الله يعين
والله انك صادقة يا ام حمودي
يشوفون من البلوي كثير غير اتصالات اخير الليل من البنات و يفتكرون كل الحريم زي بعض على قولهم الشر يعم
بس الواحد وش يسوى غير الدعاء

السلام عليكم
مشتاقه للجميع
والحمد لله على سلامه الراجعين من السفر
ام حمودى الله يعينك و يشرح سدرك وييسر امرك و الله يحفظ زوجك واولادك

اليوميات
يوم الاحد تنظيف سطحى للبيت ثم بعد العصر رحت لاهلى وفى الليل زرت مرت اخوى ورجعت الساعه وحدة
يوم الاثنين صحت الساعه 2 و فطرت بناتى و انا شربت شاهى اخضر و صلحت كيكه البرتقال و
الكيكه الهشه و ثم نظفت المطبخ وغسلت المواعين
ثم جلست اكوى الملابس لمدة ساعه و بعد المغرب عملت كبسه دجاج وسلطه و
بعد العشاء رجع زوجى من السفر و تعشينا ثم جلسنا على القهوه والكيك
و يوم الثلاثا صحينا الساعه 12 و افطرنا و بعد الظهر زوجى قالى جهزى الشنطه بنطلع جده وانا طيران من الفرحه و
جهزنا والساعه 3 خرجنا من البيت و الحمد لله ابسطنا ولعبنا البنات فى الملاهى ورحنا السوق و رجعنا يوم الخميس بعد المغرب ثم صليت وكنست البيت و ثم فضيت الشنطه و جلست اغسل الملابس و الساعه عشره تعشينا و عملت شاهى اخضر والساعه 12 نيمت البنات و جلست ارتب فى البيت ونمت الساعه 3 و
يوم الجمعه الساعه 12 افطرنا و بعد الضهر غسلت ولابس بنتى تبع الروضه وبعد العصر رحت لاهلى و رجعت بعد العشاء و عشيت البنات و جلست على الكبيوتر والساعه 12 نمت
واليوم السبت صحيت الساعه 5و ربع و عملت فطور لزوجى و خرج الساعه 6 و ثم صحيت بنتى وفطرتها ولبستها وخرجت الساعه 7 و بس

السلام عليكم...

اخباركم...

رجعت البارح للبيت..ولله الحمد..

وكنت متحمسه ابدخل غرفة جود واشوف اذا هي مغبره او لا بعد ما سكرنا الشبابيك بالسيلكون...

ويوم دخلت:eek:

لقيت الشبابيك مفتوحة:06:

شكلي نسيت اسكرهم قبل اطلع!!!! والغبار طبقااااات..:44::icon33:

وعلى طول بديت بتنظيفها ما ريحت عقب السفر.. وشلت مفارشهم وحطيت لهم مفارش جديده شريتها من الرياض..

وطلعت منها وكملت على باقي البيت تمسيح اسطح.. وسويت عشا خفيف وغسلت المواعين وتروشت..ونمت الساعه ثنتين دااااايخة..

وجود ما نامت الا وحده..

واليوم الصبح قمت ست..وقومت جود الحمد لله ما عذبتني فرحانه بمريولها الجديد..

ووبعد ما طلعت مع ابوها جيت اطل عليكم قبل اشوف شغلي...
_____________________

ام حمودي.. تصدقين كنت متوقعه انك تعانين في حياتك..لأنك تسولفين كثير ومرحه ومفرفشه في النت..

دائما اللي اشوفهم فيهم حركه زايده في الكليه ووسيعين صدر وينكتون ادري انهم ينفسون عن كتمتهم بالبيت..
لكن ما تخيلت انها بالشكل هذا..الله يسخر لك...

طيب.. انت حاولتي تزعلين على خفيف من زوجك اذا شك او كذبك؟

والا عادي تمشين؟

لا تبينين له انك مغلوبه على امرك وضعيفة..

ادّعي القوة ولو ماهي فيك.. وبيني له ان فيه حدود لازم ما يتعداها..ولو تعداها عطيه نظرة تبين عدم الرضا..بس مو نظره زعل ونكسار:crap:..لا.. نظرة طيب انا اوريك:mad: ولا تورينه ولا شي..بس خليه يحس انك مو راضيه..

واذا كلمك ردي علي بجفاف خليك رسميه..ولو حاول يرطب الجو شوي وظحكتي قولي بس ترا هالشي اللي سويته ما حبيته منك..

