هلا والله ديما بالنسبه للأتصال لمحت كم مره احيان يتصلون واحيان لا وهم يجون لأمي يحسون انه مو لازم يتصلون

باااقي البناات ابي افكااار وجدول عشان اقدر اسيطر على الشغل وتفصيل بيتنا كتبته فوووق بردي السابق الله يحقق لكم ماتتمنون
ياااارب

ميكااتو حبيبتي والله اسفة بأرد عليك بس نسيت ..المهم انا حاسة بمعاناتك لاننا بيت اهلي زي بيتكم كده بيت العيلة ..وكنا لما يجو اخواتي والا زوجات اخواني اتعب تعب رهيييب ..بس توكلي على الله ..اول شي لازم تحطي نظام انه اللي تجي تساعدك في خدمة نفسها وعيالها مو كنها ضيفة ..يعني لو في طبخ تساعد او غسل مواعين ..واذا عليك مونة على وخياتك يمسحوا الغرفة اللي كانوا فيها قبل ما يطلعون ويرتبوها حسسيهم بمعاناتك علشان يساعدوك وبكده ما تتضايقي من جياتهم ...بس والله صدقيني جمعة العيلة مافي احلى منها ..الله يطول في عمر امك اللي جامعتهم ...
نجي لنظامك في البيت ..امي تقول كلمة على طول ببالي ...بايرة دوم ولا سنعة تروك ..يعني انك ماتكوني سنعة ابدا احسن من السناعة اللي بمزاج ..بالعكس لو تنظمي وقتك وشغلك ما رح تتعبي..مثلا لو من النوع اللي يصحى بدري وانا مع الصحوة بدري ..اول شي تبدي بغرفتك ..ترتبيها وتعطريها وتطلعي للحمام وانتي بكرامة ..تشيكي عليه لين يصير فل ..بعدين تطلعين برة للحوش وملحقاته قبل ما تقوى الشمس ..تشطفيه او تنكسيه حسب الحاجة ..وتمري على المجلس تنظيف وتعطير ..وغرفة اخوك لو انه مو نايم فيها ...
بعدين تدخلي على امك الله يطولك في عمرها تصحيها وتفطريها وتنظفي مكانها حيل لين ترتاح نفسيا وتدعيلك ... خلص يبقى غرفة الحريم وقلتي ماتحتاج تنظيف كل يوم بس ماعليه هويها شزي ولمعي تحفها وبخريها واقفليها ..كله علشان نفسيتك لازم تحسي بنعمة النظاااافة ..يبقى عندك الممر اكنسي الموكيت وابرشيه بالفرشة ومنظف الموكيت لين يصير يلمع وحطي بخور واخلي للمطبخ ..المفروض انك مانمتي بالليل الا وهو نظيف اهم شي علشان النفسية المرتاحة ماتنامي الله وامطبخ نظيف مية المية والملابس منشورة او الغسالة قاعدة تغسلهم ولما تصحي الفجر تنشريهم ...مهو انتي قلتي نفسيتي تعبانة والشيطان يوسوس ..ماتعطيه فرصة على طول اذكري الله وسبحي كما وصى الرسول ..ابنته فاطمة سبحان الله 33 والحمد لله33 والله اكبر 34 هذي احسن معين وصدقيني اهم شي البركة وانك تنظري للنص المليان من الكاس ..يعني لو الظروف ما تهيأت علشان تشتغلي معليش ابدعي في البيت المهم ماتخلي نفسك فاضية لوسوسة الشيطان ..يوم سوي كيكة يوم روحي لصديقاتك يوم اعزميهم ..واذا طفشتي روحي لوخياتك وسعي خاطرك عندهم ..وانا نصيحة لوجه الله رح تخلي يومك مليان ..احفظي كتاب الله ..دخلي الا الان لقسم الفتاة المسلمة على حلقات تحفيظ القران وشوفي الناس اللي ربي مبارك بها وثقفي نفسك دينيا واستغلي فراغك بما يرضي الله ورسوله وخلي رسالتك حاليا انك تهتمي بامك الكبيرة وتكسبي رضاها ..****لله ربي يبعثلك نصيب يسعدك ويريحك ..وتشوفين الحوسة اللي على اصولها مع العيال ..ساعتها بتصحي غصب قهر حتى لو فيكي النوم علشان تخدمي زوجك واولادك ومايصير الامر بالمزاج زي وانتي بنت حرة طليقة استغلس هالمرحلة الحلوة في اهتمامك بنفسك وبثقافتك وتعلمي مهارات جديدة ..وبصراحة الاخوات الغاليات في المنتديات مو مقصرين ..****لله اكون افدتك ...ادعيلي الله يهدي زوجي وعيالي ..ويخليهم لي ..

