المفروض الضيوف كلهم واحد ليش السحب

مراحب اخوات
كنت معزومه وجو العزيمه بنات عمتي وحده أكبر مني والثانيه أصغر وجابو ضيافه وقهوه والي تقدم جابت طاوله القهوة الصغيره وحطتها بين بنات عمتي وحطت في صحن فواكه وحطته على طاولتهم ثم اخذت صحنين صغار وغرفت حلا وجابته لبنات عمتي عطت كل وحده صحن وملعقه وكمان ضيفت باقي الحريم بنفس الطريقه ٣ حريم انا ما قدمت لي شي معقوله نست اصلا المجلس الضيوف كله ٥ حريم انا وبنات عمتي وحرمتين وكمان قالت لي وحده من الحريم فلانه ليش ما تاكلين والي تقدم تسمع بغيت اقول ليش هل قدمو لي شي وقلت لا انا والله مو هامني الاكل اقدر اروح لبيتي وأكل الي قهرني الحركه بحد ذاتها يعني ما بيني والي تقدم مشاكل واصلا علاقتي فيها سطحيه زي علاقتها مع بنات عمتي ولاني فيني سكر ليش الاحراج مدري ايش السبب
تذكرت وحده تقول زميلتها في الدوام دائم تسوي فيها نفس الحركه اذا جابت اكل او حلا او قاتوه تحط للكل في صحن وتوزع لهم إلا هي ما تعطيها لا وتسكر صينيه الحلا تقول يوم شفتها كررت هذه الحركه وسكرت الحلا قمت وفتحته وأخذت لي وقلت وانا ابتسم ايه زي كل مره بس اخدم نفسي بنفسي وضحكت للمعلوميه تقول حنا متفقين كل يوم وحده تجيب لدوام حلا وقهوه للكل واذا جاء يومي مت اقصر احط للكل يعني بختصار الي تضيف الناس احس عيب هذه الحركه