واذا قال..سويتي كذا..كذابه ما شفتك.. لا تدافعين عن نفسك وتحاولين تثبتين له..

قولي: عمرك ما صدقت..الحمد لله واثقه من نفسي..وانت الله يشفيك<<<هذي الاخيره لا تقولينها وهو معصب..قوليها اذا هو رايق والوضع مستتب..

غوصي اكثر في مملكة بلقيس.. انا ودي اواظب في ملف مخصص للي ازواجهم شماليين.. توني داريه ان الشمالي يحب احد يمدحه..

واهلك قولي ونت تشتغلين عندهم على شكل مزحه..ما ادري وش بتسوون بدوني..بتظيعون ما لكم غنا عني..:27:

ودايم امدحي زوجك قدامهم وبيني انك مبسوطه اكثر منهم.. وعشان كذا تحبين بيتك لأنك مبسوطه فيه.. وما تحتاجين شي..

وواظبي على الاستغفار ..الاستغفار...الاستغفااااااااااااااار...

صباح الخير بنات سلامي للجميع
الحمدلله على السلامه سأكون وبريق وندى وديما
أم حمودي صدقيني مافيه بيت يخلو من المشاكل والله يعينك صبرآ جميل والله المستعان
حبيبتي لاتتركين قيام الليل والاستغفار والدعاء والله حلت مشاكل كثيره والله الذي لا الله غيره إذا الله اراد لاتتغير حياتك من الي مع زوجك وأهلك لوذكرتي الله أكثر بيفرج همك ,حاول تغيرين نفسك من كل النواحي ولاتخلين أي شي ياثر فيك خليه يتكلم لين يطرح الي في راسه لايهمك بعدين راح يستغرب من تصرفات ومن تغيرك المفاجى
الله يكون في عونك ويسخره لك ويخليه لك ولعيالك وينور بصيرته هو وأهلك ويسعدك دنيا وأخره
وحنا خوات يأم حمودي إذا مافضفضتي لخواتك تفضفضين لمن والله يعلم إني أعزك واحترمك
أولا وأخيرآ ياعسل لاتخلين الي يصير معاك ينعكس على حياتك وعلى عيالك والله يوفقك دنيا واخره

صباااااااااااااااااااااح الخييييييييييير

ام حمودي
با عمري انتي لا تعتذري ولا شي ما غلطتي عشان تعتذري
احنا اخوات وما فبها شي لما نسمع لبعض ونخفف هموم بعض
وانتي ربي ان شاء الله انه يحببببك عشان كذا مبتليك وانتي احتسبي الاجر وقولي حسبي الله ونعم الوكيل

اما عني
زوجي راح مع امه للمدينه عشان يحظروا زواج بنت خالته
ورفض ياخذني معاه ومشيتها عادي
بس الله لا يوريكم رجع مقلوب 180 درجة مدري وش السالفة تقول قاتلتله قتيل ولا مسوية مصيبة
من يوم الثلاثاء ليوكم هذا وهو ما يكلمني وانا طنشته
لانه يوم ما وصل سلم علي بس مصافحة قدام اهله وطلعنا بيتنا اعطاني الهدايا ووجهه مكفهر <<<<< متعوب عليها
وراح ينام رحت وراه سالته فيك شي قال اطلعي وسكري الباب قلتله ليش تكلمني كذا قال سكري الباب قلتله انت حر
واعطيته طناااااااااااااش
والاربعاء جاني هبوط بالضغط ودوخه وداني المستوصف واخذت ادوية ولا قالي سلامات ولا شي نزلني البيت وراح القهوة مع اصحابه
الخميس رحت لامي الظهر قالتلي تعالي تغدي عندي عشاني تعبانة رحت لها وجتني سخونه والقولون قام علي
ونمت عند امي وروحت الجمعة الظهر ياليتني ما روحت مو مصدقني يقول متى صرتي تعبانة
قلت كالعادة طبعا انا ما امرض ابد بس اكذب زي كل مرة (لانه كذا مرة ما يصدقني لما امرض ) وطنشته


اليوم احسن بس الولون تااااااااعبني ومعدتي تعووووووورني مانمت منها
وهذا مدري وش بلاه راح ورجع متغير حتى وهو هناك ما يدق علي الا اذا بيكلم بنتي ويدق على اخواته كل شوي واذا كنت معهم يكلمني كلمتين ويسكر
الله يستر مدري وش عنده


طولت عليكم السموحة