اليوم راح اشارككم وصفتي للمبكبكة او المرخرخة
ما تاخذ الا ربع ساعه او نص ساعه بالكثير
المقادير :
مكرونة خواتم او اي شكل متوفر
معجون طماطم 🍅
عصير طماطم (٤حبات مفرومه)
فلفل رومي بارد 🫑
فلفل حار 🌶️ (حسب الرغبة)
بصل 🧅
زيت زيتون او سمنة
ثوم🧄
فلفل اسود
ملح
كمون
كركم
ليمون اسود مطحون
واللي عندكم من البهارات الباقية
مكعب مرق دجاج
الطريقة :
نشوح البصل والثوم المقطع او المفروم بسمنة او زيت زيتون اللي تحبونه ونضيف الفلفل الرومي
ثم نحط المكرونة نشوحها معهم شوي الين ما تاخذ اللون الذهبي
ونحط الملح والفلفل الاسود والبهارات المكتوبة واذا بتضيفون من بهاراتكم
نحط معجون الطماطم بمقدار ملعقتين وعصير الطماطم ونقلب كويس
نضيف مكعب مرق دجاج
ونضيف ماء على حسب كمية المكرونة
ونقفل عليها مع التحريك كل شوي ممكن تاخذ عشر دقائق فقط
للإضافات ممكن تحطون الفلفل الحار مع البصل والثوم يتشوح حسب الرغبة
و بالعافية🫶🏻
شهيتيني فيها شكلها لذيذ ماشاءالله