مساءكم هدوء وجو رومانسي لكل من يحب هالاجواء ومساء حلو بطريقه حلوه للي يحبون غير اجواء الرومانسيه


اليوم لازلت في بيت اهلي راسي مصدع من امس اخذت بنادول وبروفين واقوى المسكنات وماهجد حتى وانا نايمه احس به

عالعموم مو اول مره قد جاني اشد بس مشكلتي لاصدعت ماعاد اتحمل اصوات وازعاج واحب الهدوء وقل الحركه جلست عند اهلي عشان ولدي مالي خلق اصليه بلاحقه ملاحق عشان الاكل هنا امي وخواتي مايقصرون

زوجي كان يبي يجيني بس قلت اني مصدعه وقدر الله يجزاه خير لانه عارف صداعي شين وهو يداوم اخر اللي ومايجي الا الصبح مايبي يخليني لحالي

المهم جهازي خربان وانا اكتب لكم من جهاز اختي

يمكن اخلي اخوي يوديه او بصبر الين اروح بيتي ويوديه ابو فارس

.........................

ودي ارد عليكم وحده وحده بس راسي مصدع قلت اكتب ردي بعدين اقرا ردودكم وان قدرت ارد رديت

تحياتي لكم حبيباتي

ام دودى
زين تطمن عليك
قلت امكن تعباانة
سلامتك
-----------------------------------
غزاال
سلامتك
الالم الرااس
يااهوااا دااخل رااسك
او عندك ضغط
-------------------------------------
خلصت الغدااء والكوى و روشت عياالى
بااقى اتروش والبس واطلع
اشوفكم على خيييييييييييييير

يا سلامي عليكم يا السعوديات..

اخباركن..

اليوم.. قمنا سويت قهوة ..والفطور..بدل ما اعطيه توست بقرص بيض وشريجة جبن..

فرمت شوية بصل وبقدونس مع قرص البيض..وحطيته بصحن وقصيته ارباع وجبت جبنة الشرائح وقصيتها ارباع مثلثة.. وحطيت وسط كل ربع قرص بيض مثلث جبن.. والتوست قصيته نص وسار مثلث..

يعني نفس الفطور اللي دايم..بس طريقة التقديم غيييير.. مع عصير فرش..و برتقاله على طرف الكاس..

طلع فطور فندقي.. بس سويت بعد كذا كبده..<<< جانا شغل الدفاشة..

المهم.. افطرنا.. وقامت الصغيره وكانت حرارتها مرتفعه..

عطيتها فيفادول.. وقعدت تلعب عند خواتها وانا رحت اغسل المواعين بعد ما طلع زوجي..

ويوم خلصت دخلت عليهن المقلط.. لقيت الصغيره تحوس.. وماخذه زبادي لولو وتبربس به..

ومسحت يدينها ومسحت الارض.. ولا حظت بنيتي ترتجف ويدينها باااااردة...

يمه بنتي!!!!!:ohmy:

والقطها واغير لها .. وهي ترجف ومغمضه وتبكي بطريقه غيير..

والقط عباتي حتى ما غيرت تنورتي القصيرة..

و وصيت جود على لولو وقلت اقعدو بالمقلط لا تتعدونه.. وحطيت عندهم ماء..واستودعتهم الله..

و طلعت للمركز الصحي.. الحمد لله انه قريب مني...

وادخل عليهم بسرعه.. وكان زحمة..واخذتني وحده الله يجزاها خير ودخلتني على الدكتوره على طول..

وخذو حرارتها..لقوها 39.. وعطوها تحميله.. وهي ترتجف يا عمري وشفايفها زرق!!!

ياربيه بنتي!!!!!!

وهم يهدون فيني..ويقولون عادي.. هي ترتجف من الحراره..شي طبيعي..

وكشفت عليها الدكتوره..وطلع عندها التهاب بحلقها..

صرفو لي علاجات ورجعت للبيت وانا عيوني مليانه دمووووع:frown:.. كان ودي اقعد عنهم يراقبون حرارتها.. بس بناتي لحالهن بالبيت..

كانت انفاسها سريعة.. وقليبها دقاته سريعه..ويدياتها بااااردة.. ومغمضه وعاقده حجانها..وتون..

يااااااااا بعد روحي..:(

على طول شلت ملابسها وما بقيت الا الداخلية..وفسخت عباتي ودخلت على بنياتي.. وانا مبتسمه..أنا جيييت حبيباتي..

وطرت للمطبخ احضر لها كمادت بالخل..

وقعدت اكمدها لييين خفت النفظه.. و ارسلت لابوها اقوله على اللي حصل..

عطيتها رضعة..عشان المضاد.. ونامت ودخلت عليكم..

هذيهي قامت تبكي..

بروح لها وارجع اذا هدت..

ندى :
سلامت بنتك يا عمري ماتشوف شر


ياشين الحراره ع البزران وربي ارحمهم ...


ام حمودي :

توقعتك امس رايحه للسوق :27: زين خلصتي اغراضك
ويمكن انا بعد اروح مع بنات عمتي اليوم واشتري لي
بس عاد ميزانيتي محدوده مررررررررررره ..:35:

ام دودي :
زين انك طمنتينا عليك.


ديما يا حبيلتس ليتس قايله من بدري عشان نستعد ع العموم اليوم لو بروح ما اقدر الا على سلاام مول لانه قريب من عندنا اذا تقدرين ردي لي بدري عشان اعطيك رقم جوالي

بعد شوي ابقوم ابونا عساه يقوم يارب ما يسحبها نومه زي دايم ...

كتبت رد وطار,,<<< معصبة