المنوة
مثل ماقالت ام كوني اهم شي الميبو وغسول البيتادين بطريقتين الاولى خففيه بمويه والثانيه سويها مرتين باليوم حطي محلول البيتادين بقطنه وامسحي على خفيف مكان الجرح
وكمان مويه وملح عادي هذي طريقة مستشفى بروكير
انا خيوطي بنفاسي الاول ماطاحت غير بعد شهر وظلت الى الاربعين اخر حبه
واذا تبغي السمنه اشربي حلبه والماش بعد يسمن اما لهموم او ينطبخ عادي
بسئلك ايش الحسو ؟

ام حبيبتها ربي يقومك بالسلامه

اخواتي ايش نوع الكبو حق النفاس الي تستخدمونه

وكيف طريقة خواجوا وزيت الزيتون


يارب يهون علينا احس الطريق طويللللل

عروس حايسه

تصدقين اتوقع اللهوم. كان فيه ماش لاني شميت ريحته اوووف يسمن مررررا. المنوه

الحسو. هو رشاد نسوي منه شوربه. انا ماحبها كثير بس مفيده. طريقته رشاد فلفل اسود وبهارات نفاس كثير وسكر. ويخفقون بيضه ويصبونها اخر شي لما الشوربه تطبخ انا احبها بدون بيض ومفعولها رهيب تشد الظهر وتنظف البطن والرحم

وبعد. الحين ماما تسوي لي حليب مغلي. مع شوي كاستر وفوقه رشاد. وعسل وتطبخه لي. طعمه لذييييذ

ترا ماعرف اشرح. ولا عرف طريقتهم بالضبط. بس قربتلك. خخخخخخخخخخ. يأرب فهمتيني


دلوعه زوجي

انا معاك. لا تحاتين.

احمدي ربك عديتي اكثر من نص. انشغلي بالتجهيزات وتعدي الايام بسرررعه 

تصبحون على خييييير كروشات كبيره وصغيرا

ام حبيبتها
..
انا لما رحت لرنا قاست الرحم وكان 3 ونص سم وطلعتني قلت لها عادي

قالت طالما مافيكي طلق ووضع الجنين كويس ونبضه طبيعي وماعندك اي علامه

من علامات الولاده عادي...وخيرتني بين اني اخذ طلق صناعي او انتظر

وهذا حصلي مرتين معها بولاداتي الثنتين والحمدلله وقالت لي عندك موعد معي بعد اسبوع رح تولدين قبله

وفعلا ثاني يوم نزلت مويات ورحت لها

وسمعت كمان ان في حالات يرجع الرحم يتقفل فيها او يتقلص توسعه يعني مو غريبه اللي صار لك

اهم شي وضع البيبي اذا كل شي سليم لاتحاتين شي والله يقومك بالسلامه يارب


شوفي الدكتوره رنا من تجربتي معها مرتين حسيتها دكتوره مو استغلاليه ابدا وتشتغل بضميــــــــــــــتتر

ومستحيل تطلب منك شي انتي مو محتاجته ولا ممكن تجازف بصحتك ابدا ..انا اتكلم من تجربه شخصيه

يعني لا زدت ولا نقصت والله يسهل عليك وييسر ولادتك وتصير زي شربة المويه