نازك السلحدار :

ماشالله تبارك الله الله يرزقك الذريه الصالحة الباره ربنا يثبت حملك علي خير يارب

ماشالله تبارك الله الله يرزقك الذريه الصالحة الباره ربنا يثبت حملك علي خير يارب

بطه عالنت بس مهمومه :

كملي ياقلبي كل يو ندخل نتظرك تكملين الله يثبت اجنتك بسرعه نتظرك بفارغ الصبر

كملي ياقلبي كل يو ندخل نتظرك تكملين الله يثبت اجنتك بسرعه نتظرك بفارغ الصبر

لولى لوليتا :

خير بدايه بسم الله الرحمن الرحيم والصلاة والسلام على اشرف المرسلين سيدنا وحبيبنا محمد وعلى آله وصحبه اجمعين 　 اللهم ارزق كل مشتاقه منتظره للحمل راجيه كرمك وهب لها من لدنك ذريه صالحه عاجل غير اجل اولا اختى المقبله على الحمل كل شىء وكل خطوه بأمر الله ومقدره ومكتوبه فى اللوح المحفوظ فأطمئنى تماما يرتاح قلبك وما عليك الا العمل بالاسباب وهذا ماأمرنا به الله سبحانه على لسان وافعال رسولنا الكريم 　 (علاقتك بربك وكيف تعالجي نفسك روح وجسد من شرور الانس والجن) كتير مننا متعرفش انها معيونه او منظوره اومحسوده من اعين الانس والجن وتسأل نفسها حياتى ملخبطه وبتحصلى حالات اكتئاب وحزن غير مبرر يعنى من غير سبب وكمان فيه حاجه ممكن بعض السيدات يعتبروها خرافات وهى القرينه والله اعلم باللى بتعمله فى الست والبنت وممكن لا تكونى محسوده ولاعندك قرينه ولا اى حاجه علشان منخوفش الحلوات الكورس اللى هنعمله لجسدنا وروحنا ده تطهير زى كده ماتكونى بتطبخى وتعورى نفسك بسكينه المطبخ اسمه الله عليكى مننا فيه اللى تكتفى بغسل ايدها وفيه الشطوره اللى تجيب مطهر وتطهر جرحها فتبقى عملت اللى عليها كله فحق نفسها الكورس بسيط وجميل .الصلاه كل يوم بعد الآذان مباشرة تقومى كده وتصلى وتفضلى على مصليتك وجنبك مصحفك حبيبك وتقرى اربع صفحات فقط من سورة البقره وبعدها تقرى اذكار الوقت ان صباح اومسا وتقومى تريحى ضهرك وتحطى ايدك على بطنك وتقرى الرقيه الخاصه بتحصين النفس ،وتستغفرى ربك 100 مره او اكثر حسب وقتك، ولا تنسى الاستغفار وانتى بتغسلى المواعين ،بتنشرى الغسيل ،فكل وقت خلى الاستغفار على لسانك وتكررى هذه الدقائق اللى مش هتزيد عن ربع الساعه بعد كل صلاه ،الاذكار طبعا مرتين فقط والرقيه كمان مرتين فقط صباحا ومساءا علشان متحسيش بثقل فالكورس .بكده انتى بعون الله جاريه على تطهير نفسك تمام وهتحسى بالفرق من اول مره تختمى فيها سورة البقره اللى هتختميها فصلاتك للعشاء بعون الله وتدعى هذا الدعاء (اللهم ارزقنى الحمل السليم الثابت واجعل الحقن المجهرى هذه المره سبب فيه انا وكل منتظره للحمل ياارحم الراحمين) ده اللى كنت بعمله من قبل عملية التنشيط بكام يوم واللى بدأت تنشيط متحملش هم ربنا كريم ابدأى برضه ومتخافيش 　 ثانيا كيف اجهز جسمى لتنشيط سليم ينتج عنه بويضات حجمها كبير وعددها كتير بعون الله من اول دورتك اللى هيحصل فيها التنشيط او من قبلها طبعا تنسى تماما البرفانات والعطور والكريمات المبيضه والمضاده لتقدم السن ويفضل الابتعاد عن كل انواع الكريمات ومستحضرات التجميل تماما وان اضطريتى يعنى فرح على غفله مثلا او مناسبه مفيش مشكله بس تحاولى بجديه تبعدى عنها ومش هتندمى عن نفسى كنت استحم بصابون زيت زيتون طبيعى خالى من الكيماويات حتى شعرى اغسله بيه وكان والله اجمل من الشامبو وبعد الحمام لترطيب الجسم وللبركه ايضا ادهن جسمى كامل بزيت الزيتون الجيد وكمان كنت بعمل منه حمام زيت،دا غير الاكل طبعا يعنى كنت بغرق فزيت الزيتون متخافوش حمام الزيت اختيارى مش اجبارى خخخخخخخخخ .