السلاااااام عليكم
الحمد لله اليوم كانت مقابلتي الشخصيه احسها هم وانزاح بس صراحه حقدت مره مره نرفزوني
اول مادخلت سألتني وحده ::: *تكلمي عن نفسك.......
*تتابعين اخبار المملكه؟؟؟ قلت طبعا .. قالت لي طيب مين النائب الثاني؟؟ وهل تعين على طول؟؟ طبعا هو الامير نايف وتأخر تعيينه كان في مشاورات قبلها.
*الاتحاد السوفيتي كان اول من اعترف بالمملكه كيف تصفين علاقتنا بها الان؟ قلت لها قصدك روسيا طارت فيا وقالت ليش روسيا قلت لها الاتحاد السوفيتي تفكك وصار الان روسيا كانت تبغى تشككني:boom: بس ماقدرت هههههههههههههه
* ماهي حدود المملكه؟ قلتها صح ولما قلت البحرين من الشرق قالت اش يربطها بالمملكه طبعا جسر الملك فهد
*الشيوعيه كنظام اجتماعي وسياسي هل لازالت موجوده؟ تفلسفت قلت موجوده اجتماعيا لكنها مو سياسيه :icon32:
*هل كوريا دوله شيوعيه؟؟ قلت لها ماعندي فكره
* سألتني الثانيه:::: اليورو عملة مين؟؟ الاتحاد الاوروبي.. طيب اش الازمه اللي صايره فيه الان ؟؟ قلت يقولون انه نازل :ohwe:طبعا انا قريت العنوان في جريده جابتها بنت معاها هههههههههههههههه قالت اش سبب الازمه طيب قلت لها مدري
* اش اللي حصل في تايلند الان؟؟ قلت مدري :unsure:
مو كأني كثرت كلمة مدري هههههههههههههههههههههههههههه
* كيف لغتك الانجليزيه؟؟ قلت تمام :2thmup:سألتني بالانجليزي اش الشي اللي يميز المملكه في نظرك؟ كان واضح من معالم وجهها اني عجبتها
* الثالثه سألت:::: المملكه مخزنها من النفط كم نسبته بالنسبه للعالم؟؟ قلت لها 35% قالت متأكده والا تخمين قلت لا تخمين طبعا :icon32:وجلست تضحك
*المملكه يقولون انها دوله ريعويه اش يعني؟؟ قلت لها ماعندي فكره اول مره اسمع الكلمه هذي لكن لقيت في النت انو القصد انها دوله نفطيه
* الرابعه كانت وكيلة الجامعه ملتزمه بس كانت اخلاقها قافله سألتني لو احد سألك عن الاسلام اش تقولين له؟؟ بدأت اتفلسف لقيتها اعطتني ظهرها وتسولف مع اللي جنبها!!! ياهوه نحنو هنا:boom:
*رجعت التفتت لي وقالت باخلاق قافه برضو:: اش اللي يميزك ويخليك احق من غيرك بالوظيفه هذي؟
برضو انسألت اين تقع كولومبيا؟ واش تعرفين عن هيروشيما؟
اللي قهرني لما عرفو انو عندي بنتين قالت لي وحده اش الاسلوب اللي راح تتبعينه في تربيت بنتك؟ :crap:
اشرايكم الاسئله مو تعجيزيه؟؟؟ انا جاوبت كويس اجمالا بس حسيتهم يبغون يغلطوني ويحوسوني مدري ليش
لااااااااااااا والمشكله في وحده معاهم شكلهم جايبينها عشان تخوف البنات وتربكهم طول الوقت تطالع فيا بنظرات تخوف كأنها حاقده علي او تبغى تضربني:024: وهي اللي كانت لما اجاوب تقول لي ليش وكيف عرفتي حسيتها محققه بس انا كنت اطالع فيها وماانزل عيني كان ودي اقول تراك ماتخوفيني :booo:
الله يكتب اللي فيه الخير ان شاء الله
طولت عليكم بس ودي افيد اللي مقابلتهم الاسبوع الجاي واهم شي اقول لاتخااافووووووووون ولاترتبكوووووووووون هذا اهم شي
وسلامتكم
sweety6
•
الصفحة الأخيرة
الف مبروك للمقبولات ...عقبالنا