وايد من البنات مايقدرون يشترون الماركات العالمية
او يكون المكياج اللي عندهم بسيط مايتعدى الروج والكحل
هذي بعض الاقتراحات لعمل المكياج بالاشياء اللي تكون موجودة عندج حتى ولو كانت بسيطة
******
عندج كحل أثمد...أوكاجل وتبين اتزينين فيه عيونج
بللي المرود قبل لاتتكحلين على اساس يعطيج لون اغمج
كحلي عيونج من الداخل ومرري بخط تحت الرموش السفلى إلى الزاوية الخارجية من العين
وبعدين بإصبعج الخنصر حاولي توزيعين الكحل على الجفن العلوي على داخل
بهذي الطريقة
.....................
واذا كنتِ حابة تحطين ظل وماعندج و عندج روج بلون وردي او مشمشي أي لون ثاني
بإصبعج الخنصر حاولي تاخذين من الروج وتوزيعين على الجفن العلوي وبعدين تحطين
الكحل بهذي الطريقة
.........................
تبين تحطين بلاشر أو أحمر الخدود وبعد مش متوفر عندج مسحي بخفة بإصبعج على الروج
ومسحي على الخد بشكل خفيف وإنت مبتسمة على اساس ياخذ شكل حلو
*************
حطيتي روج وماعندج جلوس حق اللمعة
تقدرين تحطين على الروج شوية فازلين أو كريم مرطب
مع تسكير الشفايف وتحريكها على اساس اللمعة تاخذ كل الشفايف
*****
اذا كان عندج بلاشر ..... تقدرين تستخدمينه كظل حق العيون
عندج علبة الظلال الملونة
حابة تحطين روج على لون الفستان وماعندج
بعد ماتحطين الروج الموجود عندج ............ دوري لون من الظل يناسب فستانج وحطيه على الروج
******************
يتبع
حتى انه يثبت الروج اكثر
اذا كان الروج مالج دايما يروح مع الاكل او الشرب
لمن تحطين كريم الاساس حطيه على الشفايف .... وبعدين قلم المحدد رسميه على الشفايف كلها
مش تكتفين بالتحديد وبس ... وبعدين حطي الروج
******************************
الروج مالج انكسر لا ترمينه حطي الروج عن طريق الفرشاة او الاصبع
********************
شريتي ظل العيون وشفتي مش هي الالوان اللي تبغينها
خليها لانها وايد تنفع في دمج الالوان .... مثلا تريدين وردي غامج وعندج وردي فاتح دمجي الاحمر مع الوردي
او البنفسجي مع الوردي .... تبين لون ذهبي دمجي البني مع الاصفر ... تبين لون تركوازي دمجي الاخضر مع الازرق
******************************
تبين قلم ازرق وماعندج وعندج آي شدو ظل ازرق ... خذي فرشاة الظل او قطنة الاذن وبلليها ومرريها على الظل
وحددي العين من برع
بهذا الشكل
اذا كنت صاحبة اطفال وارواجج معرضة للكسر يفضل ان الروج مالج يكون عبارة عن قلم لو انكسر تقدرين تبرينه مرة ثانية
وبعد سهل في رسم الشفايف
الجلوس مالج شفاف ودايما يتلون مع لون الروج
اول شي حطي الجلوس على ظهر اليد وبعدين باصبعج حطي على الشفايف
بهذي الطريقة يبقى الجلوس بلونه الشفاف مثل ماهو
*************************
عندج قلم محدد بس مايلون عدل حاولي تقربينه من حرارة خفيفة إما سشوار او ولاعة
لا تستهينين بالمكياج اللي عندج فانتِ بأفكارج وابداعج تقدرين تسوين اشياء حلوة
ومو شرط تكون عندج ماركات عالمية وغالية
والسمووووووووووووحة