المقلوبة الأردنية اطيب من هيك مافي

بصراحة مقلوبة بتشهي وبالذات يوم الجمعة مابعرف ليش الها نكهة مميزة
المقادير:
أرز منقوع وجاهز للطهي
دجاج
بطاطا
بندورة
باذنجان
ماجي
زيت
بصل
هيل


التحضير:
قطعي البطاطا حلقات
قطعي كل حبة بندورة 4 انصاص
قطي الباذنجان حلقات

اولا قومي بسلق الدجاج مع الهيل والبصل والماجي عشان الزفرة وبعد ما يستوي اقلي
قومي بقلي البطاطا ومن ثم الباذنجان ومن ثم البندورة نصف قلية
احضري قدر الطبخ رشي رشة قليلة من الأرز ومن ثم ضعي الدجاج ووزعي فوقهم الخضروات ومن ثم باقي الأرز وضعي فوقهم المرق الي سلقتي فيه الدجاج بعد ماتتأكدي انه مايحتاج تزيدي ملح واغلقي القدر وضعيه على النار وبعد ماتشوفي المرق نشف عن وجه الأرز خففي الحرارة واتركيه لمدة مابين 20-30 دقيقة
واذا حسيتي الأرز ناشف رشي فوقه من الزيت الي قليتي في الخضروات
وبعد مايستوي اقلبيه بصينية وقدميه مع اللبن والسلطة