بنت نوره والنعم :

مدري والله ياجروحه بس لطشتها من منتدى عجبتني اللهجه خخخخخخخ صادقه محد يعرف يقراها غيرنا واحساس بعد تراها من ربعنا :) اتخيل بوح تقراها ومعها قاموس اكسفورد تترجم ياحبيلتس يابوح :)

مدري والله ياجروحه بس لطشتها من منتدى عجبتني اللهجه خخخخخخخ صادقه محد يعرف يقراها غيرنا واحساس...

بنت نوره والنعم :

أم الغــــــــــزلان .. هذا واحدن والواحد الله.. وكل ابليسن يخزيه الله.. هالواحد تــــــــــــــاجر وعنده بنيتين امهن مِيْتْه < == التشكيل حسب نطق الراوي وهو ماخذن حرمتن عقبه.. هالمره داااااااااابلتن تسبده ببناته ..ماتبيهن وكل يوم تزن فوق راسُه يا انا يا هن بالبيت .. يوم جاء هكا اليوم قال لبناتُه يله ضِفن سلعكن (قشكن بلغه الرومان او اغراضكن من ملابس وحلي بلغه البابليون < == لايفوتكم الرفع بالواو بس ) ضفن سلعكن بنروح لخوالكن.. قامن البنيات وضفن هدومهن وزهّبن سلعهن ويوم جاء الفجر شدو متاعهم ومشوا لديره خوالهن.. عاد يوم انها ليلت عليهم قال ابوهن بناقف (سوف نتوقف ) ونتعشى وننام ومن اصبح افلح.. نكمل طريدزنا الصبح ولاهم دزد (قد) ابعدو عن ديرتهم .. نزلو بهكا النقعه وتعشوا ونامو.. ولا قامن البنيات الا يوم تـــــتســوت رجليهن بالخلاخل (احتمت خلاخلهن من الشمس وكوت رجولهن) يوم قامن ولا ما عندهن احد.. يدورن يمين.. شمال.. مهنا احد ولا ابوهن رايح ومخليهن .. مشن البنيات لين وصلن لهكا القصر اللى ميتين اهله من الفقر والمرض.. ولا فيه غزلان يرعن بالربيع.. نزلن هالبيت وصارت التسبيره بالبيت تطبخ وتنفخ وتغسل وتشل خلقانها وخلقان اختها .. والصغيره ترعى الغزلان اللى بالقصر( من هنا جاءت تسميه أم الغزلان< === ياملحى وانا عربى فصيح ).. جاء هكا اليوم وعقب ما طلعت الصغيره ترعى غزلانها ..قعدت التســبيره تضف الدار ولا هكا الامير اللى توه جاين من الغزو هو ورجاله ومر بالمزرعه يدور الماء.. يوم وادز بالبير حق المزرعه ولاه ملياااااااااان (يعنى ان ما بالمزرعه احد او انهم شويين الماء عندهم زايد - ولاه بلغه المماليح..و بلغه البابليين السابقه الذكر: فاذا به) وقف وشرب وسقا فرسه ورجاله ورحالهم ..وهم يشربون وادزت البنت من الباب( وااخزيااه ) وشافها فرس الامير وكح..نزل الامير راسه وشاف صورتها على صفحة الماء .. ولارفع راسه علشان محد يرفع راسه ويشوفها (ذهاان الاوليين موب مثل هالوقت اللى لو تقول للواحد شف هالرجل وهو ماهنا غييره قال هاااه ايهم تعانى)المهم..مشو بطريقهم..يوم كملو ساعه قال الامير انا نسيت فتختى (خاتمه) بارجع اخذها تناقزوا رجاله ولا ترجع يا طويل العمر حنا نجيبها.. قال ابد ولا يروح الا انا.. يوم رجع للقصر طق على البنت وعيت تفتح له.. قال افتحى عليتس امان الله..قالت وش تبى؟؟.. قال انا ابيتس على سنه الله ورسوله وباخذتس معى لديرتى..قالت بس انا لى اختن صغيره هنا ولا اقدر اروح واخليها ..قال اختـس ربها معها.. واخذها معه بالهودج.. ولاها ماخذتن معها مقطع (ثوب.. بلغه ملك الغساسنة السادس عشر) لاختها معروف ما عند احد مثله (بنت تجار ما مثلها احد) وكل الطريدز وهى تقص من هالمقطع وتحلت الييييييييين وصلوا ديره الامير... يوم جاء اخر العصر وترجع البنت الصغيره للبيت..تدور اختها..تدورها..مالقتها لا هى ولا سلعها..ايلا عاد الدنيا اظلمت ولا تقدر تطلع من البيت..قامت وسوت لها عشي وتعشت يوم اصبح الصبح جمعت غزلانها وسلعها وراحت تدور اخيتها.. وهى تدور يمين وشمال شافت قطعه من ثوبها..يوم مشت بعد وتلقى قطعه ثانية..عرفت عاد ان هذى علامت من اختها تدلها طريقهم (هماى اقول انهم ذهاااان) مشت البنت مع القطع الين وصلت هكا الديره ولا عندهم عرس وطقطقه وطيران ..وتمسك هكا العجوز وتساله وش عندهم؟؟ قالت هذا الامير مرته ما تجيب عيال وبيعرس عليه..