كوبونات الراقية تسجيل الدخول

أم_خطاب
أم_خطاب •
دلوعه بريده :

اخبارك يالعسل


بسالك ..؟؟

لاحظك ماتحبين الطلعات وتترديين كثير ههههه ليه ..؟؟

نصيحه مني لاترددين ابد دام توك منتي مرتبطه بزوج او ولد وسعي صدرتس وانا اختس ..


تحياتي لتس وبوسي لي بنت اخيتس:)
دلوعة بريدة
دلوعة بريدة •
أم خطاب ..

ياهلا بك والله..

اى صح كلامك .. مدرى ليش .. يمكن عشان ماتعودت الطلعات .. ومالى صديقات

ووحتى اجتماعاتنا مالى الا وحده .. وتزوجت .. وانشغلت..!!

وماعندي احد فما اطلع كثير ..

ومااحب اروح لاماكن مافيه احد .. يعني كلهم حريم كبار ..

اما الزواج .. فكان يبي شغله واستعداد وانا انقهرت لانى جزمت متأخره ..

وسلامتك :)
دلوعة بريدة
دلوعة بريدة •
دلوعة بريدة دلوعة بريدة :
ياهلا وغلا فيك .. آمين الله يسمع منك .. اقصد مجلس الحريم يالغلااا..:) ومجلس الرجال خليه بوقته .. احسن ..!! وبالعكس لاتضغطي ع نفسك .. لأن التنظيف عمييييييق بيكون الجدار والستائر والمكيف والشباك ... الخ.. ننتظر شغلك .. :26:
ياهلا وغلا فيك .. آمين الله يسمع منك .. اقصد مجلس الحريم يالغلااا..:) ومجلس الرجال خليه...
ع فكره ام خطاب ..

وربي انه تقطر تسبدي اذا تذكرت عمري اللى راح وانا صاكه ع نفسي ..

ودي اكون مثل البنات .. اطلع ... اروح ... اتمشى .. :44:..

للأسف ..!!!!!!!!

حتى المهرجانات .. والحفلات ... وكل شىء .. اعرف عنه صدفه .. وانقهر انى مادريت قبل

عشان اروح...

اخ بس .. جيتي ع الجرح..

لا وجتك الصيفيه .. ماالقى احد ابدن .. 24 ساعه بين 4 جدران ..

واذا سألت فلانه وعلانه كلهم مشغولين .. يحق لهم ماشاء الله ..

عندهم اهل وصديقات يطلعون وينبسطووون..

معليش ام خطاب كثرت قرق عليك ..

بس وربي متضايقه وجيتي ع الجرح .. وفتحت قلبي ..

السموحه..


انا طالعه اسوي قهوه واوسع صدرى ..
دلوعة بريدة
دلوعة بريدة •
سأكون ..

كتبت رد وش طوله .. ماكنت ابي اطلع مارديت عليك

بس طاااااااااااااار

لى رجعه
أم_خطاب
أم_خطاب •
ياحبيلك يادلوعه والله ماكان ودي اضيق صدرك بهالموضوع بس شوفي...

حتى لو قريبتك انشغلت عادي انتي اتصلي عليها مره واعزميها والمره الثانيه هي تعرزمك يعني انتي لطفي الجو مو تقولين انشغلت وخلاص صدقيني بتنبسط هي اذا بادرتي انتي وعند خوات انتي صح ..؟؟؟
اختلطي معهم كثير وحاولي يجون عندكم كثير او تروحين معها للسوق او لشي انا ترى الي حولي كوووووولهم اكثر شي اختلاطهم مع اهلهم خواااااتهم وامهاتهم عشان كذا اغبطهم ماشاءالله تبارك الله ,,,,
لدرجه ان البنت تقعد في بيت اهلها اكثر من تجلس في بيتها خخخخخ ...
وامك بعد الله يخليها لك روحي وانبسطي معها مو لازم بنات معكم لاتخلون مكان في القصيم ماتدوجون به في الصيف والله يعنك

انا وضعي ترا زي وضعك تقريبا والله تتطق كبدي ما يدق جوالي بالاياااام :( >>> انقهر على نفسي


يابنت الحلال الله يعين على هالدنيا
اقول اعرسي بسرعه وتعالي للرياض عشان ماتتطفشين ابد كل يوم وانا عندك وانتي عندي وبالمره استفيد منك تمسكين عيالي اذا بغيت ارتاااح خخخخخخخخخخ