ايييه صاير مفترس ولدي الله يستر عليه ويحفظه ...

الا وش فيه ابوك بالضبط ..؟؟

صباحكم ورد
ياحليلكم وانتم مجتمعات كذا تهبلوووووووون
انا توي روقت هالساعتين عالنت
الويك اند هذا في البيت بسبب اولدي
يسنن وحرارته مررر ه مرتفعه ومو راضي ياكل زين وتعرفون:(
ان شاء االله بكرة يكون احسن
قالت لي جارتي ان السن اذا طلعت خلاص راح التعب
عاد انا اقول ان شاء الله

تسلمييييييييييييييييييييين يارب


والعمر كله يارب لبنتك



هههههههههههههههههههههه بس وش ذا عيال عيال عيال عيال والله لو انا ويش هههههههههه

ام خطاب انتبهي له اهم شي الاشياء الحاده شيليها من عنده وعندنا وعندك خير على طاري التقليد والتاثر صار لي سالفه قبل اسبوع
رحنا للعثيم مول الي بخريص ولعبت حمودي بالملاهي الي فوق وطارت البطاقه على الفاضي مااحس انه لعب ولا استفاد منها
المهم نزلنا تحت وكان فيه سيارات ودبابات بالشحن تشتغل ورحمته لانه من اول مادخلنا السوق وهو يبي يلعب بها وتحسفت ليتني مخليته من اول قطع رجولي الله يصلحه وانا الاحقه وتورمت رجولي وطلع فيها جروح من الجزمه تكرمون
وكل هذا غير انه ضاع مني مرتين امشي كني مهبوله ادوره وانا بنفسي اقرا عليه واستودعه مالكم بالطويله
ركب دباب الشحن ومعه عيال اختي 2 وماشاء الله عليهم مهوب دلوخ مثله
هو شاف السلم الكهربائي ورقى مثل قراند حق البلاي ستيشن على السلم على باله انه بيوصل فوق
وشوي الا اشوف واحد الله يجزاه خير معه زوجته نط بسرعه ورقى له اناظر الا هو توه في بداية السلم انقلب بالدباب من اول درجتين
وخبط على راسه مسوي ذيب هو ويا وجهه
انا مدري تجمدت في مكاني وقعدت اصيح من حر مافيني كل هالتعب واخرتها هالموقف اول شي سويته فتحت عمليته اشوفها لاتكون
انفتحت والحمد لله كانت الطيحه كلها على راسه الله يصلحه
مهوب من عادتي اخذه معي للسوق بس هذاك اليوم مجبوره وتووووووووووووووبه
طولتها انا بس هذا على طاري التاثر الله ياخذ قراند والي صنعه كله غزو فكري
بس هذا اول كان يشوفه ومسيطر على عقله يوم شفته انا قلت مستحيل اخليه عندك ولا عاد جبته له مع انه كل يوم يطلبه

ام خطاب ابوي طايح من الدرج والضربه براسه وعينه الله يستر


طيف صباحك عسل منوره الله يشفي ولدك يارب