المفاجئة السارة للبشرة ولمن يهمه الامر

هلا والله بحبيبات قلبي بنات هذا المنتدى , قبل مااقولكم على المفاجئة ابغى اعرف ليه موضوعي الاول عن خلطة الحورية البحرينية ماحصلته من ضمن الموضوعات المطروحة في قسم العناية بالبشرة من اول مكتبته وارسلته وانا انتظر ابغى اشوفه منور في القسم { مسكينة ماصدقت تشارك بالمنتدى} ولي ثلاث ايام وانا استنى نزوله والحين سوت بحث متقدم ولقيته وحصلت ردود روعه عليه بالصدفه كيف جات ردود على موضوع ماهو معروض بالقسم , وابغى اعرف قد ايش ياخذ وقت الموضوع عشان يعرض بالقسم لاني عضوة جديدة.
اما عن المفاجئة هي في كريم استعملته انا واخواتي والحين مااستغني عنه , بحكيلكم قصتي قبل الكريم السحري كان فيه حب شباب واثار للحبوب والبشرة باهته عجزت من دكتورة لدكتورة ماخليت حتى الوصفات الطبيعية ماجابت نتيجة , صدقوني كنت اشوف الناس اللي بشرتهم صافية وانقهر لي بشرتي كذا وما اقدر اطلع إلابكريم اساس اوبودرة عشان يادوب تتحسن بشرتي وماخليت ماركة كريم اساس إلا جربتها واحس ان العيب من الكريو ماهو من بشرتى , المهم جلت اعاني سنين بدون فايدة { شكلي بكيتكم } لكن بعد ولادتي جتني حساسية عدمت جسمي ....كأني ناقصة فرحت لدكتورة جلدية عشان الحساسية وقبل مااخرج من عندها سألتها عن شي يخلي البشرة نضرة ويعالجها فوصفت لي كريم وقالتلي هذا الكريم المفروض يكون وزنه ذهب حتى هيا ماتستغني عنه , والله يابنات حسيت بالفرق من اول اسبوع وحتى اهلي ماصدقوا إن هذي بشرتي يحسبون إني حاطة كريم اساس جديد والله إني فرحانه بهذا الكريم بشرتي منورة وصافية وماصرت احط كريم الاساس إلا للمناسبات .
حبيت انقلكم تجربتي وافيدكم كما استفدت منكم واطلب منكم تدعولي ربي يهدي ابني ويحفظه.

الكريم اسمه natura ....face cream
الكريم خالي من الكرتوزون ويحتوي على عدة فيتامينات a,e,c,b5, ومناسب للبشرة الحساسة , ماشاء الله يوم حطيته كأني حاطه كريم إضائه روعه ينور البشرة وماكأنك حاطة شيء وللعلم بشرتي جدا حساسة ومن اقل شيء تحكني وتحمر وبعدها يقلب غماق لكن هذا الكريم صرت احطه حتى بعد شيل الوجه يريح وجهي ومايخليه يحمر.
الكريم صغير شوي سعره 150 بس يستاهل للي يعرف قيمته مثلي 0

وللعلم ملقيته إلا في الصيدليه اللي جنب المستشفى حق بخش في جدة وما اعرف فين ينباع بره جده بس يمكن لوسألتو عنه تلاقوه وبالتوفيق.