أهلين ياجميلات
الجزءالثاني
انا مرح اتكلم عن كريم اساس معين او خافي عيوب من شركه معينه راح اتكلم بشكل عام
خافي العيوب
ماهو: خافي العيوب يعمل على تغطيه العيوب الظاهره على الوجه مثل هالات العيون وحب الشباب والبقع الداكنه
(شخصيا باختلاف لون البشرات بالنسبه لي اللون الاصفر و اللون البيج والبني احب انه يقارب على الاساس حقك ولكن افتح بكثير)
احسه مناسب جدا للي فيهم هالات حول العيون او الوان داكنه على الجبهه والخدينمثل البقع السوداء والبنيه وحب الشباب
طيب كثير نشوف خافي العيوب البنفسجي وانه للكدمات الداكنه
واللون الاخضر لحب الشباب والبقع الورديه
لكن انا شخصيا ما احب هذي اللونين لاني جربتها وما حبيتها واكتفي باللون الاصفر للبشره الفاتحه او البيج نفسه واللون البني
درجه لون خافي العيوب تعتمد على لون بشرتك
طريقه وضعه....؟
يوضع بعد البرايمر وقبل كريم الاساس حقك
بالتربيت او الطبطبه عليه سواء باصبعك او فرشه مكياج صغيره او بالاسفنج
( الصور عنا فقط لتوضيح شكل خافي العيوب مو عشاني انصح فيه)
انواع خافي العيوب Concealer
موس كونسيلر Mousse concealer
وصفه :
يكون طري وكريمي ومناسب لجميع انواع البشره واكثر شي للي فيهم خطوط وتجاعيد
الستيك كونسيلر stick concealer
وصفه :
يجيك على شكل رول مثل الروج وثقيل وميزته ثقيل ويخفي العيوب العميقه للبشره ومناسب اكثر للبشره الدهنيه
القلم Concealer Pencil
وفيه منه نوعين العريض الي راسه مدبب وهو مثل الستيك كونسيلر لكن اخف منه
وفيع منه بلمعه لتحت الحاجب
وبدون لمعه للوجه
النوع الثاني يشبهه قلم تحديد الشفايف ويستخدم اكثر شي لتحديد للشفاه عشان يعطيها اكبر حجم او داخل العين حتى يعطيك وسع للعين
لكن انا احطه داخل العين
(ملاحظه بعض البنات تستخدم كحل ابيض داخل العين حتى يعطيها وسع لكن انا شخصياما احبه واحسها مو حلو)
الكريمي Creamy Concealer
الي يجي في باليتات او بدون
مناسب للتغطيه العميقه ولكن يحتاج الى توزيع جيد ولا يوضع تحت العين
بعض الاحيان يجيك على شكل حجم كريم للوجه ويكون نوع واحد ولكن شخصيا ما حبيت الكريمي او على حسب الشركه المنتجه
السايل Liquid Concealer ( حبيب بشرتي)
المتعارف عليه انه مناسب للبشره الجافه والعاديه ايضا يستخدم للبشره الي فيها تجاعيد وهو غني بالترطيب وسهل في التوزيع
وفيها انواع كثيره منها منها للبشرات الي فيها تجاعيد راح تلقون على نفس العلبه lefting
وبعضها واتر بروف waterproof للي يتعرقون تحت العين او اي مكان في الوجه
(مهم.......انا بشرتي مختلطه ولكن استخدم السايل وجدا اشوفه مناسب لبشرتي )
(نصيحه)
1- مو مهم اي واحد تختارين كثر ماتهتمين انه يناسب بشرتك ويناسب نوع كريم الاساس حقك
2- اذا انتي متلخبطه بمساله اختيارك للكونسيلر اسالي خبيره التجميل او البائعه ضروري تحطينه على بشره وجهك ولا تفكرين ابدا تجربين على يدك لانه مرح يعطيك النتيجهالمطلويه)
orchid_us @orchid_us
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
اتمنى التعديل