هذي طريقة امي الله يخليلنا ايها والله روووووووووعة ولذيذة بطريقة مو طبيعية ، وطبعا ماراح تصدقون كلامي الا بعد تجربته..
المقادير:
ملفوف مسلوق
10-12 حبة ثوم مقطع حلقات او مكعبات
4 ك صلصة طماطم "طماطم + ثوم + ماء معمولة بالخلاط = الدقوس العادي"
* هذا حطيته على جزء ثاني من الملفوف :"كوب تمر هندي + 3 ملاعق دبس الرمان"
الحشوة:
1ك رز مصري
1 كيلو لحم مفروم ناعم
2 بصل متوسط "مقطع ناعم"
3 طماطم متوسطة "مقطع ناعم"
1/2 كوب بقدونس "مقطع ناعم"
1/4 كوب كزبرة "مقطع ناعم"
ملح
1/2 ك صلصة طماطم "طماطم + ثوم + ماء معمولة بالخلاط = الدقوس العادي"
1 مكعب ماجي
1 م/ص فلفل اسود ناعم
الطريقة:
* طريقة الحشوة "ما صورتها لاني كنت نايمة ان شاء الله بس نسوي الملفوف مرة ثانية اصوره لكم " :
نحط البصل وشوي زيت بالقدر وتقلية شوي ،وبعدين نحط اللحم المفروم والفلفل الاسود والماجي والملح ونقلبة شوي لما يتغير لونه..
نحط عليهم الطماطم ونقلب شوي وبعدين الصلصة ونخلية تقريبا 5 دقايق..
نحط الرز ونقلبة شوي و نطفي النار عليه ونحط باقي المقادير..
طريقة لف الملفوف مافي اسهل منها :
نقص العرق الصلب ، ونقسم ورقة الملفوف 2 ..
نحط الحشوة على طرف الملفوفة مثل الصورة..
نلف الملفوف بدون ما نقفل الاطراف بس ردي باصابعج الحشوة عشان يصر مضبوط باللف مثصل الصورة..
رصي الملفوف القدر بهالطريقة..
صبي شوية صلصة على الملفوف وحطي صحن عشان لما نصب الصلصة ما ينفتح الملفوف..
نحطه على النار لما يستوي..
وهذا شكله النهائي ..
وقدميه مع الروب ، يمي لذيذ..
انا اخذت شوي من الملفوف وحطيت علية صلصة والتمر هندي ودبس الرمان وهذي صورته..
والصراحة اللي علية دبس الرمان والتمر الهندي عندي الذ شوي من العادي..
وبالعافية حبيباتي..
دعواتكم لامي بالصحة والعافية وطول العمر ويفرح قلبها فينا "اعيالها"..