت اننا نخلي جود تنام عندهم عشان يوسعن البنيات صدور بعض..

وانا ما ودي..بس هي حساسه..ولو برفض بشده..بتزعل الله يهديها!!!!!!

حطيتها بزوجي..قلت اذا وافق..
ودقيت عليه وقلت لا توافق..خخخخخ<<<كيد

بس لزمت عليه..وسكرت عليه..كل ما قال..شي طلعت له بحل..البجامه..تلبس من بنتها..و و و

سلمت على بنيتي وطلعت وقلبي معها..

وطنجرت كبدي.. واشتغل التجشؤ..تكرمون..

وقلت بشغل نفسي..ما ابي افكر في انها مو معي بالبيت.. ولولو كملت علي..تبكي :نسينا جودي...

اخذها ابوها معه للسوبر ماركت..

وانا قعدت اغسل الثياب..وشبكت مع فلم..ظيع وقتي..

خلصت من ملابس زوجي الفجر.. وقلت الباقي بكره..

وخليت لولو تنام معنا.. ويوم انسدحت..وتبدا الدمووووع.. واتذكر كيف كنت قاسيه مع جود..ودايم اعصب عليها..

و اذ سولفت سوالفها البايخه اللي تمططها لين تنسين اولها...اكتمها واقول ما ابي اسمع صدعت!!!!

ظاااااااق صدريييييي..وندمت كل الندم..و ان شاء الله اتحسن معها..دود مو يوم..


جرح..مشكورة على التمرية..ما عندي جوز هند..خخخخخخخ

الباقين لكم سلامي واحترامي وحبي ومكراتي المجروشة..

السلام عليكم
اخباركم ونستوني بسواليفكم ليتني اسهرمعكم ليله بس مالي حظ
ام حمودي الله يعينك عالبزران مانتي ناقصه الوحده يالله تشيل عمرها بالحمل 000 الله يكتب الاجر واحسن شي ان معهم شغلات اكرفيهم كرف
ديما الله بعينك عالعفش والنقل ابدي من بدري ترتاحين
اناااا الف مبروك الزواج اذا قدرتي بعدين ادخلي وافينا بالتفاصيل والله يتمم لها على خير
دلوعة عبودي حلو ابدي اهتمي بنفسك ودلعي عمرك واريح لك من الكرف من الحمل
عبائر الف سلامه لسلوم الله يشفيه
ندوووش الله يضحك سنك وربي فطست ضحك على مططت الكلام يارب يسعدهم ويوسع قلوبنا لهم انا احس اني اقسى على عيالي احيانا ماعطيهم وجه ياعمري عليهم
وربي حبيت بناتك وانا ماعرفهم بوسيهم لي وعضيهم
ام خطاب اخبارك وعلومك
جالكسي الف سلامه على اخوك ومايشوف شر يارب وسعي صدرك ولا تشيلين هم والله يهدي ازواجنا ويصلحهم يارب
يومياتي
امس باليل طلعنا عالاستراحه على تسع ونص اخذت معي قهوه وكيكة البنيه وسهرنا الى 3 ونص رجعت مكسله مررره وميته نووم عيالي ناموا من اول ماجيت لاغير ولاشي وانا عندي شوي مواعين بالمطبخ مالمستها نقعتها بمويه وسبتها مالي نفس المس شي صحيت 12 الضهر وعطيت ولدي فطور وانا اخذت لي توست وجبن بالزعتر وسفن اب وجلست اتونس بسواليفكم بروح اطلع الحمه واغسل الاواني والعصر لاقدرت مريتكم لكم خااااالص اشواقي

ندى
شغلة هالصحن... لو مريتوا البقالة وخذتوا خرابيط لبناتها او المخبز اريح لك من هالغثا خخخ
وسبحان الله... مدري وش هالرحمة للعيال.. الي ما تجي الا اذا ناموا ... او غابوا عنا

ديما
مبروك الانجاز يالله اليوم استلمي المطبخ

انا
ما شاء الله.. الله يوفق بنت اختك بزواجها ..والنكنة حلوة تعبر عن ثقافة هالجيل خخخخخ


حساسة حبتين
اكيد ممكن تشتركين هو ملف مفتوح للجميع ..حياك الله

عبائر
الله يهون عليك ويبارك لك بصحتك

جالكسي
يا عمري وسعي صدرك وترا مثل ما انتي ترزين رجلك عند اهلك عشان ياخذون عنه فكرة طيبة ..اغلب الحريم العاقلات يسوون كذا عشان يحافظون على صورتهم قدام العالم..يعني مو انتي الي بس مهمومة ..والحمد لله انك احسن من غيرك على الاقل بيدك راتبك ووظيفتك وتقدرين تعزين عمرك!

عاد تدرين دايما افكر واقول كل حريم العالم مبتليات الي بدينها والي بشرفها والي بمالها الا حنا يالسعوديات انعم الله علينا بكل شي ...بس بلانا برجالنا ...الي ما يعرفون قيمة النعمة الي بين ايديهم!!

واخوك تحت رحمة رب العالمين ...ادعو له والله يشفيه

امس بعد ردي رتبت دولاب الحلوين و كان عندي رقايق سمبوسة سويتها
كويت كم قطعة العصر
قبل المغرب جى اخوي تقهوة و طلع على اذان العشاء
مرة في شغلى و مرة مع علاوي السخونه طول امس خافه لكن صابه اسهال
الصباح سحينا على حرارته و الحمد لله الاسهال خف
قال ابوعبدالله ودي بكيك سويت شابورة
الا هذا اخوة جاي اعطيته العصير و معه كم قطعه
ارسلت لجارتى و سويت قهوتنا و تقهوينا
ركبت على الغداء و شغلت الغساله على ملابس علاوي
فرصة غسلت الابيض تغدينا ابو عبدالله راح للعمل الله يعينه
غسلت المواعين و مسحت الدولايب و غسلت عيون البوتجاز
و مسحته كنست البيت