هلا والله بأم مقص
جان زين تكتبيلي اللي تعرفينه .. لأني ادور هالوصفات دوارة ودايمن أختلق شغلات من مخي وأسويها بس الحمدلله تضبط بس آكلها بروحها لأن زوجي غاوي لحوم

انتي تعرفي ايش يعني جان باللغه الهنديه ؟معناها روحي او عمري الله يحفظك يا عمري انتي
ولا يهمك انا كل يوم اعطيكي طريقه من كل انواع الخضار:26:

هلا بأم مقص .. ياجان إنت ياجان !!
تصدقين ماكنت أعرف معناها بس الحين خلاص كتبتها لج عن ثقة ... تسلمين يالغالية على تفاعلج معاي ويزاج الله خير وتراني طريقة الملفوف هذي .. ساعات أسويها بالفاصوليا وساعات بالفلفل البارد وساعات بالكوسة بس كل عندي نفس الطريقة .. علشان جذي منتظرة منج طرق ثانية مختلفة .. ومشكورة

جان ياجان ياجان يا خالة أم مقص ورقيقة…والله حلوة هذي الكلمة.. نقولها ومانعرف معناتها..

ماشالله عليكم انتوا هنه بس الحمدلله اني ماتأخرت عليج ياخالة.. عشان أخذ الطرق منج أنا بعد..
تراني والله أحب الخضار المطبوخة أكثر من اللحوم.. بس ماعندي طرق الا تخبيص مثل رقيقة..

بانتظارج أم مقص.. والله يعطيج العافية

يا قماري يا حلوين انتو ال جان كلكم
طيب نجي اليوم علي اكلة
القرنبيط يعني زهره مع البطاطس
اولا المقادير
زهره وزن كيلو
بطاطس كيلو
بصله محمره ومطحونه
عرقين فلفل اخضر حار
انا اعطيتكم من قبل طريقة القرم مساله ربع ملعقه منها
ثوم ملعقه صغيرهومثلها زنجبيل
مكعبين ماجي
كزبره خضرا وملعقة صلصه
2 حبه طماطم مطحونه
ملعقة اكل صلصه
زيت للقلي وزيت للطبخ بس قليل
الطريقه
تقطعي الزهره زي الورد يعني اوصال بس من عرقه مش من الاعلي
وزيه قطعي البطاطس مكعبات وبرضه نفس المقاس واقليهم في الزيت واتركيه علي ورق نشاف
الآن جا دور الزيت اللي هو للطبخ تحطي فيه الثوم والزنجبيل والفلفل الاحمر والكركم وتحركيه علي نار هادئه
اصله النار الهدئه تطيب الاكل وكل شيء بالهدوء يصير
فين كنا ايوهوبعدين نحط الطماطم والالبصل المطحون والصلصه وبرضه نحرك فيه وبعدين نحط الماجي
وبعدين الفلفل الاخضرمقطع شرائح طويله وبعدين القرم مساله ومعاه الخضار المقليه وربع كاسه ماء وبعدين الكزبره وبالعافيه تراه يصير اطعم من الملفوف