المكرونه المحشيه بالصور خيااااااال

بسم الله الرحمن الرحيم
مر حبا حبيباتي المهتمين بكل ماهو جديد من الاصناف الجديده(ملينا من الرز):hahaha:
اليوم جايبة لكم طبق من اطباقي المجربه صينية المكرونه المحشيه يم يم وبصراحه مو مدحه......تجنن
وتعبت وانا انزل صورها واكتب طبعا كله عشان افيدكم مثل ما استفدت فلا تحرموني من دعواتكم لي وردودكم اللي انتظرها .......ما ودي اطول عليكم جايتكم بالصور والطريقه...نبدأ
اولا
207049
المقادير:بصل وثوم وفلفل اخضر حار مفرومين
اعشاب مكونه من :بقدونس-نعناع اخضر-شبت
2صدر دجاج مسلوق ومفتت
2طماطم مفرومه-صلصه
ملعقه صغيره دبس الرمان
ملعقه صغيره جبنه بارميزان
علبه صغيره قشطة الخفق
3ملاعق كبيره صلصة البيتزا
جبنه موزاريلا
ملح+بهاراتايطاليه (اوريغانو)+بهارات عاديه+نصف مكعب ماجي(مضر لاتكثرون منه):mad:
مكرونه حجم كبير للحشو
الطريقه:
نسلق المكرونه بماء وملح
نبدا نحمس البصل مع الثوم ثم نضع عليهم الفلفل وابهارات ثن الدجاج ويقلب الجميع ثم يضاف عليهم الطماطم وصلصه الطماطم ودبس الرمان ونصف حبه ماجي وقليل من الملح وتقلب حتي تتسبك وبعدين نضع جبنة البارميزان والاعشاب
وهاذي صورتها بعد ما انتهت
207070
بعد ماتستوي المكرونه نضعها بالمصفاه ونغسلها بالماء البارد عشان ما تلتصق ببعضها
ونحشي حبات المكرونه
207044
نخلط القشطه مع صلصة البيتزا ونضعها على الوجه ونرشها بالموزاريلا
207045
وندخلها الفرن لمدة 20 دقيقه ونحمرها من فوق وهاذي الصوره النهائيه
207046
وبالعافيه............