السلام عليكم..

الله يبارك لنا بهالملف..

يوووووه يابنات..اله يقطع بليسكم ياللي تتشرهون.ضيقتو صدري..

لأني اكثر وحده انسى البنات اللي برد عليهم.. وتتلخبط علي الاسماء واقول بلاش منه لياني اجيب العيد..

في ديرتنا..


مهندسة حته وحده!! الله يسمع منك..<<< صدقت..

الحمد لله بخير عساك بخير..

سأكون.. صادقه..انا كثر التشره هو اللي خلاني ما عاد احرص اكلم على الناس على التلفون واسولف..

أم دودي..يا ملحك ملحاه..

احساس..طووول الفتره اللي راحت وانا على بالي انك بالطايف!!!!!

من بعد يا ربيه..

يومياتي..

ما اذكر وش امس من قبله..عشان كذا ابقول كلش على بعض..

نظفت حمامي وحمام بناتي اللي من زماااان ما غسلته..وكله ملاطيخ..يطلعون للحوش ويدخلون يغسلون ..زشوفي الارض كيف!!

نظفت المجلس.. ومسحت سراميك الصالة..

والمطبخ..اااااخ من المطبخ.. ملاحظه حشرات صغيييييره تطير..

واكتشفت انهم قمل الرز...يخ..

وفتحت الدولاب حق الرز ولقيت الخيشه الجديده يطلع منها قمل!! مع ان الرز داخل كيسه بوسط الخيشه!!

واخذه زوجي ورجعه للسوبر ماركت..وانا قلت بنظف الدولاب عشان الكيس الجديد ما يجيه من القمل..وعوه..

وتفاجأت منظر وقف له شعر راسي..كان عندي كييسة رز اسمر.وملياااان قمل... يااااااا تسبديه..على طول زباله..

وبخ ديتول ومسح بمناديل..لييييين نظف..

ورجعت السكر والرز..

وجيت بعبي علبة السكر كانت شبه فاظيه..لقيت لولو كلبه فيها هيل مطحون..مو اول مره تسويها هالعصلا..:mad:

والهيل فيه سكر..والقهوة المطحونه فيها سكر.. وه بس.زالله لا يعقبنا.. كلش بيكب..

ايه..امس راحت جود لطبيب الاسنان لأول مره..قلت لأبوها يصورها ورفض!!!

كان ودي احط صورتها بالبومها واكتب التاريخ..

وصاحت لولو تبي تروح معهم عشان تشتري سنون جديدة..:hahaha: يا زين البرائة..

والصغيرة الى الان ترتفع حرارتها.. الله يعافيها يا رب..

هاذي وحده زوجها ما يغار عليها أبد ..
طلعت معه السوق ويوم رجعوا قالت له : شفت الشباب اللي كانوا جنبنا قبل شوي ..
تراهم حطوا رقمهم بشنطتي وحنا بالزحمه .
قال : هاذي إنتي قلتيها .. ( بالزحمه ) ..!!
إرتفع ضغطها من زوجها البارد وفكرت بخطة ثانيه تخلي زوجها يغار عليها .
راحت لجارهم ( أبو علي ) وقالت له على موضوع زوجها وكانت تبي منه حل لمشكلتها .
قال أبو علي : لازم يشوف رجال عندك بالبيت عشان تتحرك مشاعره ويغار عليك .
قالت : خلاص أنت يابو علي تعال لي .
قال : لالا . أنا أعطيك الحل وبس .
المهم . قعدت تترجاه وتقنعه إنه يجيها ويكون سبب في حل المشكله ..
وافق ( أبو علي ) وجاء عندها قبل لايطلع زوجها من الدوام ..
قامت الزوجه وحطت أبو علي بدولاب الملابس .. وبعدها بدقايق وصل الزوج للبيت .
قالت الزوجه للزوج : أبغاك تشتري لي فستان ..
قال الزوج : فساتينك واجد .. يعني إنتي مو بحاجه تشترين ..
قالت : لا ما عندي ولا فستان ..
قال : دولابك مليان فساتين ..
قالت : لا . مافيه فساتين .. وإذا منت مصدّق روح وتأكد بنفسك .
راح الزوج وفتح الدولاب .. وقعد يعـدّ الفساتين :
هذا فستان .. وهذا فستان .. وهذا فستان ..
أبو علي بالله وخرّ شوي .. وهذا فستان .. وهذا فستان ...!!

هههههههههههههههههههههههههههههههههههههههههههه

في ديرتنا

هلا فيك انا والبنوتات بخير والله يبارك فيك انتي كيفك وكيف جروجك ان شاء راحت

وبالنسبه للمدينه والله زحمه وحنا مابعد جتنا الاجازه الله يعين

بريق العين

مشكوره على الدعوه وامين ان شاء الله يجيبون نسب عاليه تدخلهم الجامعه حرام مجهودهم يروح بلاش

يومياتي

تنظيف يومي للبيت

سويت عشاء سندوتش كودو وقلية بطاطس وكبه بس مافيه صاحي الا الي عندهم اختبار بنتين وحده ثالث ثانوي ووحده ثالث متوسط

والباقين نايمين صار نومهم ملخبط ينامون العصر ويصحون الفجر الله يعين ودي انظم نومهم بس بخليه بعد اختبارات خواتهم لان

من العصر للفجر وقت مذاكرتهم ويكون البيت هادي يذاكرون برواق

بنت نوره حلوة بس هذا الرجال ماعنده احساس مره يعني مافيه امل بعد قصة ابو علي ههههههههههههههههههه

ساكون
سوانح
غزال
بنت نورة
الخيط الاسود
ام يودي
ملكة الماس
جرح
الله يبارك فيكم ياااااااااااااااااارب ويخليكم لهالملف

ام حمودي
يا سلالااااااااااااام ياليت نقضي الاجازة مع بعض من جد بتكون احلىىى اجاااااااازة

في ديرتنا
هلاااااااااااا وغلااااااااااااا فيك
وين الغيبات ؟
انا بخير يا مال الخير وتالا بخير الحمد لله
وبوسيلي بنت اخوك سميتها

بريق
هلاااااااااااااااااااااااا وغلاااااااااااااااااااااااااااا
وين الغيبات ؟
اشغلتينا عليك
عساك بخير يا قمر

لورا
ندى
هلا وغلا فيكم
نورتوا الملف

ام دودي
هههههههههههههههههههههههههههههههههههههههههه
هذا تقريبا زي زوجي ما يغااااااااااااااار ابد ودي يغار ويعصب علي بس مااااااااااش
اللي اتذكره انه مرة واحده غار بس ما تكررت وكنت يومها بطييييييير من الفرح خخخخخخخخخخخخ