من خواص زيت الزيتون انه سبحان الله طارد للسموم ومعقم طبيعى يعنى طبعا احنا اتهرينا شاور جيل وكريمات ولخابيط فالجسم مليان لعينه سموم وكيماويات ومهما كان مكتوب على اغلفة مستحضرات التجميل طبيعى ولا تصدقى .بس اطمنى زيت الزيتون هيظبطك تمام من اسبوع بس استعمال وبعد كده هتبقى انتى نفسك طبيعيه بس اوعى تسيبيه برضه خليكى معاه ده بركه مع العلاج .تريحى نفسك فالدوره دى يعنى متعمليش زى كل دوره تربطى الايشارب وتشيلى عفش البيت ويدخل الراجل الغلبان يتلخبط بينك وبين الخدامه وانتى بمقشتك وعفارك الراحه الجسديه تخلى المبيض مرتااااااااااح وينتج بويضات مرتاحه وجميله وكمان كبيره ومتغذيه زى صاحبتها وكله بعون الله 　 شرب الماء لو تعرفى شرب الميه وفوايده عاوزالى 30 صفحه علشان اوفى الميه حقها سبحانك ربى هتفيدك فى تنشيط المبايض وتساعد على التنشيط بشكل سليم وكمان هتخفف عليكى اعراض مابعد عملية السحب تشربى من 8الى 10 اكواب ماء فى اليوم 　 ثالثا كيف اكمل تجهيز جسمى لعملية سحب جيده ينتج عنها بويضات ممتازه وبالتالى اجنه ممتازه بفضل الله .انا طبيعى ماشيه على كورسى الروحى والجسدى ونضفت كده روحى وجسدى بعون الله نيجى بقا لفترة التنشيط من اول يوم فيه انا كنت باكل اناناس كل يوم 3 او4 قطع من اللى فى العلبه ده(الكمبوت)واشرب عصير عنب طبيعى انا اللى بعمله مش بتاع بره مره بعد ماافطر ومره قبل ماانام حوالى كوب ونص عنب من غير بزر وكوب ماء ومعلقة سكر او حسب ماانتى عاوزه وتصفيه وبالهنا والشفا .تاكلى كل شىء مغذى الفتره دى وتبعدى بقدر الامكان عن الاكلات الجاهزه الجانك فود واى حاجه نص سوا من بره لانها بيبقا فيها حاجات وحشه احنا مش عاوزينها فجسمنا دلوقت اللى بتحب الجنزبيل ممكن تشربه بدل العنب مفيش اى مشاكل وبنفس الطريقه بس انا كنت بشرب عنب بصراحه نيجى لايام المتابعه اوعى تسيبى سورة البقره وختامها اوعى وكمان اوعى تقولى لحد من اصحابك ولا اهلك غير امك انك هتعملى حقن مجهرى انسى هوايتك فالرغى الفتره دى ارجوكى العين حق حتى اللى مش هتحسدك ممكن تحكى لحد يحسدك ولو حسيتى ان ماما هتقول لحد معلش متقوليلهاش واستحملى عارفه انها صعبه بس كله يهون علشان النونو داانا لو كان ينفع مقولش لجوزى كنت عملت بس انتو عارفين الزوج مشارك فالليله دى ، بس حلفته على كتاب الله ميقولش لمخلوق لانى عانيت قبل كده والحمدلله .فايام تبويضى كان تبويضى ضعيف فالاول والعدد قليل والاحجام معجبتش الدكتور لكن انا كنت برجع اعمل واجباتى اللى عليه بدون ملل ولا يأس لانى عارفه ان ربنا هو اللى امره هيمشى مش الدكتور وبمرور الايام التبويض مكانش كويس خالص لدرجة انى طولت فجرعتى عن اى واحده تانيه الدكتور قالى كده ومفيش غير بويضه واحده حجمها مناسب شىء غريب حسيت باليأس فنبرة صوت الدكتور ومكدبش عليكم ابتدى اليأس يدخل قلبى اناكمان يعنى كمية الحقن دى كلها وهو متبع معايا النظام الطويل وبرضه مفيش الا بويضه واحده المهم حددلى ميعاد حقنة التفجير على البويضه دى وخلاص مكانش ينفع اخد حقن اكتر من كده توكلت على الله واخدت حقنة التفجير وبرضه بعمل واجباتى صحيح العزيمه قلت لكن برضه حاربت نفسى واستمريت فى الكورس بتاعى .