الملابس ( help me pls)

السلام عليكم
هلا اختي الملكه
بارك الله لك وبارك عليك وجمع بينكم على خير

اختى المسئله تحتاج تعاون من زوجك وشطاره منك لازم تفهميه ان ملابسه كثيره وان هذا الشي عبأ عليك ويكون بطريقه لطيفه بدون تعصيب ولا تخلين الغسيل والكوي يتراكم عليك انتم بس شخصين يعني اذا كثرتوا ست قطع في اليوم صح ؟
ثانيا اغسلي ملابسه البيضه لحالها الحين مساحيق الغسيل ماليه الدنيا افضل الثياب وملابسه الداخلية تغسلينها بالغساله والغتر او الشمغ بالشاموا على ايدينك واذا صارت الغتره مره مره وسخه خليه يوديها المغسله
ملابسك الحريريه والداخلية وغاليه الثمن اغسليها بالشامبوا على ايدك
اما الباقي اللي تحسين ان لونه خاصه القطن والجنز يطلع مع الغسيل اغسليه لحاله علشان ما تخسرين اي قطعه وجربيها بأن تفركيها بماء دافئ
امسحي حبل الغسيل قبل ما تنشرين الملابس عن الغبار لاني انا اول ما تزوجت ايام الازمه وانفجار الابار في الكويت ومسويه فيها ربه بيت لما سألني ابو ضيدان عن ملابسه قلت له دقيقه واجيبها وياريت ما جبتها له لقاها كللللللها سووووده ومبقعه من الدخان ههههههههه كان موقف دائما يذكرني فيه اذا ما غسلت له شي زين بس انا ما كان لي ذنب
:27:
طولت عليك واذا في اي سؤال انا بالخدمه
في امان الله
:26:

زي ما تفضلوا الاخوات
ما دام انك تغسلينها يوميا مع انه الافضل يكون يومين بالاسبوع او ثلاث ايام بالاسبوع
اكويها اول ما تجف الملابس كذا اسهل
او خلي يوم غسيل ويوم كوي

waddey thyabah almagssalah lelkaway:41:

مبروك بالأول الزواج ياملكه

وبعدين ماعندي غير اللي اتفضلو فيه الاخوات

بس حبيت اباركلك على الزواج

مينوووووووو

مبروك يا حلوه..وضعك عادي حبيبتي بتاخذين وقت لين ما تتعودين على حياتك الجديده و هذا عادي لا تحسين بضغط كل شي بينتظم بروحه مع التعود و بتلاحظين بعدين انك صرتي تتحركين اليا..المهم انك ما تضيعين الوقت اللي زوجك يكون فيه برا..و حاولي تكونين سريعة الحركه كأنك في مسابقه لين ما تتعودين على السرعه..و يوم يكون زوجك يطالع التلفزيون كوني معاه بس هاتي شي تسوينه في نفس الوقت مثل الكوي ..فرز الغسيل أو تطبيقه و صدقيني هو ما بيحس بانشغالك خاصة لو نطيتي لك بتعليق على الفلم كل شوي حتى لو انتى أطرش في الزفة...و أهمممممممم شي ان زوجك ما يحس بحوستك.. علشان يثق في قدرتك في ادارة بيته و الله يوفقك