اختي سمى الشوق حياك الله
قولي ماابي اطبخ اصلا..:17:
لكن الطريقه والله سهله مره جربيها وبعدها بتصيرين شيف:cook:

بالنسبه للملفوف اكيد تعرفين حشوته ولفه بعد ماتحشينه وتلفينه صفيه في علبه بلاستيك وغطيها زين ودخليه الفريز
هذي اسهل طريقه
اما اذا تبغين تدخلينه الفريز بعد الطبخ (مثلا:زادت عندك كميه بعد عزيمه او غدا او انك تبغين يكون عندك شئ جاهز في الفريز لوقت حاجه) حطيه الكميه اللي طبختيها في علبه بلاستيك وغطيها زين ودخليها الفريز..
هذي السالفه كلها..

بالنسبه للفطاير عندي عجينه سهله وحلوه تطلع الفطاير كانها اسفنج تذوب في الفم

المقادير:
2كاس دقيق ابيض
ذرة ملح
نصف ملعقه صغير باكنج بودر
(تخلط المقادير هذي سوا)

في الخلاط ضعي:
2 ملعقه صغيره خميره
2 ملعقه كبيره حليب بودره
فنجال (حق القهوه) زيت
ملعقه صغيره سكر
كاس ماء دافي

تخلط المقادير هذي سوا بعدين تضاف على الدقيق ويعجن جيدا
ويغطى بمنشفه ويترك في مكان دافي لمده ساعه ثم تستخدم..

ان شاء الله شرحي واضح وتستفيدين منه اختي
وبالتوفيق..:26:

فتاة مغتربه

والله اني ابي اطببببببببببببببخ :06:

لا تخليني انشر غسيلي ..وأقولك محاولاتي اللي كل وحدة أفشل من الثانية

لكن الأسبوع اللي فات سويت معجنات

يمكن خذت مني من 6 - 7 ساعات علشان ابي اسوي فطاير اللي شكلها نص دائرة

وقطعتهم دواير وحشيتهم ويوم جيت اسكرهم ماعرفت اسكرهم ووحدة تجي مفتوحة

ووحدة تتسكر بس شكلها معجن ..وولا وحدة تشبة الثانية

والله اني أعاني من قلب وهذاني اتعلم :44:.. والله يسهل يارب

بالنسبة للملفوف .. الحمد لله انة مش معجنات والا جاني اكتئاب



على طول تصفينة ..الأخت فجر الأسلام تقول انها تجمدة وبعدين تصفة

والا عادي اصفة مباشرة ماراح يتعجن ..وتطلعينة وتطبخينة على طول والا تنتظرين يذوب

وما عليش غلبتك ...

بالنسبة لوصفة المعجنات ..الله يوفقك يارب

انا ان شاء الله هاليومين بسويها وبجربها ويارب تكون الأخيرة

اللة لا يحرمك من الجنة ويوفقك بكل حياتك ويسخر لك عبادة الصالحين

اللهم آمين ..

وعليكم السلام ورحمة الله وبركاته

ولا غلبه ولا شئ اختي
بصراحه بعد هالدعوات الحلوه اللي شرحت صدري وفرحتي مااقول الا لك مثلها ان شاء الله وغلبيني على راحتك اذا بلقى هالدعوات اللي تشرح الصدر..

بصراحه ان عشت تجربتك اجلس في الطبخه اللي يبيلها ساعه اربع او خمس ساعات ومع الممارسه والتكرار صارت تاخذ مني اقل من ساعه..
اولا:
الملفوف تقدرين بالطريقتين اذا طلعتيه من الفريز وكنت قبل صفيتيه في العلبه مباشره تخلينه فتره لحد مايفك الثلج ..
والا بعد ماتلفينه صفيه في صينيه مسطحه لحد مايجمد شوي في الفريز بعدين طلعيه ورتبيه في العلبه ودخليه الفريز علشان مايلزق ببعض ويصعب فكه عن بعض بعدين..

ثانيا:
الفطاير اللي سويتيها وشكلها نص دائره اسهل طريقه علشان تسكرينها اصفطيها نص بعدين اضغطي على الحوايف بالشوكه وتتسكر زين ولا تفتح ان شاء الله..

ثالثا:
عجينه الفطاير هذي جربيها وباذن الله تضبط من اول مره..انا كنت قبل حايسه في الفطاير ويوم جربت هذي الطريقه ريحتني كثير وضبطت معي بدون مبالغه من اول مره كاني ماهره في الفطاير..

رابعا:
طلب اخير ارجوك اختي كثري من الدعوات الحلوه في ظهر الغيب يعلم الله اني في حاجتها..

جزاك الله جناته ولا حرمك الاجر والمثوبه
:26:

أختي فتاة مغتربة

الله لا يحرمك من كل خير بالدنيا والاخرة على طيبك وتعاملك

انا بإذن الله بسوي كل اللي قلتي علية بالحرف ..

وما تتخيلين لا شكري ولا امتناني لردك علي

لاني والله كنت خجلانة وانا اكتب أسألتي خفت لا أتعبك من غير قصد

وصدقيني عيوني والله يشهد اني وانا اكتب ردي من شوي كنت ادعي لك قبل ما تقولين بسري

وكان مصادف آذان العصر بالضبط .. اللة يستجيب اللي دعيتة لك آمين

وبإذن الله في صلاتي اليوم آخر الليل بدعي لك من كل قلبي

الله يسهل عليك كل ضيق ويكتب لك فرج وخير بكل أمورك

بالدنيا والدين .. اللهم آمين

اعذروني ياغاليات والله اني توني اشوف اسئلتكم..

ام طلال وسمى الشوق..وكل الاخوات..لاتظنون اني مطنشه بس والله ماشفت الا اليوم..

انا بصراحه حشوتي لورق العنب مافيها لحم..مااحبه ابقول لك المقادير بالضبط..

وتراه مضبوط بشهادة الجميع والله مايذوقه احد الا يسألني عن الطريقه..

شوفوا ياغاليات المقادير لعلبة واحده ورق عنب..

1 كاس طماطم مقطعه صغيره
1كاس بصل مفروم
1كاس رز مصري مغسول (غير منقوع انتبهوا)
1حزمه بقدونس وكزبره مفرومه..
شوي شبت مفروم
2فص ثوم مفروم
2ملعقه كبيره دبس رمان (تراه مهم للطعم يطلع مثل حق المطاعم)
ملح ليمون وكزبره ناشفه وفلفل اسود وبهارات مشكله..
نعناع مفروم..

اخلطيهم طبعا واحشي ورق العنب والحين اقول شلون التفريز..

صفيه بصحون القصدير اللي تجي عليها غطا ورق مقوى كأنه كرتون..

مثل صحون المطاعم وتراها تنباع بكل مكان..هاذي احسن شي لحفظ ورق العنب..

ولما تحتاجينه طلعيه واطبخيه ساعه بنص كاسه مويه حاره مذوبه فيها مكعب ماجي

ونص كاسه عصير ليمون ووطي النار مرررره انتبهوا لايغلي ترا تنفك الحبات واذا نشفت

المويه صبي عليها شوية زيت زيتون وطفي النار..

وبالعافيه عليكم

وبالنسبة للسبرنغ رول..

حاولي ياغاليه ان الجزر مايكون كثير لأنه بيطلع مويه..

ولما تحمسين الحشوه لاتخلينها تطول على النار عشان الخضار ماتطلع مويه..

ولما تحشينها عادي صفيهم فوق بعض بالعلبه وبينهم دقيق ومايلصقون بإذن الله..

هو اهم شي خلي الحشوه ناشفه لايصير فيها مويه..وبالعافيه عليكم..