🇸🇦السعوديه🇸🇦 :

يختي مدري وش فيني😐 صرت أتعب نفسيا من بعض الكلام ماكنت كذى! ليش صرت حساسه بزياده؟ ليش صرت أحس إن في طبعي صار بعض العنف الفكري ممكن!؟ مهو بخصوص هذا الموضوع. لا بشكل عام! تتوقعين طولة الأخذ والرد في المواضيع هنا وبعض التصرفات لها دور ؟؟

يختي مدري وش فيني😐 صرت أتعب نفسيا من بعض الكلام ماكنت كذى! ليش صرت حساسه بزياده؟ ليش صرت أحس إن...

عواطف تركي . :

حطي عفشك وتعوذي من الشيطان تذكري ان البشر على هذا الكوكب بمستويات وعي وإدراك وفهم متفاوته ومختلفه انتي طرحتي وجهة نظرك بالتفصيل لكن مو الكل عنده القدره يستوعب مقاصدك ووعيك بجوانب الموضوع في ناس قناعاتهم نسخ لصق من الوعي الجمعي للمجتمع وناس معاهم معاهم عليهم عليهم في أي شي او أي هبه وموضه تمر يدخلونها تكون مثل الدوامه او التيار اللي يمر عندهم ويركبونه او يسحبهم له بكل سهوله ويتبنونه ويعيشون صراعات لأجل بقائه بلا وعي ولا ادراك يعني لازم تتقبلين فكرة وجود هذول الناس ولا تتعبين نفسك في سبيل اثبات فهمك لهم لانك راح تتعبين ومو بعيد يتم تكفيرك او التشكيك في عقيدتك لانك خالفتيهم مثل ماحصل معاي السنوات الماضيه هنا كلن يقول رأيه وماتدرين مين يستفيد منه يمكن اشخاص مو مسجلين او صامتين مايعلقون ولا يدخلون في جدالات ولا يناقشون مثل هذي المواضيع بسبب خوفهم او ضعفهم امام بعض الاراء خذي نفس عميق وتعوذي من الشيطان

حطي عفشك وتعوذي من الشيطان تذكري ان البشر على هذا الكوكب بمستويات وعي وإدراك وفهم متفاوته...

عواطف تركي . :

ملاحظه هذا الشي في بعض المواضيع تعطينها اكبر من حجمها الطبيعي انا تعلمت شي في هذي الحياه ان بعض الامور اللي تستفزنا كثير يكون لها جذور لمواقف او تجارب قديمه سببت لنا ألم او صدمه وتخزنت داخلنا واول مايجي موقف مشابه لها يبدأالشعور يظهر ويحاول يثبت وجوده وكأنه ينادي عليك يحاول يحسم الموقف ويتحرر من هذا الشعور مدري اذا قدرت اوصل المعلومه لكن مثلاً انا كنت احس بالغضب وانفعل اذا قرأت او سمعت عن أم تضرب اطفالها او تسيء لهم وتعنفهم وتظلمهم ببعض التصرفات ابدأ اهاجمها ولا احترمها واحس بألم ومشاعر قويه غاضبه لدرجة ودي ان اللي كتبت هذا الكلام الاجرامي عن معاملتها لاطفالها انها تتعاقب بالقانون وتتألم عشان يبرد قلبي ثم ادركت ان جذور هذا الغضب هي تجربه شخصيه ومشاعر وصدمات قديمه مكبوته بداخلي اول مايجي موقف يشبهها مباشره يبدأاللا وعي يسقط هذي المشاعر وكأنه يبيني احسمها واحررها اما بالتسامح او الانتصار للذات او بأي طريقه وغيرها من المواقف لكن هذا اسهل واقرب مثال عشان توصل الفكره يعني ربما هذا الاستفزاز اللي تحسينه جذوره امور تتعلق بك شخصياً حاجات قديمه ما تتعلق بالشخص اللي يناقشك

ملاحظه هذا الشي في بعض المواضيع تعطينها اكبر من حجمها الطبيعي انا تعلمت شي في هذي الحياه ان بعض...

🇸🇦السعوديه🇸🇦 :

لا والله ماقصدت هذا الموضوع اتفهم إختلاف وجهات النظر ومستحيل أزعل أو أصادر رايهم هم يشوفون انهم صح وأنا اشوف إني صح. عادي. لكن قصدت أنا كأنا يابنت أحس إني صرت نفسيه😒 أزعل بيني وبين نفسي وأنجرح بسرعه كنت إذا واجهت تصرف وشكيت إني مقصوده بالإساءه أبادر بالسؤال والإستفسار! .الحين لا صرت آخذ موقف من الشخض وأزعل عليه وأتجنبه خلاص! حتى هنا في المنتدى صرت أزعل من بعض البنات واتجنبهم ودون سؤال أو أخذ ورد معهم. زوجي يقول ماكنتي كذى! كنت هاديه وتحبين تفهمين. الحين كني عنتر شايل سيفه ماداومت الأسبوع الي راح غير يومين واليوم مارحت. معبسه مكشره نفسي في راس خشمي. أختي تقول كنك تتوحمين🫣 رغد تقول بنحاش بيت امي الكبيره زوجي يقول صايره قشرى وش فيني أعوذبالله

لا والله ماقصدت هذا الموضوع اتفهم إختلاف وجهات النظر ومستحيل أزعل أو أصادر رايهم هم يشوفون انهم...

🇸🇦السعوديه🇸🇦 :

هذي المواضيع تكبر مع الاخذ والرد أتفاجأ مع الكلام بردود تتشعب وتصدمني في مضمونها. أكثر شي يزعجني ويموتني مواضيع أحسها تمس أشياء شخصيه في حياتي. أشياء أحبها وأثمنهاااااا زي اشياء ممكن تتعلق بأبوي الله يرحمه. ساعات ما أقدر أفصل بين أشياء خاصه فينا وبعض المواضيع هنا. ماقد فكرت إن المنتدى ممكن يأثر على واقعي. لكن والله أثر وأثار مشاعر قديمه كنت اتوقع إنها نامت.بالذات في مجال السياسه وبالذات فلسطين.يليت فيه تشفير واشفر الأقسام والمواضيع وأرتاح. ارتاح لما أفضفضلك عطوفه. مجرد الكلام يريح.

هذي المواضيع تكبر مع الاخذ والرد أتفاجأ مع الكلام بردود تتشعب وتصدمني في مضمونها. أكثر شي يزعجني...