هايمه بذاتى :

شوفى طبعا فى البدايه مايسوون شى الا بطلعه الروح .. وانا ماكنت مقتنعه انهم يدلعون علشان كذا اول شى سويته لما كبروا شوى يعنى الكبيره صارت عشر سنين .. ماجبت شغاله فى البيت على الرغم انهم كلهم كانوا صغار وانا اشتغل ومااجى الا العصر بس كان فى بالى انهم لازم يتعلمون ويصيروون سنعات .. اول شى سويت لهم جدول تنظيف يومى .. طبعا كانوا يوم يسوون وعشره ايام بطلعه الروح وشد ومد .. شفت ان هالطريقه ماتنفع فكرت فى شنو يحبون .. وفى شنو يكرهون .. يعنى يحبون دايم يطلعون المجمعات .. فقررت يوم فى الاسبوع يطلعون على شرط ان كل واحده تقوم بدورها على اتم وجه مو لازم كله بس اقلها ملابسها فى سله الثياب سريرها كل يوم مرتب .. تغسل الصحون بعد ماتستخدمها .. تغير الزبلات . وكنت دايم لما اي وحده تقوم بدورها كويس او تسوى شى ماهو فى الجدول اعطيها مفاجاءه هى تختاره بس تكون بحدود المعقول مثل تروح تتسوق معاي بالسوبر ماركت وتختار اي شى بقيمه 15 ريال لها هى .. او مثلا تختار تطلب من المطعم وجبه خاصه لها هى تحبها او مثلا تروح معاي للسوق وتشترى لها لعبه فى خاطرها .. وبالعكس صار بينهم مثل الحماس .. بعد فيه شغله خطيره عمرك ماتقولين للبنت شوفى بنت فلان اشلون او شوفى فلانه صايره شاطره فى بيتهم . بالعكس دايم امدحيها قولى لهم انا اليوم قلت قدام اهلى بنتى ماشاء الله .. سوت ذاك الحلا اللى يجنن او اي شى هى سوته فى البيت .. صدقينى راح تنبسط وتصير تشتغل اكثر .. طبعا انا دايم اغير الجدولى اليومى علشان مايطفشون .. فاخليهم هم اللى يختارون الايام ويرتبونه .. ويعطونى نسخه منه .. طبعا فيه يوم اجازه يعنى تكون عندها راحه مرررررررره ماتسوى شى فى البيت ابد .. ومثل مافيه مفاجاءت فيه عقاب والعقاب يكون شديد .. يعنى انا مثلا اسوى لبناتى تفتيش على الغرف مااقول لهم متى علشان يكون فى بالهم دايم انى رانح اشوف الغرف وبكذا يكونون خايفين .. العقاب خيار انها تتعاقب اسبوع محرومه من المصروف او محرومه من الطلعه للمجمع .. لازم لازم لازم .. شوفى مهمه النقطه هذى انك تجلسين مع بناتكـ وتسولفين معاهم تعرفين وش يحبون وعن صديقاتهم الدروس اللى يحبونها .. حتى لو نص ساعه .. انا يوميا اجلس معهم .. بعد المغرب او بعد العشاء .. واذا ماقدرت اعوضه بوقت اطول فى يوم ثاني... ماقلتى لى كم عمر بناتكـ ؟ وسامحينى على هذرتى الزايده ..

شوفى طبعا فى البدايه مايسوون شى الا بطلعه الروح .. وانا ماكنت مقتنعه انهم يدلعون علشان كذا...