الصدقه. عنوان لوحدها اهو لاهميتها العظمى يا بنات تصدقى باى مبلغ واى شىء تستطيعى من اول يوم فى دورتك لغاااااااااااااااية ماربنا يكرمك وتولدى بالسلامه مش لازم كل يوم لكن كل ما تروحى تعملى متابعه كل ماتفتكرى تكلمى جوزك تفكريه بالتصدق حتى لو بالقليل بنية ربنا يكرمكم بنجاح العمليه 　 　 يوم السحب طبعا منمتش اساسا لانى كنت عارفه انى هاخد مخدر كامل وعلى ايه على بويضه واحده دا كان كلام الشيطان لعنه الله بس مديتهوش فرصه،اخدت حمام وصليت الفجروجلست على مصليتى قرات ماتيسر لى من سورة البقره والرقيه الشرعيه وكل ماطرأعلى بالى من ادعيه الهمنى ربى يترديدها طول المسافه من بيتى للمستشفى ساعه ونص استغفار وتسبيح ودعاء وتضرع ان ربى يجبر بخاطرى ويباركلى فالبويضه دى ومتفسدش بالسحب وابعدت الشيطان بذكر الله لانى فى مرات الحقن السابقه كانت عدد البويضات اكبر والارجاع بيكون 3 اجنه كل مره والعمليه مش بتنجح فلو كنت تركت تفكيرى للشيطان مكنتش حصلت على معونة ربى بذكرى لله وتضرعى اليه لبست ومحطتش اى كريمات فى جسمى ولااى مزيلات بس استحمام بصابونة الزيتون ودهان جسمى بزيت الزيتون زى ما بعمل طبيعى وبأكد على الحته دى لان اى روائح تؤثر على جودة البويضات .وصلت المستشفى وكنت انا وواحده تانيه هتقوم بعمليه سحب حسيتها عاوزه تتكلم معايا بس ضغطت على نفسى واعتزرتلها بعيونى وفتحى للمصحف واستغليت بقية الوقت المتبقى على تجهيزى للعمليه فى قراءة القرأن قرأت ماتيسر من سورة البقره تكمله لقراءتى الاولى وقرأت سورة يس وسورة الرحمن وبعدين دخلت غرفه لتغيير ملابسى ولبست لبس غرفة العمليات ولسانى لازال على الاستغفار لدرجة انى صعبت على الممرضات اظاهر منظرى كان يقطع القلب كل اللى تدخل عليه تدعيلى دخلت العمليه وربنا كرمنى بدكتور تخدير اسأل الله ان يرزقه السعاده فالدنيا والاخره بشوش ونور التقوى على وجهه سبحان الله امتص كل توترى وقلقى لانهم رفضوا يدخلوا جوزى معايا غرفة العمليات وحسيت بالوحده والخجل قالى متخافيش يا فلانه قولى ورايا(اللهم لا سهل الا ماجعلته سهلا فاجعل الحزن سهلا ) وادانى الابره فى كف ايدى وهو بيردد الدعاء وانا معاه وشوفت دكتورى ربنا يكرمه دخل وسلم عليه . فوقت بتربيت على وشى من واحده من الممرضات قالتلى حمدلله عالسلامه وجوزى قاعد فالغرفه اللى غيرت فيها ملابسى يبتسم ويقولى يلا عملتى دماغ بنج عاوز يخفف عنى خخخخخخخخ حسيت طبعا انى عامله دماغ فعلا والم فبطنى واثناء نومى كنت بحلم بس حاولت افتكر الحلم مقدرتش بس كنت بضحك اول مافتحت عينى خخخخخخخخخ سألت الممرضه قلت حاجه وانا نايمه قالتلى لا مقولتيش وابتسمت شكلى بهدلت الدنيا 　 وانتظرت حوالى ساعه وانا نايمه فالغرفه لغاية ماحسيت ان الالم راح لان الممرضه كانت حطالى لبوس مسكن وانا تحت التخدير وبعد شويه جه دكتورى اطمن عليه وادانى ورقه بالعلاج اللى ابدأ اخده لغاية مايتصلوا بيه يقولولى حصل انقسام ولا لأ رجعت بيتى وطول الطريق استغفار ودعاء كالعاده اتوضيت وصليت وقتى واديت الواجب اللى بعد كل صلاه وحمدت ربى انى وصلت للمرحله دى فخطواتى لان كان ممكن ميحصلش تبويض اساسا ولاسحب ودخلت نمت ماتنسيش الراحه كمان بعد السحب مهمه لنفس السبب ان الرحم والجسد المرتاح افضل كتير من جسد