سجى الحسان @sg_alhsan

محررة برونزية

المكياج...ليش نشتريه بالغالي؟؟؟؟؟؟؟؟؟؟؟ليييش

السلام عليكم ورحمة الله وبركاته

اخواتي..تدرون من تالي
انا سرت اتحسر.. اشتري غالي.. على هالاشياء
(البلاشر-الظلال-الروج_الغلوسات)

ماعدا الي ادفع فيهم..مهما كان سعرهم
(كريم الاساس والماسكرها والكحل والايلينر)تدرون ليش؟؟؟
..لانهم ملامسين للبشره على طووووووووووول ومافيها لعب ولا كلام

وشيء ثاني
والله يابنات

كثير بنات اشوف عليهم ارواج تهبل وبلاشرات حلوة تدرون وش تطلع

قسم بالله من ابو ريالين وبالكثير عشره ريال

ووجيههم مثل القمر
يعني لا تقولون لي تعدم الوجيه مااظن..
هذا حقون شرق اسيا..وكل اشيائهم كرتزون وبلاوي ووجيههم تلق

مثل بلاشرات برجواز..الي بريالين ..انا احسبهم الماركه الاصليه:eek:
والله ماتفرقينهم

يعني ... بالله مو حرام من ندفع
على شيء بيعطيني نفس النتيجه خل نقول بعشره ريال؟؟
واكيد الكثير منكم جرب يشتري من الماركات شغلات وقاطهم بالدولاب مااستخدمهم..سواء شغلات..اساسيه او ثانويه
صح ولا لأ
وش رايكم:(

أختي..حكي رأيك ووجهة نظرك لا تطلعين بدون ماتشاركيننا

ابي اقتنع

يلزم عليك تسجيل الدخول أولًا لكتابة تعليق.

تسجيل دخول

نــــ الليل ــــور • 18 سنة

حبيبتي سجى انا بصراحه مثلك ماكنت مقنعه حتى الروج كنت اشتريه من ابو ريالاين بس بعد الاستخدام يقطع الشفايف ويصير منظرها مو حلو والظل يروح لون بمجرد ماتحطي يدك عليه وانا سمعت ان كثرت استخدامها تجيب مرض وعالطول انا تركتها
اما الغالي سعره فيه
وانتي تقولين وجههم مثل القمر وانا اقولك كل وحده تختلف في طريقة استخدام الميك آب وخفة اليد

صوغه راك • 18 سنة

يعني تقدرين اتنوعين من الغالي ومن الرخيص بس انا مع خواتي انه الماركات يمكن ارحم من الارخيص وبعدين مدة الاستعمال بسرعه تنتهي اتلاقين الروج بعد فترة ريحته غريبه وطلع عليه قطرات من السائل بس بصراحه انا اخاف علي ويهي واختار المناسب ومب شرط كل شهر نشتري
ومثل مايقولون الغالي سعرة فيه
ويمكن الماركه اللي سعرة معقول وممكن نشتري منها بر جوا ونيفيا بعض الشغلات نشتريها
بس تبين الصدق الماركات بروحها تلفت الانتباة من قبل مانشتريها كفايه الاعلانات اللي تبهر
اسمحيلي الغاليه علي رايي
وربي يوفقج وفي الاخير انتي الشخص الوحيد اللي بيستمتع وبيستفيد يعني رايج انتي في الاخير الاهم

نور*عيونه • 18 سنة

شوفي يالغالية .. الاساس والماسكرا عدل كلامج مهما كان سعرهم بندفع ..

اما باقي الاشياء ممكن ننوع بين الغالي والرخيص والرخيص قصدي ماكس فاكتور وريميل وميبيلين ونيفيا وهالماركات المتوسطة ..

بس اني اشتري من ابو ريالين ولا عشرة ريالات .. اكيد لا ..

يمكن الحين مايبين على وجهي بس مع الوقت بتتلف البشرة ..

قوافل النور • 18 سنة

نور*عيونه :

شوفي يالغالية .. الاساس والماسكرا عدل كلامج مهما كان سعرهم بندفع .. اما باقي الاشياء ممكن ننوع بين الغالي والرخيص والرخيص قصدي ماكس فاكتور وريميل وميبيلين ونيفيا وهالماركات المتوسطة .. بس اني اشتري من ابو ريالين ولا عشرة ريالات .. اكيد لا .. يمكن الحين مايبين على وجهي بس مع الوقت بتتلف البشرة ..

شوفي يالغالية .. الاساس والماسكرا عدل كلامج مهما كان سعرهم بندفع .. اما باقي الاشياء ممكن ننوع...

شوفي عيوني

أنا رأيي من رأيك

كريم الأساس والبودره والماسكرا أخذها من الماركات الغاليه مثل ديور وشانيل

أما الأرواج والظلال والبلاشر أنوع من ماركة نيفيا أو ريميل أو بودي شوب أو مكياجي

لأني أمد رجولي على قد لحافي<---من وين جا هالمثل :22:

أما مكياج أبو ريالين وعشره ماجربتهم

*غنــوجــه* • 18 سنة

والله انا ما اجازف

حتى ماكس فاكتور وميبلين ونيفيا ما اشتري منهم