الكونتور والهايلات
الكنتور
هو انك تلعبين بملامح وجهك وتنحتينه مثلا
تحديد عظمة الخد وتصغير الإنف وإبراز الفك وتصغير الجبهه وابراز عظمه الرقبه وتكبير الصدر
يعني تصغرين الي تبين تصغرينه وتكبرين الي تريدينه
الكنتور
لونه اغمق من لون بشرتك على حسب الدرجه الي تبينه والي انتي مرتاحه لها
الهايلات
هو افتح من بشرتك بكم درجه وعلى حسب الي تبين ساعات يكون بلمعه (الشيمر) او او بدون
وانا شخصيا افضل بدون لمعه لانه يطلع شكلك طبيعي
طبعا لمن تجين تشترين فرشه الكونتور لازم تكون الفرشه متوسطه حتى لا يخرب عليك توزيع اللون ومومهم انها تكون مخصصه لتوزيع الكونتور نفسه
وفيه الاسفنج احبها جدا في التوزيع بعد ما احدد بالفرشه والطريقه تكون بالتربيت (بالطبطبه )
متى تستخدمين الكونتور
عاده يستخدم للتحديد وللنحت و اذا انتي تبين تغطيه ثقيله لوجهك ويخفي كل العيوب
بالنسبه لي شخصيا استخدم بهذي الطرق
1- تحطين مرطب وجهك العادي ثم البرايمر المخصص لبشرتك ثم خافي العيوب ثم كريمك الاساس وتنتظرين شوي حتى ينشف وبعدين تحطين الكونتور الكريمي وتوزعينه وبعدين تثبتين مكياجك بالبودره الحره (ممنوع تحطين البودره المضغوطه بالاسفنج لازم انك تستخدمين فرشاه البودره)
وضع البودره راح يثبت لك المكياج
اذا عندك عيوب بالبشره بسيطه
2- استخدمي مرطب وجهك العادي ثم البرايمر ثم خافي العيوب( او بدون )ثم كريمك الاساس والكونتور البودره واخر شي البودره الحره المثبته او بدونها هذي طريقتي
اذا مو حابه كريمك الاساس
3-عادي تقدرين تختارين مجموعه الكونتور الي فيها مجموعه من الدرجات المناسبه لك وسوي على طول هايلات وتحديد باللون الغامق وادمجي الالوان وبعدها حطي البودره ودايم اسويها اذا مالي خلق ومستعجله
وكلها تجي على البشره حلوه
الكونتور الي انا استخدمه الكريمي والبودره
طريقه وضع الكونتور على بشره وجهك
اول شي لازم تعرفين رسمه وجهك علشان تضبطين وضع الكونتور
بالنسبه للي ما تعرف استخدامه
حاولي تسوينها لنفسك اكثر من مره وراح تتعودين مهم الدمج لان في بنات اشوفهم ما يدمجون وخصوصا الي عند عظمه الخد من نحت
وهذي صور للتوضيح
للانف
الوجه والرقبه الصدر حصلته لكن صوره وما قدرت احطها
للشفايف
بالنسبه لي استخدم الكريمي من انستازيا درجه ميديم وهذي صورته
وبالنسبه للبودره استخدم من شركه كات فون دي