ورحم متعب وكنت ماشيه على العلاج طبعا فى مواعيد ثابته كنت بعمل تذكير لنفسى بيها على الموبايل علشان انا سحبانى النداهه من زمان ا انتظرت اليوم اللى قالولى عليه وكلى امل ان بويضتى تنقسم ويجعلى ربى منها نصيب واحمل اتصلوا تانى يوم الصبح بجوزى وقالى هنروح بكره ان شاء الله لعملية الارجاع صليت ركعتين شكرلله ان بويضتى انقسمت 　 　 يوم الارجاع حاولت قدر الامكان انى انام ولو ساعتين او 3 صحينا الصبح ،استحميت واتوضيت و صليت الصبح ومن بعده وردى اللى اتمنى تكونوا حفظتوه لغاية مادخلت غرفة العمليات تانى والارجاع مش بيحتاج بنج لانه سهل بعون الله زى كشف النسا بس حاولى بقدر الامكان متتوتريش لانه بيأثر سلبا على قبول رحمك للبويضات ،وتشربى ميه كتير علشان المثانه تمتلىءلان امتلاء المثانه جيدا معناه رؤيه واضحه لبطانة الرحم تساعد الدكتور فى غرس سليم بعون الله دخل دكتورى بعد ماالممرضات جهزونى المفاجأه بقا لاقوة الا بالله ولا اله الا الله 　 　 　 الدكتور حط ورقه جنبى وقالى ده تقريرك انا سحبت 15 بويضه ولقحت 11 وانقسموا 6 كان هاين عليه ازغرت من المفاجأه الحلوه دى ومعرفش ليه الدكتور مقاليش يوم السحب بس حمدت ربى كتييييييييييييييييييييير لانى معرفتش قبلها علشان لجوئى لربى يكون لجوء المضطر تخيلوا شوفوا تعويض ربنا من بويضه واحده ل 15 بويضه ومن توقعى لجنين واحد لقيت 6 اجنه اللهم لك الحمد حتى ترضى ،دى محصلتش معايا غير المره دى سبحانك ربى من يلجألك لا تخزله ابدا يارحمن وبدأت ادعى(اللهم انى استودعتك اجنتى يامن لاتضيع لديه الودائع)كتيرواستغفر وارجع اقول الدعاء لغاية الدكتور ماخلص الارجاع فضلت بعد الارجاع ربع ساعه فى غرفة العمليات وبعدها نقلونى وانا نايمه على ضهرى للغرفه وجات الممرضه ربنا يكرمها جابتلى حاجه زى قصرية الاطفال حطتها تحتى علشان افضى المثانه اكرمكم الله وقالتلى متحزقيش بشويش خالص وبعد شويه الدكتورجه وادانى ورقه بالعلاج اللى هاخده لغاية يوم التحليل ان شاء الله كانت معايا الست الفاضله اللى بتقضيلى حاجتى فالبيت ساعدتنى كتير ربنا يكرمها ,وبعد ساعتين من نومى على ضهرى قمت بالراحه ولبست هدومى بمساعدتها كانت مجهزالى بطانيه على الكرسى الخلفى للعربيه وحطيت راسى على حجرها ونمت على ضهرى وغطتنى بملايه ورفعت رجليه بتنى ركبى علشان طبعا كرسى العربيه حجمه محدود وانا داخله العربيه تذكرت الصدقه وسبحان الله لقيت فوشى من اعطيهاله وفرحت اوى لانى اعتبرت ان دى علامه من ضمن العلامات ان ربنا عاوزنى اتصدق وصلنا البيت بحمد الله وانا مداومه على الاستغفار طول الطريق والدعاء لله بثبوت اجنتى نيجى بقا لفترة الانتظار بعد الارجاع الراحه التامه ويستحسن يكون معاكى حد علشان متعمليش اى مجهود اناكنت بقوم للصلاه والحمام فقط العباده الوضوء عادى لكن ماترفعيش رجلك لغسلها ادلقى ميه دلق ومتنحنيش للارض اكتر من وضع الركوع والصلاه تكون وانتى قاعده على كرسى مريح وضهرك مفرود والسجود وانتى قاعده برضه متسجديش عالارض تخلصى صلاتك وتقومى تنامى على ضهرك وتكملى تسبيحك واستغفارك وقراءتك وانتى نايمه على ظهرك وكنت بحط ايدى على بطنى وادستودع الله اجنتى 　 الحركه زى ماقلنا محدوده وبحزر وبسم الله الرحمن الرحيم مع كل حركه اما بقا الاستحمام , غسل الرأس ممنوع لمدة اسبوع اناعن نفسى مستحميتش