المقاضي الشهرية

الله يغني ويبارك للجميع يارب

مافيه طريقه معينه..
اول ما ينقص شي نحاول نوفره وانتهينا

عندي ميزانيه كل شهراذانزل الراتب اروح مع زوجى اقضى اغراض الشهركلها مرة وحدة ماعدالخبزواللبن والخضاريجيبهازوجى

اشتري وقت التخفيض حق بنده او كارفور من كل اسبوع واشتري اللي تحتاجينه
انا اشتري فقك اللي احتاجه حق اسبوعين من عصيرات للمدرسه وسناكات للعيال
وممكن الصوابين والمنظفات تاخذينها من اماكن المخفضه مثل محلات الكماليات اذا عندك بالمنطقه ...

بقولج عن ميزانيه لشهرين
هالشهر اشتريت كرتونين زيت كرتونين معجون طماطم
رز سائل صحون
بهارات الفلفل وتوابعه من كل شي كيسين صغار
اكياس زباله
طبعا الخضروات والسمك اسبوعيا
والدجاج واللحم شهريا
الاشياء اللي ذكرتها فوق تكفي لشهرين واسبوع
الشهر الياي بشتري المعكرونه والبقوليات الاجبان طحين وسكر
صابون ملابس اشتري تايد ٣١ كيلو لثلاث شهور
شوفي الشهر الثاني خفت الاشياء الكبيره ف قل المبلغ المصروف
الشهر الثالث ترجعين تشترين الاشياء الكبيره
وهكذا
المبلغ اللي بيتوفر ممكن تستخدمينه لميزانيه رمضان
او لعزيمه