لاحظت كم وحدة فينا ملكتها برمضان حتي انا ملكت في رمضان علشان كذا صرنا سنعات ومبروكين ههههههههههههههههههههه

السلام عليم انا رجعت امس الاثنين من الروضه اداوم مع وليدى وجبنا غداء من المطعم الله يديم النعمه ما احب المطاعم بس انجبرنا انا رحت الروضه مواصله مانمت وساكنه فوقى هنديه سكان جدد وقلت بنظم نومى وجبتها علشان تحطلى حناء ويضيع الوقت وحنت يد ويد لا هههههههههههههههههه ومالكم بالطويله وراحت تسوى فطورها لانها صايمه وانا نامو عيالى الساعه ثنتين وقلت فرصه يريحون شوى واقومهم وكلهم نايمين على الكنب فى الصاله وشفتهم واشتهيت النوم وقمنمت معهم الى الساعه ست والله لخبطه مو راضيه واقعد اعشيهم واكلهم كريم كراميل وماجت الساعه الحاديه ليلا وادخلهم وانسدح معهم بنام علشان النوم ينتظم ونمنا ماجاء الفجر الا انا والصغار نغرد مع الطيور وقمت ورتبت وغسلت المواعين ودخلت بطاطين الصغار الغساله وصلحت حليب وسندوشات حتى ياكلها ولدى فى الروضه بس يابنات روعه الشغل مع الفجر نشاط فى نشاط ترانى اكتب وانا انتظر باص ولدى ماعليه

الشواقه / هلا فيك ياغالية .. جدولي نزلته هنا بس ما أدري في أي صفحة .. أبحث عنه وأقولك
وفاء .. آآآآآآآآمين الله يسمع منك زوجي يقول لي احملي وجيبي لي ولد بس وبعدين على كيفك .. متى ما تبغي تحملي احملي ماني مستعجل .. بس أنا أدرس وقلت له بعد سنة إن شاء الله ..

يومياتي : أمس الإثنين . صحيت كالعادة على خمسة ونص صباحا كويت ملابس زوجي وبنتي ، فطروا ولبسوا وخرجوا .. جلست شوي مع ولد أختي الصغير تجيبه عندي مع الشغالة لأنها معلمة .. شوي إلا وحدة من صديقاتي تتصل علي لأن الجامعة محتاجين ورقة من عندي خرجت وديتها ورجعت كنست غرفة بناتي وهويتها ، سويت فطاير باللحم المفروم وسويت ذرة لأن بنتي تحبها وبطاطس مقلي وعصير ليمون بالنعناع صليت الظهر تمددت شوي ولما جا زوجي تغدينا ونام وأنا جلست مع بناتي وغسلت الصحون وسويت القهوة صحيته قبل المغرب وتقهوينا لبست بماتي خرجت عند أمي شوي ، وبعد العشا رحت أنا وأختي السوق رجعنا وجبنا معانا عشا من البيتزا الإيطالية شي خيالي طعمها ، تعشيت عند ماما والساعة 10 ونص وأنا في بيتي ونومت بناتي سويت شاي أخضر لي أنا وزوجي سولفنا شوي ونمنا على 12 ونص

الثلاثاء : صحيت كالعادة 5ونص ، كويت ملابس زوجي وراح للمطار عنده انتداب للرياض . يرجع بالسلامة إن شاء الله على أذان المغرب ،
اليوم ماسويت شي البيت الحمدلله نظيف بأنام شوي وبعدين أصحى أسوي شي لبنتي اللي في الروضة لأني ماني مسويه غدا زوجي مسافر قلت إجازة من الطبخ .. عندي كوي أكويه إذا صحيت الظهر إن شاء الله ..

سميحة ايش هالنشاط ماشاء الله الله يحفظلك زوجك يساعدك والله انا زوجي مافي اكسل منه في هالامور امه كانت مدلعته بس حرام هو يساعدني بالاولاد يوكل وينيم ويلبس ..مااقول غير الله يحفظه ويسلمه .. ..
سبحان الله البارحة انا وزوجي حضرنا نفس البرنامج اللي شفتيه وعجبنا الموضوع وما نمنا الا لما خلص ..عولمة العالم كانه قرية ...
فنة ..كلامك صحيح ..الشهادة قعدت عالرف انا فترة خطوبتي طولت لانه كان ضروري يسافروانا اسافر معه بس امي رفضت رفض قاطع لازم اكمل دراستي وبعدين اسافر وبالفعل درست 3 سنوات وتزوجنا بالرابعة ..والله كانت فترة عذاب بس لها طعمها مقالب ومواقف ...وفي النهاية زي ماقلتي الشهادة مركونة وحضرنا الماجستير في الطبخ والنفخ ..
الغالية ساكون ذكرتيني بنفسي في فترة الحمل لاني قادرة ابطل شغل ولافيني جهد اشتغل اعمل حاجة واجلس وهكذا واعملها ببطء شديد وابقى مو راضية عنها يللا فترة وتمر ..الله يعينك ويقومك بالسلامة يارب ..
دلوعة قصة زواجك حلوةوالله النصيب لما يجي كايرده اي شي وسبحان الله لما تتأملي احداث حياتك تحسي كأنن دمى تحركنا يد خفية بالخيوط ..وهذي اليد هي قضاء الله وقدره وجعلنا لكل شيء سببا ..****لله ربي ما يكتبلنا الا الخير يارب ...
مولدي ما احلى النشاط والصحوة بدري تخلصي شغلك وبعدها تسوي اللي نفسي فيه بصراحة انا فترة الصباح هي الفترة اللي احب اعيشها لان الاولاد نايمين
يومياتي اليوم ..صحيت على 6 والبارحة سهرنا انا وزوجي لعند 2 فتحنا موضوع للنقاش وما تم الا 2 بس لا تخافوا الموضع حلو يعني مو نقاش زعل لا..ولما قررنا ننام الست نورة بدت تشتغل علينا وعلى 3 قرر زوجي ينام جنبها وخلاص قال لي انتي عند حفظ قرآن الفجر روحي نامي ..الله يحفظ الحنون بس مسكين لما صحيته للشغل كان مو قادر يفتح عيونه ..من النعاس فطرته واتسهل على الشغل وانا عندي شوي مواعين سلستين البارحة نقعتهم في كلوركس ليفتهم اليوم وصار يبرقوا برق ..ما صار عندي شي الشقة ماشاء الله نظيفة ..رديت على سريري وفتحت النت والا استمع لمحاضرة للدكتور الغوثاني بس عن جد روعة يابنات ياريت لو عندكم وقت تسمعوها
اليوم احتمال نروح نتغذي عند اهل زوجي ..والليل عندي طلعة .. يعني ما رح ارد للبيت الا على 10 ونص ***** الله ..