ازيكم ياحلوين..
السنعااااات الله يقويكم والمريضات سلامتكم والله يشفيكم<<< اختصارات عصر السرعة!!!

يومياتي:
بما ان صار لي فترة اتدرب في مركز..نظامي بالشغل اخف شوي لاني اطلع يوميا اداوم
الحمدلله كنت مخلصة طبعا العميق اللي قلت لكم عليه من اسبوعين تقريبا
وهالفترة مثل اليوم نظامي كذا:
اصحى كل يوم الفجر اصلي وعادة ارجع انام الى الساعة 7 او 7 ونص..ودي اتعود ابدا نهاري من هالوقت
اقوم اغسل واتوضأ<<لازم الحمدلله اطلع على وضوء من البيت وهناك اصلي الضحى او اصليه قبل اطلع
اروح المطبخ اركب على القهوة او الشاهي وبانتظار الماء يغلي..اروح غرفة المعيشة ارتبها وبعدها لغرفتي
ارتب سريري والطاولة واطلع ملابسي اللي بلبسها واجهزها ويا الشنطة..عادة اكون مقررة من الليل وش البس
عشان مااتوهق الصبح ويروح علي الوقت..
اوجه للمطبخ اكمل القهوة او الشاهي واصحي امي تتقهوى معي ومرات نفطر مع بعض
وبعدين اغسل المواعين وامسح الطاولات والفرن عالسريع واروح الحمام الله يكرمكم واغسله وبعد كذا
اروح لغرفتي البس واجهز نفسي واروح الدوام تقريبا الساعة 8 ونص او 9
ارجع البيت بحدود الساعة 2 او 2 ونص اغير ملابسي واتوضأ واصلي
وثم نتغدى كلنا ونرفع الصحون واريح شوي وممكن انام تقريبا ساعة
واصحى اصلي واقوم عالبيت
ارتب الغرف يوميا
امسح الغبار يوم بعد يوم بفوطة ناشفة واخر الاسبوع بفوطة مبلولة
اكنس السجاد بالكهربائية يوم بعد يوم
اامسح الارضيات يوم بعد يوم مرة بكمفورت..مرة بكلوركس..مرة بدرامر..
وكنس الدرج يوم بعد يوم..ومسحه مرة بالاسبوع..والحمام الصغير اغسله مرة بالاسبوع بعد الله يكرمكم
لان مااحد يستعمله حاطين فيه الغسالة بس
والباقي : غسل المواعين والحمام الرئيسي وارضية المطبخ يوميا
اما غسيل الملابس فاحنا عيلة افرادها كثار ماشاء الله وكل ماتجمع زوم ملابس غسلته لانه يتراكم بسرعة
واحاول دايما قبل المغرب هالفترة اكون مخلصة كل شي..وباقي اليوم اجلس مع اهلي
واجهز اوراقي وملابسي لثاني يوم..واتقهوى اهم شيييييييييي
وبث..ثلامتكم وان شاء الله ماازعجتكم
تصبحون على خييييير

حلم الحراير-سوانح-جروحه
جيو فلفل هوا من العطار وحطوه بمويه مغليه واستنشقي البخار وخليهيدخل بأذانك
وماعليكم الا العافيه

كل الي دعوا لي او ردوا علي جزاكم الله الجنة ووالديكم ..فعلا انتم نعم الاخوات

ام حمودي
جزاك الله خير..بس لاحظت ان راسي زاد يوم قريت..هو مستمر الالم له سنين بس مرات يخف ومرات يزيد لدرجة الفراش

بنت نورة
والله اهوجس بالحجامة ..انتي تقصدين حجامة الراس؟لاني خايفة منها سمعت انها مو كل مرة تنجح ..وحركة النعناع وش الهدف منها ؟ عاد اتخيل شكلي بالعودان مترززة

خلود
اكيد استخدم مانع بس المشكلة انه نفس الالم حتى فترة الدورة وما اعتقد انه برد لكن باذن الله اجرب طريقة الكمون لانها سهلة جزاك الله خير

سوانح
هلا ومرحبا
الحجامة سويتها قبل فترة بس تعبت ورفضت الحجامة تكمل خافت يغمى علي ثانية ههههه..والفاتحة اكيد تنفع لان القران كله خير
وسلامتك ان شاء الله.

حلم
سلامتك يمكن برد بما انك تعرقين..جربي طرقهم والله يشفيك ويرفع عنا وعنك

بنت نورة
ما اعتقد الي فيني هوا والي مخوفني ان فيه بجانب الراس زي الكيس صغير بس بارز مرة وبصراحة مضيق صدري وخايفة اكشف عليه والالم متركز بجهته واحيانا احس برعشة بهالجانب خاصة اذا قريت الرقية

طبعا اليوم كانت حالتي حالة
يالله قمت وسويت الغداء وغسلت المواعين قبل تتراكم
وكل الضهر يضيع على بنتي كل شوي بالحمام تكرمون ولازم تغيير كامل لانها تدخل وتلعب بالموية بدون ما ادري وتغرق السيب كله وبصراحة مع الصداع اي مجهود يكون مزعج

خلصت الغدا مبكر وحطيته بحافظة وجهزت كل شي مع القهوة
الصالة تحتاج مسح وكنس لان الجو غبار بس ما قدرت
بعد العصر طلبت من عيالي يساعدون.. بنتي رتبت شوي في المطبخ وولدي كنس الصالة.. الله يبارك فيهم.. وقمت ومسحت الارضية والمطبخ
وغسلت باقي المواعين
وصلحت قهوة وتقهويت المغرب وصليت والحمد لله خف راسي

غسلت كم دفعة ملابس وروشت عيالي وتعشوا وناموا.. رتبت مطبخي وجيت اسلم عليكم

هلا جروووووووووحه لاتوسوسين حبيبتي ماقدامك الا العافيه يمكن احتباس سوائل والحمدللهعلى مايجي من الله
وبعدين مادام تزيد بالقراءه استمري يالغاليه والله يعااااافيك

00000000000000000000
بنت نوووووره ياحبيلك واشكر اهتمامك
حلم 000طهوووور يارب وعالعموم بداية الحمل لازم صداع

ام حمودي ياقلبي انت00كيف فريخاتك ان شاءالله انبسطتي مع جارتك ولاترهقي حالك 00اللي مايخلص اليوم يخلص بااااكر
-------
ام للطفله---مورننغ كوفي--حياكم يالغاليات 00وعالقوه يارب