المكالمات في فترة الخطبة ...؟

إذا متملكه يعتبر زوجك يعني انا اشوف انه من الافضل تكلمينه حتى تعرفين اسلوبه وشخصيته يعني لو مافيه مكالمات ماله داعي تملكين قبل الزواج بكثير كان خليتيها قبل الزواج بكم يوم ..... هذا رايي

أكيـــــــــــــــد بوافق ..هذا حلالك زوجك ..ويفضل يزورك البيت يجلس معاك وتسولفون

نصييييييييييييييييييييحه من قلب مجررررررررررربه كلمو بس بحدود المعقول ولا تدخلون في العميق لان بعدين بيسير مالك طعم اول ايام الزواج خليك ثقيله مره اثناء المكالمه ولا تخلينه يسحبك بلكلام الي انتي خابره نصيحه ترى بتندمين مثلي وبيجلس يعايرك

ماأتوقع اني بوافق ...تدرين ليه لأن المكالمة لو فيها فايده الرجال هو اللي بستفيد اما انا ماراح استفيد غير الأحلام والخرابيط والوعود اللي كلها خرطي ونهايتها تحطيم ...صح مو كل الرجاجيل ســـــــــوا بس الأغلبية وانا اتكلم لك عن اواقع اعرف كثير كلموا ومع الأسف كلهم يقولون ياليتنا ماكلمنا الأولى تقول كان دقيق بكلامي ويمسك علي الزله ويقول وش قصدك لدرجت انه صار يشك فيني رغم انها قريبه لي وانسانه قمة في الأخلاق بس هو لس ماعاشرها سبب الشك سألها وش تسوين بالليل قالت انا والمسجل صديقي اسمع برامج ماأفارقه((تقصد الراديو)) قال صديقك تقول من بعدها صار يدق بالليل ويقطع يشوف هي تكلم احد والالا قلت لها ليه قلتي له كذا المفروض ماقلتي هالكلمه له قالت تعودت عليه وصرت اموون في كلامي معه ماتوقعت انه بياخذها بطريقة ثانيه الثانيه تقول بنا لي قصر من الأحلام وقلت الله متى يجي يوم زواجنا ويوم قرب الزواج من ضمن احلامه قال اختاري اي دوله تبين تسافرين لها وتختار ووافق طبعا في النهايه لاسفر ولادلع تحطمت وانتكس هذا الشي على حياتها وماتنلام هو السبب الثالثه تقول اول المكالمات حلوه بعدين بدت المشاكل يوجاء يوم الزواج والله زفوني له ونفسي كرهته بسبب مشاكله ...القصص كثيرة وهذا اللي يحضرني حاليا ...المكالمات تضرك انتي أحيانا وتنفعه هو ...انا افضل يكون كل شيء مسكر وادعي ربي انه طبعه يصير نفس ماتمنيت واخلي اخواني يجلسون معه ويعرفون شخصيتة ويكفيني كذا هذا هـــو رأيي وكل وحدة ويا واقعها

دائم تمت الملكة خلاص اصبحوا زوجين يحق لهم المكالمه بس بحدود معينة ولا دايم

اذا هم عرفوا عن بعض كل شيء ويش يبقي بعد الزواج اكيد بيقل الكلام

خير الكلام ما قل ودل وبس