السلاااااااااااام عليكم

((تعالو شوفو جدول لخطاتي))

انا بصراحه جربت اللي راح اكتبه لكم
والله طلعت روعه انا فقط استخدمته 4يوم
ثم جت الله يكرمكم -الدوره-فمع البرد تكاسلت



ولكم جدولي هذا وبالتوفيق

الخلطه/

مكوناتها=>
صابونة دوف مبشوره
نص كوب موية ورد
5ملاعق زيت زيتون
5ملاعق جلسرين سائل
عصير ليمونه واحده

الطريقه=>
انقعي صابونة دوف في موية الورد طول الليل
والصبح حطيه على نار مع التقليب لغاية ماتلاقي الصابونه زي الكريم ضيفي زيت الزيتون والجلسرين وقلبي شوي واطفئ النار وبعدين ضيفي عصير الليمونه وقلبي مضبوط وحطي الخلطه في علبة زجاجه

طريقة الاستخدام=>ادهني كل جسمك بالخلطه لانها زي الكريم راح يتشربها جسمك خليها لمدة 4ساعات على الجسم بعدين بالليفه بس ادعكي جسمك منطقه منطقه
تلاحظي انها طلعت رغوه كملي ان ان تنتهي وبعدين اخر شيء
لاخلصتي من الدعك اغسلي جسمك بالمويه

-هذه الكميه تكفيك شهر ونص

شوفي جدولي علاشان تلاحظي الفرق


اول ماصحى من النوم =>اغسل وجهي ويدي والرقبه بصابونة دوف(عندي ثانيه)
ثم امسح وجهي بمسحات طبيه((لان وجهي به حبوب ...وعلبة المسحه الطبيه ب12ريال 200حبه))
ثم ادهنه بزيت نونو للاطفال

وبعد الغداء=> اذا انتهيت من شغلي دهنت جسمي بالخلطه(لجسم فقط انا ماجربتها لوجهي)
وبعد اربع ساعات اكون محضره المسحات الطبيه وزيت نونو للاطفال
بعد الدعك والانتهى من الخلطه امسح المناطق الداكنه((الاكواع واركب والابط والاكعاب واصابع القدمين والرقبه وصدري))
ثم ادهن كل جسمي بزيت نونو
وزيت نونو يخلي ريحة جسمك كانه بشرة طفل


وعند النومه=>اغسل يدي ووجهي والرقبه بصابونة دوف ثم بالمسحه الطبيه ثم بزيت نونو

واذا اردت الاغتسال((التسبح...اخذ شاور))
اغتسل بصابونه دوف

راح تطلعي -باذن الله-روعه

وفيه معلومه انا ماجربتها
احسها روعه وناويه اجربها بس مو الحين=>المناطق الداكنه بعد الاستحمام
ادعكيها بنص ليمونه مع ملح ثم بزيت للاطفال


كل ماستمريت عليه يطلع جسمك جنان-والله اعلم--

اما شعري
فاستخدم كريم للشعر الجاف صانصليك
وعندي بالمرز للقشره

وناويه اذا دفي الجو زين مازين
بالحنه==>لان شعري بصراحه يزين عليه

بنات ابقى ادخل معاكم

بصراحه صايره كسوله ومالي خلق للشغل
والبيت بدات تظهر فيه علامات الفوضى شاسوي

شوروا علي يله كل وحده تحط لي راي بنتظر تجاوبكم خلاص انا اللحين طالعه والعصر بدخل وباشوف

لحظه انا دخلت وحطيت السالفه وماانتظرت لين اشوف انتوا بتقبلوني ولا اقلب وجهي واطلع

انا يوم جتني العنز((اقصد الزعل اللي مر علي))
تركت شغل البيت
وتراكم علي الشغل فمن البارح وانا بشغله...وشغله...مثل النمله بطيئه

عبيت الساعه 5 قرابة المغرب وانتو بكرامه حوض الحمام((البانيو)) ثم عبيت الغساله
((الماء من صباح الجمعه لين العصر بينقطع مادري وش اللي فيه))
واغسل الهدوم (طبعا غسالتي العاديه جداً)واطلعهم بعد العصر بيدي واشطفهم بالماء اللي بالبانيو
واحطه بالنشافه
طبعا مع تغيير ماء البانيو اذا تغير لونه
وهكذا الى ان خلصت وبقيت عباياتي غسلتهم وشطفتهم وما نشفتهم على طول علقتهم بالشماعه اللي وراء الباب حق وانتو بكرامه باب الحمام

وكنت رابطه حبل من شباك غرفتي الى باب الطالعي للشقه((انا ماعندي حوش ولاشيء انا بشقه عند السماء الزرقاء ...اقصد فوق))
ولما انتهيت من شرهم
كنت مجهزه كمفرت مع ماء برشاش واخذ ارش على الملابس من........الى.........
ثم مسكت المطبخ من........... الى .........
ثم عملت ذيك الكبسه اللي تحبه قلوبكم


ومن الساعه 5المغيرب الى الساعه 9الا ربع ليلاً

وخلصت علاشان اتابع برنامج فوزيه الدريع.......تعجبني المكالمات والمشاكل والحلول

وعلى الساعه 11غيرت للولدي ونمت وصحيت الساعه 6ونص صباحا
ارضعت ولدي صليت الفجر((مع انني متاخره بالصلاة)) بس مع التعب الله يكون بالعون
الساعه 7ونص عملت حليب وفطرت زوجي لانه مسافر لتقديم لوظيفه ربي يوفق(لانه مو رسمي))

للمعلوميه/طريقة شغلي على 3اشياء
اما سباق مع منبه الجوال
او مقطع انشوده بجوالي مدتها 7دقيقه
او شريط قران لاحمد العجمي بالمسجل
ويالله ياتحدي

وكلما اندمج مع شغلي واتفرغ له الا ولدي يصيح
اعطيه ابوه وعمامه واول مايبكي يعطوني اياه
اااااااااااااااااااااااخ قهر:o
هم اللي خلوني بطيئه:eek:

اما بقية البيت فمريت عليه مرور الكرام لانه بوجه عام نظيف


والحين باقي لي تعزيل
مثلكم عارف انا لي شهر من عزلت
والجرايد حقات المطبخ توسخت

يعني يبي لي تعزيل من جد وجديد
اااااااااااااااااااخ اكره هذا كانه جبال همه على صدري

هلااااااااااااااااااااا فيك
لا بنقبلك وشدعوه
شايفه معنا مقلاة نضرب بها اللي يدخل علينا
اخذين عنا فكرة شينه:42:


اتركي نفسك يوم كامل من غير شغل
واذا اردتي النوم اكتبي كل اشغالك وامامهم ياهام او مهم

يعني مثال/
--المطبخ/
-ترتيب وتنظيف((يعني ماتخلي شيء بوحه الناس))..................هامه
-غسل المواعين.................هامه
-دولاب المطبخ من الاعلى.................مهمه
-دولاب المطبخ من الاسفل................مهمه
-الفرن غسل+تلميه+تغير القصديره...................مهمه
-الثلاجه غسل+تلميع+ترتيب اغراضه........................مهمه
-الطاوله والكراسي غسل وتلميع +غسل المفرش..................هامه
-الاضيه غسل ثم تطهير...................هامه
-الشباك والجدران...................مهمه


وتجعلي الهامه باول يوم تبداي شغلك فيه
والمهمه كل يوم شغله
بالاضافه الى شغله من اشغال البيت بعد تقسيم الاشغال لهام ومهم

انا هذا جدولي في بداية شغلي ولحد الحين........وحسيت براحه لدرجه ماتتصورينه