أخواتي الحبيبات ان شا الله رح اوريكم طريقه سهله لعمل الملفوف ان شا الله تعجبكم..
الحشوه لو عملتيها بـ هالطريقه رح تسهل عليكي كتـــــــــير عملية اللف و رح تعطيكي نتيجه رائعه و الرز داخل الملفوفه ما رح يكون مخبص و كأنه رز مسلوق بل رح يكون كل حبه بـ حبتها..
بالإضافه الى اني عملته في قدر الضغط اختصارا للوقت..
أحب أنوه الى انه في أخت ذكرت عن طريقه بديله لـ سلق الملفوف باستخدام الميكرويف و انا شخصيا جربتها لكنها ما ضبطت معي و اضطريت أرجع أسلقه تاني..
و فيه أخت تانيه جزاها الله كل خير ذكرت عن تفريز الملفوف بدل السلق و هاي أول مره أجرب و الحمد لله كانت تجربه ناجحه و اعتمدتها خصوصا اني من محبي الملفوف و بعمله باستمرار..
نبدأ باسم الله الرحمن الرحيم..
فرزت الملفوفه و كان لها عدت أيام و طلعتها من الفريزر و تركتها تسيح تماما ، و هون شكلها بعد الفريزر..
بدون سلق و لا غيره رح تكون الورقه طريه و تتحكمي فيها زي ما بدك ، قطعتها و شلت العصب منها و كل ورقه عملت لي 4 قطع..
نتكلم الآن عن الحشوه..
ننقع الرز المصري بعد غسله بالماء و نصفيه بعد مدة النقع الكافيه..
في تاوه نضع قطعة زبده أو زيت حسب ما تحبي بس انا افضل الزبده للرز ، و نحميه و نقلب الرز الى ان تتشرب كل حبه نصيبها من الدهن و لما يصير الرز متل الصوره نضيف عليه حبه كبيره طماطم مقشره و مقطعه و ممكن تزيدي لو تحبي الطماطم ظاهر فيها..
نقلب البندوره مع الرز الى ان يتشربها و يجف ماءها و نضيف الملح + فلفل أسود + بهار + نصف مكعب ماجي مفتت + كمون + توم مهروس (انا استخدمت توم مجفف ) + عصير نص ليمون..
نكون مجهزين لحم مفروم و بقدونس مفروم و شبت و كزبره خضرا مفرومين (استخدمت البقدونس فقط لأن زوجي ما يرغب الكزبره و لا الشبت )
نقلب جميع المكونات مع بعض و هون الحشوه صارت جاهزه و لاحظو كيف ما فيها و لا نقطة سائل و هذا اللي يخلي الحشوه سهله في الإستخدام..
أما عملية اللف فـ متل الصوره و لاحظي كيف نثني طرف الورقه اللين من جهه وحده فقط..
هون الكميه جهزت عندي..
و هون رصيتها في قدر الضغط ، انا ما احب اضيف لا بصل و لا بطاطا و لا بندوره معه ، بس كل وحده و ما ترغب ، ممكن تحطي في القاع شرايح بندوره او بصل و لا انصح بالبطاطا في القاع لأنها رح تتشرب كل النكهه..
ممكن كمان تحطي شحم او ريش خروف ، و رح تشوفي كمان شوي اني نسيت احطها في القاع و حطيت ع الوجه لأنها بتعطي نكهه غير شكل..
و هاي كمان صوره ~ أخدتو بالكم اني اشتغلت في الصالون مو في المطبخ ههههههه ارضية الصوره غير عن كل مره !!
حضري كوب و نص ماء مغلي و اعصري عليه نص ليمونه + ملح + توم مهروس (استخدمت المجفف) + كمون و صبيه على الملفوف مع مراعات ان الماء يكون بيغلي، بحيث ارتفاعه يصل الى مستوى الطبقه ما قبل الأخيره فقط ، لأن الملفوف مع التفريز متشرب ماء و رطب و الرز متشرب البندوره و الليمون فـ رح تلاحظي انه ما بيحتاج كتير ماء..
اغلقي قدر الضغط .. و ولعي عليه الى أن يصفر و هدي النار عليه و احسبي له نصف ساعه (ملفوفتي وزنها كيلو و نص )لو كانت الكميه اكبر زيدي المده شوي..
و هون شكله أول ما طفيت عليه..
ما انتهيت تابعونــــــــــــي..
ما تدققو كتير في الصوره لأني كنت مستعجله ، و زينته بليمون مخلل..
و أول صحن لأول رد << ما تقلد أحد
و كمان صحن لأحلى رد..
يا رب تكون هالمشاركه عجبتكم .. و أي استفسار ما يردكم الا الكيبورد..
و ما أنسى أدعي إلي و إلكم..
أسأل الله الكريم رب العرش العظيم لي و لكم الهداية و سعة الرزق و صلاح الحال و هداة البال ، و للعازبات الزواج بالصالحين و للمتأخرات الذريه الصالحه الفالحه و للمرضى الشفاء العاجل و للموتى المغفره و الرحمه..
لا تنسوني و ذريتي من دعواتكم..