المكرونة النيباليه ولا أروع يم يم يم

السلا م عليكم ورحمة الله وبركاته
كيفكم يابنات ان شاء الله بخير؟
أكيد اني وحشتكم واشتقتو لي
<==== اقول استكي بس شكل محد درى عنك :D
المهم نرجع لموضوعنا اللي مابعد بدينا فيه اللي هو المكرونه النيباليه والله يالبنات تجنن وروعه
المقادير :
نص دجاج مقطعه صغار ومتبله (بملح وفلفل وكل البهارات اللي عندك وباحبذا شوي صويا وشوي زبادي يعني حطي اي بهارات تحبينها وتحبين طعمها في الدجاج) وكل ما زاد وقت التتبيل كان اطعم
بصلة مقطعه صغار
فص ثوم مفروم
طماطتين مقطعه صغار
خس مقطع طوال
كزبرة عند الرغبه
مكرونه اما اسباقيتي او الخواتم وهي الافضل
زيت للقلي
الطريقه:
تسلق المكرونه في ماء وملح وشوي زيت نصف سلق(يعني نصف الوقت اللي مكتوب على العلبه) بعد كذا تصفى وتوضع في صينيه معها زيت وكثري الزيت شوي يعني مو تدهنين الصينيه زيدي شوي ((امحق شرح))
وبعدين دخليها الفرن من فوق وتحت على نار هاديه مع التقليب المستمر حتى يشقر لون المكرونه ترى بيصغر حجم المكرونه شوي لا تخافين عادي اهم شي التقليب المستمر حتى لا تنشف حبات المكرونه بعدين ماتقدرين تبلعينها
تقلى قطع الدجاج في زيت غزير
بعد كذا تحطين البصل والثوم في قدر الي ان يحمر مع ملح وبهارات مطحونه وتحطين عليه قطع الدجاج المقليه والطماط والمكرونه بعد ما يشقر لونها وتحركينها على نار هاديه حتى تختلط تماما ثم تحطين الخس والكزبره وتخلطين شوي وتقدمينه
وبالعافيه
يمكن يكون كلامي كثير بس لا تفوتكم تراها لذيذه ياليتني اعرف انزل صور كان اوريكم اياها