ندىالمطر :

يومياتي.. الاربعاء رتبت البيت وركبت على العشاء وجاء أخوي ولد امي وابوي جعل العين ما تبكيه.. تقهوينا وتعشينا وسهرنا على سولفه اللي تهبل.. اسم الله عليه.. الخميس.. تقهوينا قهوة الظحى..<<< يا حلوها.. ثم ركبت على الغداء وتغدينا.. وظفيت حوسته.. وجيتهم لقينهم مبطبطين بالارض!!! تقولون مبخوخين بفليت..ظحكت على اشكالهم<< زوجي واخوي و لولو..وصورتهم..خخخخخ ورحت للصاله وسويت سواتهم ونمت!!!!!! يوم قمت على صوت الصغيره وهي تفحط..لقيت زوجي شكله تحفه..كشه وعيون متنفخه..ويقول لي: وش انت حاطه بالغدا؟!!!! المهم..قطعت جح وحطيته لهم ودخلت البس بروح للمستشفى ازور بنت عمتي والده.. الله يعافي اللي جابت..خدج وبالعناية المركزة..يا عمري.. المهم..كنت ناويه اخوي يوديني وزوجي يقعد عند بناته..بعدين قال لي لبسيهم ونطلع مع بعض.. لبستهم بسرعه ملابس للبحر وخذت العاب البحر.. وترمس شاي.. تخبرون اهل الرياض يحبون البحر.. وطعنا..وقلت بمر محل ورد..وذكرت ام خطاب..خخخخخ المهم سافرنا..قصدي رحنا للمستشفى العسكري اللي على خط بقيق..يا بعد بعداااااااااااااااااااه.. وطلعنا منه بعد اذان العشاء.. ورحنا للظهران.. وقالوا لي: وين تبين.. كان قلبي يشفشف على ايكيا والا مجمع الظهران..بس بناتي ما عليهم الا خلاقين البحر.. قلت البحر<<على مضض.. ورحنا لبحر الدمام وحرررررررررر حفروا بنياتي شوي بالرمل وشربنا كم بياله ودخلنا.. روشت البنات..وطلبنا العشا بيزا...مممممممم من زماااااان مشتهيتها..بس زوجي من سوا حميه معاد يطلبها.. الجمعة.. قهوة وغدا.ومشى اخوي الله يستر عليه ويحفظه.. وانا قعدت افحط بين المواعين والبيت.. وجهزت ملابس البنات ودخلت اتروش ..وطلعت سويت شعري وقلت لجود تلبس..ولمحت لزوجي انه يساعدني ولا حياة لمن تنادي.. وانا طرطعت..ويوم خلصت..قال زوجي :خلصتوا؟ أقوم البس؟ قلت: ما ادري!!! تبيني البسك انت بعد!!!<< معصبه.. بعدين خفت تنقلب على راسي وطعمتها بظحكه.. وطلعنا ورحنا لأخته..تقهوينا عندها وبعد المغرب رجعنا للبيت.. رتبت باقي الحوسه ونومت البنات بعد ما عشيتهم... اليوم.. عندي غسيل.. والثلاجه مليانه خضار يبي لها ترتيب.. واكياس الزباله تكرمون يبي لي لسفطها هذي ثاني مره تخلص من نزلت الموضوع حقها.. وناويه انظف الفرن مظبووووط.. و قطو... دلوعة بريده وينك؟ عسى المانع خير.. وقطو..

يومياتي.. الاربعاء رتبت البيت وركبت على العشاء وجاء أخوي ولد امي وابوي جعل العين ما تبكيه.. ...