اصلا غير بعد اسبوع كنت بغير هدومى واحط خلطة العرق الشبه بالمسك ان حسيت بعرق تحت ابطى ومعلش استحملى شويه ولما تيجى تستحمى الميه تكون فاتره ابعدى تماما عن الميه السخنه الغذاء الصبح عالريق كوب لبن دافى مدوب فيه معلقة نشا يوميا ليوم التحليل اهم شىء شرب الماء 8 الى 10 فاليوم وعصير تفاح طبيعى معمول فالبيت مرتين او 3 فاليوم تكترى من اكل الخيار يعنى ممكن اربع خمس فاليوم وممنوع الاناناس شربه واكله نهائى وكل شىء كنت تشربيه لتنشيط التبويض ممنوع ممنوع المشروبات الساخنه والاكلات المبهره و الجاهزه بصوا اناهقولكم على برنامج اكلى اليومى الصبح لبن بنشا وبعده بشويه سندوتش جبنه بيضه او لبنه وابعدى عن الجبن المطبوخه الصفرا الضهر لحم مسلوق بشوربه مفيهاش غير ملح وبصل واكسر فيها عيش ناشف وبعدها بشويه باكل خيار واشرب تفاح مع شرب الميه طبعا كوبايه كل ساعه واوعى تعطشى ابداااااااااااااا العشا جبنه بيضه وخيار وبيض مسلوق ومربى تين وزبادى ان زهقتى من اللحم المسلوق خلى ماما او الللى بيخدمك تحمرهالك فى زيت زيتون او حتة بط مستويه كويس او سمك بس مش متبل بالتوم ممك بالبصل لان التوم مش مستحب او فراخ بلدى مش بيضا بلاش فراخ بيضا خالص الفتره دى معلش هو اكل يحرمك من حاجات كتير بس معلش فتره وتعدى وطبعا ممنوع نهائيا واهو بالخط الاحمر ممنوووووووووووع العلاقه الزوجيه االنوم حاولى طول ماانتى صاحيه تكونى نايمه على ظهرك خصوصا الايام التلاته الاولى لكن وانتى نايمه ممكن تنامى على ضهرك وجنابك عادى بس ركزى على الجنب الشمال لانه افضل فى حالتك من الناحيه الطبيه وده بعد ما تنفذى سنة نبيك صلى الله عليه الصلاة والسلام بانك تنامى حتى لو الدقائق الاولى على جنبك اليمين وتقولى اذكار النوم اللى انتى حفظاها وبعدها ممكن تغير الوضع ان مكنتيش مرتاحه بس كل حركتك بالراحه بدون عنف وتسمى بالله مع كل حركه وحاولى على قد ماتقدرى تبعدى نفسك عن اى توتر وزعل بس والله القرب من ربنا حافظ انا عن نفسى حصلى كام موقف خلونى كنت فى شدة التوتر والحزن لكن الحمد لله كنت بحاول اخرج نفسى بالذكر والاستغفار وقراءة او سماع اى شىء فكاهى يسعد ويرفه عن النفس بدون اغضاب الله وبالنسبه للاخت اللى سألت عن سبب فشل عملياتى السابقه اقولها السبب والله اعلم انى معملتش اشياء كتير من اللى عملتها فى عمليتى الاخيره بالنسبه لتحصين نفسى اولا ثم الحركه والغذاء والممنوع والمطلوب وانا حاضره لاى استفسار عن اى شىء يفيدكم وان كنت غصب عنى نسيت اى شىء وتذكرته ان شاء الله اضيفه فى وقت ما اتذكره ختاما اتمنى ان تجربتى تكون مفيده لكل اخت مقبله على الحقن وآمله كرم الرحمن ووالله اناتعبت كتيرجدا فى الكتابه لانى مطلوب منى الراحه هذه الفتره بس انا بعمل شىء لوجه الله الكريم متمنيه افيد اى انسانه حاسه بالخوف من العمليه وارجوا تكون كلماتى و تجربتى حتى لو شىء بسيط منها يريح قلبها ويمنحها الامل ويفيدها وزى ماقلتلكم انا مش طمعانه غير فى دعوه بظهر الغيب ان ربى يكملى حملى على خير وييسرهولى واولد اطفالى سليمين لا زياده فيهم ولا نقصان ويجعلهم ربى قرة عين لى ولابيهم ومن حفظة كتابه الكريم 　 　 　 والسلام عليكم ورحمة الله وبركاته

خير بدايه بسم الله الرحمن الرحيم والصلاة والسلام على اشرف المرسلين سيدنا وحبيبنا محمد وعلى آله...