المفروض هالمنتدى يكون حياة اسرية تعيسة

سلام عليكم يا حلوااات

في البداية

ابيكم تذكرون الله وتصلون على النبي اللهم صلي وسلم عليه.


انا بنت ولله الحمد على المقيايس السعودية تعتبر عانس وعجوزة الحمدلله على كل حال.

والله يا بنات كل مادخل هالموقع استغرب شلون اسم القسم حياة اسرية سعيدة. للاسف المفروض يكتب حياة اسرية تعيسةّ.
و ما انكر اني كرهت الزواج والرجال من ورا هالموقع على قولة امي تقول لاعاد تدخلينه لا اكسر الجهاز على راسك. بس من جد حلو خلاني اسمح من فكرة الزواج والامر صار طبيعي بالنسبة لي تزوجت والا قعدت.
شكرا لكم يابنات على كتابة مشاكلكم بهالموقع والله حسيت بالنعمة اللي انا فيها الحمدلله على كل حال.
قال قال ظل راجل ولا حيطة الا ظل عصا ولا رجال يجيب لي المرض والهم.



يابنات عينو من الله خير والله الدنيا حلوة اذا بغيناها حلوة.

وكل شي ربي يكتبه بحياتنا من شين وزين تراه زين ولمصلحتنا سبحان الله.

- يعني زوجك لو خانك صح حاجة تجرح بس سبحان الله اكيد فيها حكمة يمكن البلا منك يمكن البلا منه
واذا شفتي زوجك يكلم بنت بالنت لاتسمينها خيانة لان هذا الموضوع صار عادي يعني رضيتي والا انرضيتي ماراح يغير شي.اولا ماراح يبطل وان قالك انه بطل اعرفي انه كذاب وثانيا احمدي الله انها جت على كذا.
احس الرجال اكيد راح يخبي عليك هالاشياء لو شافك مكبرة الموضوع وتزعلين . بس سوي الامر عادي احسن لك تكسبين عالاقل صدقه لانه لو خوفتيه راح يكذب عليك والنت شر لابد منه هالرجاجيل يبيعك ولا يستغني عن النت.

ويابنات اللي ماتزوجو شوفو بس هالمنتدى وتعرفون انكم في نعمة و لو ما تزوجتي مو معنى ان الدنيا خربت .
لا تستعجلون بالزواج يعني مو من زين اللي بيخطبك انتو عارفين السعودييين بالخصوص اغلبهم لازين اخلاق ولازين خلقة الحمدلله على كل حال.
لو بس هالمجتمع يرحب بفكرة الزواج من اجانب كان من زمان وعندنا عيال ومرتاحين.

بس مشكلتنا حنا حاطيين للرجال السعوديين قدر اكبر مما يستاهلونه راح والا قعد بسلامته.
انتي عليك من نفسك و بس.
اشغلي نفسك بنشاطات بجامعة بدار مو لازم يدفعون لك فلوس روحو اشغلو وقتكم. انبسطي مع اولادك
ان هو زعل على خرابيط ياختي الجداران واجد يطق راسه ويرضى من حاله.


عموما فكرتي عن الزواج واشياء كثيرة للاسف تغيرت للاسؤا عقب هالمنتدى.

فعلا اللي يبي يكره حياته يدخل هالمنتدى ويقرا هالمشاكل ويقرا هالنقد والنقيد على العالم وكل واحد يفكر نفسه هو احسن شي واحسن مجتمع.

الله يهدينا بس ويرزقناا ويثبتناا




يابنات ادعوو لي ان الله يسهل امري ويسخر لي من تولي امري ياااااارب ويسعدني دنيا واخرة