المقلوبة الذيذه تفضلو ما رح تندمو ابدا

السلام عليكم ورحمة الله وبركاته
المقلوبة الفلسطينيه من الاكلات الرائعه والكل صار بعرفها والها طرق كتير وطريقتي فيها بسيطة ان شاء الله تكون عليكم
المقادير : دجاج منظف ومقطع ارباع
خضار الي بتحبوة بالنسبة الي الخضار الاساسية الها زهرة او قرنبيط
بطاط
باذنجان
كله مقطع ومقلي نص قليه بزيت نباتي
رز مصري منقوع ومغسول حسب الحاجه
بهارات قرفه بهار مشكل فلفل اسود كمون هيل ورق غار كاري مكعبين مرقة ماجي
سمنة حسب الحاجة
طماطم مقطعه حلقات بدون قلي
لوز محمر للتزيين
بالبدايه بنسلق الدجاج مع حبة بصل ورشه من كل نوع من البهارات المذكورة مع مكعبين الماجي وبنخلي لغاية ما يستوي الدجاج بهالاثناء بنقطع الخضار وبنحمرها بالزيت لغاية ما تشقر بعدها بنحمر الدجاج المسلوق وبنجيب طنجرة الافضل تيفال بنصف طبقة طماطم مقطعه حلقات عشان نضمن الخضار الي فوقها ما يلزق وبنصف الخضار المقلي والدجاج المحمر وبناخد الرز المغسول بنضيف علي رشه حسب الذوق من البهارات ومعلقه صغيرة ملح وسمنه حسب كمية الرز لكل كاسه معلقه كبيرة تقريبا وبنفرك الرز بشويش مع السمن والبهارات وبنحطه فوق الخضار وبنضغط بالايد ع الرز وبنساوي سطحة وبنغمرة بمرقة الدجاج الي سلقنا الدجاج فيها وبنخلي اول 3 دقائق ع نار عالية ليتشرب الرز المرقه بنرجع بنكبس الرز لتحت وبنقصر النار ع الاخر وبغطي وبعد ربع ساعه برجع بضيف شوي من مرقة الدجاج تقريبا كوب وبغطي عليها لنصف ساعه تقريبا وبطفي النار عليها قبل التقديم ب 10 دقائق لحتى تطلع معك قالب بس تقلبيها وتزين باللوز المحمر وصحتين وعافيه 489174