السلام عليكم
الصراحه هو منتشر عندنا فى الصالونات وهو اغلى من القص العادى بس ماجربته

أختي جربته قبل شهر تقريبا في صالون ديسانج لما رحنا الكويت , و هو مقص عادي بس موصل بالكهرباء , و السعر 25 دينار كويتي مهما كان طول الشعر .. و لما سألناها المفروض كل كم نسويه ؟؟ قالت كل ست شهووور !!! أنا فكرت انه تأثيره يطوّل أكثر دامه بهالسعر الغالي !! يعني زيه زي قص أطراف الشعر أو تمرير شمعة تحتها كل كم شهر ..

هي توها سوته قبل شهر يعني النتيجة ما تبان الحين .. و على فكرة فيه صالون ديسانج في البحرين بس لما كلمناهم ما كانوا يعرفون وشو المقص الحراري أصلا ...

up شكرا للي رد علي

انا جربته في صالون جاك يسانج بدبـــي هالاسبوع...قصيت كل اطراف شعري من تحت ..وكلفني 450 درهم ..طبعا في قسم للسيدات (المحجبات).. بس حسيته بجد انه زين..لان اطراف شعري ماصارت مثل اول لما اقص شعري كأنها شوك حاد وتغزز فيني..بالعكس هالمره ناااعمه جدا جدا جدا..

اللي قصته لي مغربيه كانت بفرنسا...بس بجد شاطره وايد...حبيت اقصه مدرج بطوله قالت لي لا بيخف شعرج اكثر..قصته لي نص دائري تقريبا بس سوته طبقات وبجد شعري صار روووووعه غلييييظ شكله ..

قررت دايما اقص عندهم لان اول مره ارتاح بقصة شعري..

حبيبتي سيري عندهم وشوفي منو يشتغل عندهم...اتوقع كلهم مدربات زين من فرنسا ..بالتوووفيق

ريم ربي يسعدك يالورده بس انا من السعوديه لكن اذا مالقيا حد يعملها في السعوديه مضطره اجي عندكم اسويها