جالكسي ..
الله يزيل كربتك ويفرج عنكم عاجلاً غير أجل ..

انصدمت وانا اقراء ..

فيه ناس كيذا ؟؟ اعوذ بالله ..

الله يطمن قلبك

ويحفظ لك وليدك

الحين جا دور يومياتي
بما ان يدي امس احترقت كنت اتالم ومالي خلق احد وجاب لي زوجي مرهم ميبو وكنه برد علي
ونمت من 10 الليل الى الساعه 12 وصحيت سويت شي اكله وسندويتشات لزوجي
ونومت ولدي على الساعه 3 وزوجي مسكر على نفسه المجلس عشان عنده امتحان وجلست ارتب حوسة وليدي واطلع السياكل في السور وارتب على خفيف واعتمدت على يدي اليسار اكثر شي عشان الحرق والسيراميك غاسلته امس قبل ماانام المهم بعد صلاة الفجر راح زوجي الدوام ودخلت المجلس عشان اكمل ترتيبه لاني امس كانسه اللي تحت الكنبات وغاسله السيراميك
يعني كان باقي لي الجدران والباب والدريشه والمكيف
فجبت الممسحه العجيبه وغسلتها بمويه وكلور وجلست امسح بها الجدران بحركه بطيئه عشان يدي ماتعورني ومسحت بها الباب واللمبات مره وحده وجبت فوطه ورشيتها بمويه ومسحت بها الدريشه من جوا لاني مااقدر افكها ويدي تعورني وفكيت وجه المكيف وغسلته هو وايا الشبك اللي جوا
ومسحت الكمبيوتر وطاولته وبكذا اكون انجزت معكم يعني مارسبت:)

جالكسي:


حسبي الله ونعم الوكيل


الله لايوفق هالحرمه هي واختها ... استغفر الله ... وربي اني مقهوره


وربي قلت حيا وصلت فيهم الجرءاه يسوون كذااا

المفروض زوجك بعد ما يعطيها وجه بس انا ماودي اشيشك عليه لكن الله يهديه

اهم شي حاولي هالفتره تهدين الوضع ولا تسكتينن تكلمي معه عن الموضوع لانك اخاف اذا سكتي يصير هو يسوي شي وما يعلمك لكن اذا شافك منتبهه للموضوع وتستفسرين كل شوي بيدري انك معه ...

وحاولي تهدينه بعد من ناحيه الفلوس يعني قولي انها تتعوض وتروح وتجي واهم شي انت وولدي بس...



الله يفرج همك ..

آمييييييييييييييييين
الله يجزاك خير يادلوعه بريده
وتراني ابشرك انجزت
وياحبي لك تواقيعك خرافيه عجبتني مره خصوصا رقم 1 و3
على فكره ترى ابوي يحب الكلام القصيمي والحايلي بشكل موب طبيعي
يعني كلامكم حلو ومفهوم بالنسبه لي لان مرت خالي قصيميه
جرح الله يقويك لا تنسين تصورين لنا حفلة بنتك الله يوفقها

دلوعه :
ارشح 1 و 3