تسلمين وفاء حبيبتي قريت ردك ثلاث مراااااااات من جد حسيته طالع من قلبك ووصل

فعلا انا سنعه تروووك اشتغل بمزاااااااج بس اذا اشتغلت اشتغلت واذا كسلت الله لايوريك

وكمااان مسأله النوم بصراااحه هي اللي ملخبطه الوضع ..

طيب ايش الحل بالنسبه اني ارهق نفسي كثيييير بالشغل اذا قمت يعني اذا اشتغلت مابغا اجلس لين اليوم الثاني تشوفيني كااارهه الشغل
ويشرفني تكونين اخت لي يااعسل

الله يخليك حبيبتي والله فعلا من كل قلب اتمنى الخير لك ولكل الناس ...بالنسبة للنوم بما انك حرة نفسك امتى ما ودك تنامي وتصحي تقدري تنظمي وقتك مافي داعي للسهر لانه يهد الحيل ..مافي احلى من النوم بدري يعني على 11 كويس لا بدري ولا سهر ..وبالنسبة انك ترهقي نفسك بالشغل ليش مادام اشتغلتي الحاجة وحسيتي انها نظيفة ليش تعاودي وتكرري ..
زمان قبل ما اتزوج كنت لما اعمل زيك ..اسوي طريقة تخليني ما ازهق ولا امل من الشغل ..
كنت اكافأ نفسي لما اخلص بدري ..
يعني تسوي اي شي تحبيه وتنبسطي لما تسويه او ححدي وقتك على موعد مسلسل حلو وهادف مو هالمسلسلات الخليعة اللي تمحق البركة منك ومن بيتك الله لا يوريك ..او اتصلي على رفيجتك او وحدة من خواتك اللي ترتاحي وتنبسطي بالحكي معها او اقعدي على النت واتصفحي المواشع اللي في تخصصك اللي قلتي انه حلو ووسعي مادركك فيه المهم خلي في بالك شي تاني تفكري فيه غير التنظيف خلي التنظيف وسيلة انك تكوني راضية عن نفسك لما تجلسي وتسوي الاشياء اللي تلقي نفسك فيها ..جربي شعور الاسترخاء وكل شي نظيف ومعطر وانتي تدلعين نفسك ..ونصيحة لا تهملي نفسك ...لا تهملي نفسك ..وروحك ..ودينك ..رح تعيشي سعيدة ..وزي ما قلت التنظيف والشغل المتعب وسيلة للراحة النفسية وليس غاية يفوت يومك وانتي شعرك مشعشط ووجهك مرهف وتعبان ولا خلصتي تنظيف..
اتمنى انك فهمتي علي واسفة للاطالة ..بس احب اتكلم بالتفصيل يللا استنى ردك قبل ما ادخل انام

تسلمين لي حبيبتي فعلا انا معااك السهر يهد حيل الوحده بس انا تعودت بس ان شاء الله بحاول اعدل نوومي عشان اخلص اشغاالي بدري

وفعلا حلو طريقه المكافأه تحمس للشغل ورااح اخذ بنصايحك اللي عن جد افادتني اني اخلي التنظيف وسيله عشاان ارتااح مو غااايه واتعب نفسي

الله يهدي زوجك وعيالك ويصلحهم ويسعدك ويحقق كل اللي ببالك يااااااارب