البنات ما قصروا بس نصيحة تدربي بالبيت قدام المرايه، كيف تكون دخلتك وابتسامتك وكلمي نفسك كانك تكلمين اي وحده بالمقابله.
التدريب بصوت عالي ،او جلسي اختك وعرفي نفسك عليها وخل تنقدك.
اتيكيت المقابلات الشخصية الملائمة لبيئتنا:
لاتجلسين لحد ما يقولون تفضلي اجلسي ، ولو حقروا لمدة طويله قولي ممكن اجلس؟
اللبس لازم يكون مريح ومثل ماقالت نجلا الرياض رسمي.
المكياج ناعم جداً ، الشعر غير مبالغ في التسريحه.
لو كنت لابسة نظاره شمسية تشيلينها قبل تدخلين لهم وبلاش تنحط بقمة الراس ،خليها بيدك او بالشنطه افضل.
الحقيبة ماتنحط على الطاوله ابد تنزليها بجنب الكرسي على الارض حتى لو باكثر من الف ريال شاريتها.
خل معك على طول بشنطتك قلم ومذكره صغيره لكتابة اي ملاحظه .
وبالتوفيق إن شاء الله لك ولجميع العاطلات.
الصفحة الأخيرة
فيه نقطه مهمه احب اضيفها للأخوات لو كنتي تشتغلي قبل وكان شغلك سئ
مهما كان لاتذكرين عيوبه لهم حتى لو استفزوكي بالعكس خليكي دبلوماسية
وجاوبي بثناء معتدل
ولو سألولكي ليه تدورين شغل ثاني قولي الانسان يحب يطور نفسه ويجدد
خصوصا لو لقي شئ أفضل
يعني خليكي هاديه متفائلة
تحياتي