بناات بليييز جاوبوني عن مسكنات الوطني مرة شايلة هم لاني قبل ولدت مرتين بابرة الظهر وماني مستوعبة اني حاولد هالمرة بدونها 😓😓😓

حبيبتي انا ولدت لي يومين بالوطني وبكتب لكم تجربتي كااامله
جيت يوم الخميس بالليل الساعه وحده ونص وكانت موجوده الدكتوره انوار وكان جدا زحمه 4حالات ولاده وجدا خفت لما شفت الزحمه الدكتوره كانت مستعجله والحريم بكل مكان فكرت اخرج ورفضت امي جلست امشي بالممر وهي تجري هنا وهنا لما خلصت كل حالاتها جاتني تقولي اشوفك من اول تمشي ايش وضعك قلت نزلت السداده وحده وبعدها دم وبكشف كم مفتوح قالت بتابعي معانا قلت ايوا مع الدكتور وليد وكان كاتبلي طلق صناعي الاثنين من الاسبوع الي بعده قالت امشي شويا واكشف عليك الساعه 3وعشره دخلت غرفه التخطيط وجات الممرضه بتركب التخطيط قلتلها ماعندي طلق وابغا امشي جات انوار الساعه 3ونص كشفت قالت مفتوح 2ونص وصار وجهي الوان من الصدمه لاني توقعت اكثر ...المهم قالت انا بتسحر وبرجع لك الساعه 5ونص وانتي امشي بالممر لاني مااقدر استقبلك حالة ولاده الا 4سم واكثر ..قمت من سريري وتوضأت وجلست اقرأ سورة البقره ساعه كامله الى 4ونص بعدها سبحان الله بفضله سبحانه اشتغل الطلق وراء بعض والساعه 5وربع جات وكشفت قالت مفتوح 4وماشي بالخامس ...خرجت من عندي قالت امي الدكتوره هاذي جدا عجوله الله يسخرها لنا عاد انا مره مافكرت اغيرها لاني رحت على استخاره مع ان زوجي طلب مني يستدعي لي دكتورة امل بس رفضت قلت انا استخرت الله والان انا تحت امره
المهم جلست بألم الطلق الى سبعه ونص وجات بعدها وقاست طلق 6سم وقالتلي ماتروحي للحمام الا تبلغي القابله وكان وقتها فيه قابله فلبينيه شرسه شوي الله يصلحها
الساعه 8الاربع انتهت مناوبة انوار وجات عندي الدكتوره هاله وسألتني وقاست وقالت مفتوح من 3الى 4وانا 😢قالت امي الدكتوره قالت 6وخرجت
بهاذي اللحظه دخلت قابله مغربيه اتوقع اسمها حنين الله يسخر لها وين ماكانت جدا رائعه وجات كشفت بعد ماجلست اصارخ من الالم وطلبت اروح للحمام وكانت الساعه 8وربع ودتني الحمام وكشفت قالت 7وجدا انصدمت من كلام هاله .
الساعه 8وخمس وعشرين دقيقه مره ماقدرت اتحمل وجلست اصاااااارخ وجات تجري القابله وفكت الجهاز عن بطني وقالت ياالله للكشك ياالله امشي وجلست تسندني الى الكشك دخلتني وساعدتني الين طلعت ع السرير ولااراديا جلست ادف والدكتوره هاله جات تجري وقالتلها ليه ماقلتيلي انا ماتوقعت بتولد بهااذي السرعه اعطتني القابله كمامه سوداء حسيتها بإذن الله تساعد شويا لانها بتدوخ ..الحمدلله ونزلت بنتي ورموها علي شويا وبعدين اخذوها
طولت المشيمه الين خرجت وهذا الي تعبني غير ولله الحمد كان بفضله سبحانه
خيطتني الدكتوره هاله ...كيف الخياطه ؟لحد الان مااعرف بس شي صغير
بالنسبه للمسكنات والله اول ماجيت ركبوا لي مغذي قالوا مسكن ...بعدين ركبوا بعده واحد اخضر شريطته
يمكن كان مسكن لان الالم كان محتمل الا لما قرب طلوع الراس اخذوني الكشك وحطوا لي الكمامه
طيب اثناء الخياطه ضربوني ابره بالفخذ بعد الولاده
وكمان بذكر شي ابراء للذمه الدكتوره هاله جدا امينه بالتنظيف والله طلبت القابله تمسج بطني وهي تنظف
ولما جيت غرفتي بعدها بساعتين جات بنفسي تعملي مساج وتراقب نزول الدم اكرمكم الله بعدين لمست بطني قالت خلاص كذا الرحم انقبض
بعد ماجيت لغرفتي جابوا لي فطور على طول وبعدها كم وجبه تقييمي للمستشفى جدا رائع مع اني سبق وولدت فيه لكن هالمره جدا جدا رائع واهتمام ويرفضوا يعطوا البيبي رضاعه صناعيه ينظفوه ويلبسوه ويجيبوه ترضعيه .يتابعوا حالة الام طول اليوم وتجي وحده تسأل اذا لك اي ملاحظات
انصح اي وحده فيكم قبل ماتروح تصلي استخاره وتستعين بالله لانه سبحانه هو الميسر وحده
فقلت سبحان الله ربي ماكتب لي انوار يمكن خيره عشان وضع المشيمه وسخر لي الدكتوره هاله
الحمدلله قبل وبعد
وعقبالكم يارب بعفو وعافيه

الحمدلله على سلامتك جولز
ومبروك ماجبتي ربي يصلح لك ما عطاك

الله يسهل لنا ويسخر لنا من عنده

الحمدلله على سلامتك يارب جولز وعقبالنا 

جولز الحمد لله على سلامتك