مساء الخير اخباركم جميعا لاجديد غير العمل اليومي 00
ام حمودي شوي احس بطني طاب بفخوذي هههههههه0
شوفي انا لي كروشه اصلا فمابعد استنكرت بطن لي بس بديت المح لولدي واحببه فيه 00

السلام عليكم
الخميس سويت لي البسبوسه المحشيه ورحت لهلي
ونمت عندهم الى الجمعه
اليوم رحت المعهد ساعه ورجعت ورتبت البيت ومسحت السيراميك ونقعت الحمامات تكرمون بفلاش ومسحت الموكيت تبع غرفة الجلوس وبس
طبعا اهلي حالتهم حاله وخصوصا امي تقطع قلبها من الصياح على اخوي تسكت شوي وتلهى ثم الى شافته صاحت
واليوم ودوه للشيخ يقر عليه
اخوي يابنات كل دكتور يقوله كلام
واخر واحد قاله ادع ربك انه يكون حميد وخصوصا الصديد انتشر في بعض الغدد الليمفاويه اللي في العنق
احس هالولد جايته عين شرا السياره من فتره قصيره وصدم بها مرتين واخرها الاسبوع اللي راح وربي ستر عليه انعدم وجه السياره اللي يشوفها يقول اللي فيها مات
وكلام الاستشاري يقول بيسوي العمليه في 4 شعبان ويستاصل الغده البارزه اللي طلعت له اول وحده وبيرسلونها لمختبرات برا يحللونها ويشوفون العلاج المناسب الله يستر
طول امس وانا ابحث عن اعرض الامراض الخبيثه في الغدد الليمفاويه وطلعت نفس اعراضه الله يستر عليه
راح للشيخ يوم الخميس وعطاه سدر يغتسل فيه لمده اسبوع وغسل نفسه وداخ علينا يقول كل مااغسل فيه احس الدنيا تدور فيني
ادري ضيقت صدوركم بس من اشكي له غيركم
دعواتكم دعواتكم
واللي بيروحون لمكه حملتكم امانة الدعاء لخوي ان الله يشفيه ويخليه لنا يارب

يوووووووه ياجالكسي تقطع قلبي على اخوك اللهم اشف اخوجالكسي شفاء لايغادر سقاء الله يطمن قلوبكم عليه ويشفيه ويخليه الله يلبسه لباس الصحه والعافيه
تكفين عطينا اخباره والله اني حزنت عليه

جالكسي ياااااااااااااااارب تشافي اخوك ياكريم يااااااااااااااااااااااااااااااااااااااااااااااااااااارب 00
اليوم زوجي يلمح يبي يروح لمكه وانا اخاف اتعب من الطريق وباذن الله اذا نوينا اكيد مراح انساك يالغالييييييييييييه00

احساس لو اهلي قريبين كان ياسلام يالله يازين الاهل ويازين لمتهم 00
اهل زوجي لاهين تجهيز بيت اخوهم زواجه الخميس *****الله الله يوفقه ياكريم وانا منطقه لادخله لاطلعه بكره *****الله اذا الله يسر كلمت صديقتي نطلع لشيء نغير جو0