هذا أول موضوع لي بالقسم بس حبيت تشاركوني التجربة ^_^
شريت مكواة بخارية ماركة Conair من أمازون
واليوم وصلتني الشحنة
وحبيت أوريكم إياها ^_^
(سعرها 25$ والشحن بواصل 47$)
يجي معها علاق تحطينه ع الباب أو الدولاب عشان تعلقين الملابس لما تكوينها
تعبينها ماء للحد المحدد لا تزودين .. نفس الفتحة اللي عبيتي منها الماء تدخلين فيها اللي (الشي الطويل الأزرق ^_^) وتلفينه عشان تنقفل .. بعدين تضغطين زر التشغيل (ON) وتنتظرين 10 دقايق أو أقل لين تسخن المويا ويبدأ البخار يطلع من راس المكواة (اللي مثل المكنسة ومخرم)
هذا فيديو مبين فيه الماء وهو يغلي والبخار
http://img831.imageshack.us/img831/6010/p1070738.mp4
اللي ما يشتغل معها الفيديو هذا رابطه
http://img831.imageshack.us/img831/6010/p1070738.mp4
شغليه بالوندوز ميديا بلاير
بدأت عملية الكي "فيه شغلات ما صورتها"
القطن مرة ممتازة في كويه أعطيها 10 من 10
البلوزة قبل
البلوزة بعد الكوي
جربتها ع الساتان "بس ما صورت إن شاء الله إن روقت حطيت الصور بكرة للساتان"
كان كيها ممتاز أعطيها بعد 10 من 10
جربتها في قماش مدري وشو صراحة هو قطن هو وشو بس انه كان دايم يعلني حتى في المكواة الحديد فلقيتها ما كوته مرة لأنه خفيف
جربتها في تنورة ثقيلة وتغث في الكوي ما عليها كوتها مو مرة بس كوتها أعطيها 8 من 10
الحلو فيها :
1. ممكن تكوين وانتي جالسة ما يحتاج تنحنين وينكسر ظهرك
2. ما تحتاج منك جهد في الضغط على المكواة فوق طاولة الكوي
3. ما تحتاجين طاولة كي ولا مساحة ، علقي الملابس في أي مكان واكوي
4. ممكن تحطين معطر في الماء وتصير ريحة الملابس روعة
5. مستحيل "بإذن الله" إنه تنحرق الملابس منها أبدا لأنها ما لها درجة حرارة معينة فتكوين بها أي قماش بدون ما تخافين انك تحرقينه
6. حجمها صغير وممكن تحطينه بشنطة السفر وتاخذينها في السفريات
7. خط 110 (يمكن تكون هاذي مو ميزة للبعض بس انا غرفتي ما فيها 220 .. فاضطر اهاجر لغرفة خواتي وهذا تعذيب :44: )
8. ممكن تعلقينها في نفس العلاق تبع الملابس وتخلينها في غرفة الغسيل دائما "مثلا" أو تلفينها "تنلف لف كامل حتى السلك" وترفعينها فوق الدولاب مثل كذا
والسلك من تحت
السلبيات فيها:
1. فيشها مرة ما عجبني .. هاذي صورته
صغير وما يثبت زين وله سنة (الأفياش اللي 110 برى تصير كلها كذا)
2. البخار اللي يطلع منها حار فلازم تنتبهين وانتي تكوين لا تجي على ايدك لانها ممكن تحرق ايدك حرق طفيف (طبعا انتبهي يجي أحد الاطفال قدامها)
3. الماء ما يطول أكثر من 30 دقيقة
4. اللي (الشي الطويل الازرق^_^) يمتلي بخار ماء ويصير نوعا ما ثقيل، فحسيته شوي ثقيل على ايدي خاصة انك تشتغلين وانتي واقفة .. وبعد يسخن وهو ما عليه واقي .. ما يحرق بس انه حار يعني ممكن يحرق لو قعد عليك فترة طويلة شوي
5. ما تناسب كل أنواع الأقمشة بلا استثناء "النوع اللي قلت لكم مدري وشو ما كوته"
أتمنى أكون أفدتكم بهالتجربة
والتجربة القادمة بإذن الله راح تكون مكواة بخار احترافية "مثل تبع المحلات" ^_^
إذا عجبك الموضوع لا تنسين تدعين لي بالخير
واضغطي على "شكرا" في أسفل الموضوع
^_^
وشكرا للجميع