قالت له ياخاله انا جايه اترزق الله ما الى لى شغلن بذا؟؟.. قالت الا ان اهل القصر يدورون بنيتن تلاعب بزرانهم. راحت البنت للقصر وعطوها مقصوره لها ولغزلانها بطرف القصر..وصارت تقعد معهم وتلعب عيالهم وتشوف اختها (والاخت من زين الطبايع ساكته ماقالت هذى اختى ) المهم مرت الايام وحملت الاخت الكبيره وكان الامير عنده تجاره بالشام وبيسافر (< ==هااااااااااااااو امير ويسافر هو بتجارته ؟؟!!) قال ان جانى ولد سموه شامان وان جانى بنت سموها شاميه.. يوم ولدت البنت جابت ولد..وتاخذه مره الامير الاوله وتعطيه ام الغزلان قالت له احلتيه بالدزليب..اخذته البنت لمقصورتها ورضعته من حليب الغزلان ونومته ورجعت لعمتها قالت حلته.. يوم صحت الام قالت وش جبت؟؟قالت له المره يااعمييرى جبتى حطبتن سودا ودفناها (احد يجيب حطبه؟؟لا سودا بعد؟؟ ) بس اختها علمتها انها جابت ولد وسمته شامان وانه بالمقصوره.. يوم رجع الامير قال هاه وش جابت؟؟ قالو له انه جابت حطبتن سودا ودفناها.. سلم الرجل بحكمة ربه ولا قال شي.. يوم جت المره الثانيه ايلا البنت حامل والامير بيروح لمكه يعتمر قال ان جاني ولد سموه مكّان وان جاني بنت سموها مكيه..يوم انها ولدت جاب الله لهم بنت..اخذتها المره وعطتها لام الغزلان تحلتها بالدزليب.. واخذتها البنت وحطتها مع اخوها بالمقصوره عقب مارضعتها ونومتها.. ورجعت وقالت حلته بالدزليب.. يوم صحت الام قالت وش جبت؟؟ قالت لها المره جبتى حطبتن سودا ودفناها ( حطبه بعينك يالحسوده خلاص انكشفت الخطه) يوم رجع الامير قال هاه وش جابت؟؟ قالو له حطبتن سودا ودفناها..كل ذا ولا درى بالسالفه الا الاخوات.. يوم جاء المره الثالثه ايلاه بيسافر لعمان والبنت حامل..قال ان جاب الله لى ولد سموه عمانان وان جاب الله بنت سموها عمانيه..يوم ولدت جاب الله له ولد وتاخذه المره الاولى وتعطيه ام الغزلان تحلته..وتاخذه الخاله وترضعه من حليب الغزلان وتنومه وتخليه عند اخوته بالمقصوره .. مرت السنين والخاله تربى عيال اختها وتوكلهم من القصر (امراء ومغنيهم ربى ما يدرون وش الداخل وش الطالع) لين كبرو .. شامان 8 سنين..مكيه 6 سنين..عمانان 4 سنين.. ولا حملت امهم عقبهم ..قال الامير هذى ماحملت.. واذا حملت جابت حطبن سود !! اجل انا بعرس.. يوم جاء يوم عرسه لبست الخاله العيال ثيابن زينه وعطت العيال على باكوره (عصا) والبنت زينتها وعطتها عروسه..وقالت لهم لا تاكلون شي ابدددددد وان عطاكم احد شي قولو ما ناكل الا اذا اكلت باكورتى او عروستى واذا شفتوا الامير قولو تسذا وتسذا وتسذا.. يوم طلعو وسرحو مع البزران شافتهم مرت الامير الاوله وعرفتهم ..نادتهم وسوت لهم اكل به سم..يوم حطته لهم ما كلو..قالت لشامان ورى ماتاكل؟؟؟..قال ما اكل الا باكورتى اكله..قالت هى الباكوره تاكل؟!! قال اجل انا ما اكل.. قالت لمكيه ورى ماتاكلين؟؟؟..قال ما اكل الا عروستى اكله..قالت هى العروسة تاكل؟!! قالت اجل انا ما اكل.. قالت لعمانان ورى ماتاكل؟؟؟..قال ما اكل الا باكورتى اكله..قالت هى الباكوره تاكل؟!! قال اجل انا ما اكل.. طقطقطقطقطقطقطق راحو يركضون وتركوها . يوم شافوا الامير بيدخل القصر وقف شامان بالدرجه وعقبه بالدرجه اللى تحتها مكيه وعقبها عمانان.. قال شامان: يااعمانان .. قال: سم ياشامان.. قال احفظ مكيه عن الصبيان . وطقطقطقطق< == راحو يركضون لخالتهم بالمقصوره..يوم سمعهم الامير ويركض وراهم.. ويدخل عليها قال منهم ذولى؟؟ قالت هذى السالفه وهذى السالفه.. وان زوجتك كل ماجابت اختى بزر عطتنى اياه اجدعه بالبير ........ راح الامير وطلق مرته الاولى وهون عن العرس وجاب عياله لبيته واكرم خالتهم.. عاد الاخت الصغيره يدورون لها رجل الحين .. ما خبرتو لنا شويبن ذهين ؟؟

أم الغــــــــــزلان .. هذا واحدن والواحد الله.. وكل ابليسن يخزيه الله.. هالواحد...