حبيبتي ميرو

هدي نفسك واستعيذي بالله من الشيطان الرجيم وارجعي بيتك علي طول ده اكبر غلط انتي عملتيه وبعدين ما تتناقشيش معاه في اي حاجة وانتي مضايقة استني لما تروقي كده وهو كمان يهدي وبعدين ابداي بالكلام معاه وخلي اسلوبك حلو معلش الشيطان بيدخل لبعض الناس من هذا الموضوع ويعني كل انسان بيغلط واحنا مش هنعلقه علي حبل المشنقة وبعدين انتي لما سيبتي البيت ده هيحل الموضوع ابدا ده هيزيده اكتر انتي حاولي بالراحة معاه كده وواحدة واحدة ربنا يهدي ويصلح الحال انا عارفة انك انجرحتي جدا من اللي شوفتيه بس الله يسامحهم بقي الافضائيات والانترنت اللي بيخرب البيوت وهما اللي فتحوا عيون الرجالة علي حاجة زي دي انا عارفة ان ده غلط كبير اوي بس معلش احنا مش هنمسك عصاية ونوقف نعاقب بيها اللي بيغلط والله حاسة بيكي جدا بس معلش تعالي علي نفسك شوية عشان بيتك وجوزك وحبيبك وكله يهون معلش مرة دوسي علي كرامتك عشان خاطر الحياة تستمر يمكن راي ده ما يعجبكش ناس تانيين بس معلش الواحدة لازم تحافظ علي بيتها مهما حصل طالما بتحب زوجها ولو تحبي نتكلم علي الماسينجر انا تحت امرك يا جميل قوليلي وانا في انتظار ايميلك

لؤلؤ مكنون ..لا لا لا لا لا متزعلييش بس تلاقيكي دخلتي في يوم دوشة عموما" يا ستي شرفتييييييينا جدا" وكفاية اسمك ينورنا هنا
بالنسبة الreedy's ياريت لو تعرفي منتجاتهم تفدينا لان معلوماتي كلها عنهم اعلان علي الطريق الصحراوي وانا راجعة من الشغل بشوفه
Miro بجد انتي بتتكلمي بجد هو الموضوع كدا
انا معاكي اني مش هين اللي عمله بس انتي ان شاء الله عملتي ايه .
من أول مرة تسيبي الدنيا وما فيها
انا توقعت ان سيبانك البيت لانك غلبتي ومبقاش في خاجة تعمليها من الاخر يأستي منه في موضوع.
هي دي طريقتك في حل المشاكل, ؟؟؟؟

السلام عليكم ..
لؤلؤ مكنون : ما تزعليش حبيبتى انتى عارفه العدد ما شاء الله كبير ..على العموم نورتينا :26:
fruitymango : منورانا و متفضليش صامته عايزين كلام كتيرررررر كتيرررررررر :a_smil17: وعلى فكره انا مدمنه لابوتيه و هوفيه حاجه خربت بيتى الا لابوتيه ادخل اجيب شويه حاجات عبيطه ادفع 70 جنيه تصورى؟ بس هو حاجته غاليه شويه بس جميلة .

Miro : بجد حقيقى انا مش عارفه اقولك ايه الموقف صعب اوى وده بأه مساوئ النت اصبرى وان شاء الله ربنا يهديهولك و يفرجها من عنده .

وهدهوده و مروه اخيرا ظهرتوا .. حمد لله على السلامه :) وعقبال سكره هانم . طمنينا عليكى يا هدهوده ان شاء الله تكونى بخير دلوقتى .

سلامى لكلللللللللللللل البنات :icon35:

لؤ لؤ مكنون

اهلا بيكي معانا ومعلش يا ستي انتي شايفة الزحمة اللي هنا ولا يهمك يا جميل العتب علي النظر انتي منورة الموضوع ويلا في انتظار مشاراكاتك الجميلة

المشاكل ديه لو تسمحيلي يا ميرو مبتتحلش بالعياط وإنك تروحي بيت أهلك أهلك مش هيقدروا ولا حتى انتي تمنعيه من انه يعمل حاجه زي كده غير بطريه واحه بس
عارفه هيه ايه
أنا أقولك
بس أولا لو هوه في الشغل الحقي ارجعي بيتك واعملي غدا وروقي جو البيت على الاخر وخليكي زي العروس في ليله فرحها
وعامليه ولا كأن في اي حاجه ولا كأن حصل اي حاجه وعادي جدا وبعد ما يتغدا ويخلص
حاولي حتى تغير من عاداتك يعني تروحي معا هالحمام وتنشفيله ايده وكده يعني
المهم أهم حاجه حاولي تكوني بارده ولا كأن في اي حاجه
بس عارفه أهم حاجه تعمليها
حاولي إن الصفحه الرئيسيه للجهاز يكون فيها تذكرير بذكر الله
أو حتى تحذير من المعصيه منالخلفيات المتواجده حاليا
بحيث انه حتى لو فتح الكمبيوتر يشوفها ويفتكر ان فيه رب شايفه
وبعدين انتي ممكن تعرفي عناوين البنات الي داخلين وبيبعتوله
وتعملي نفسك راجل وتتعرفي عليهم شويه شويه وبإسم مختلف لحد ما تكشفيهم على حقيقتهم وتكشفيهم أمامه
وممكن تاخدي الموضوع بلطافه وتقوليله تحب تدخل على الفيلات بتاعتي وتلاقيني بأستقبل رسائل مثل هذه من أغراب؟؟
بس لازم متسبيش البيت لأنه لو كان حاسس بمراقبه منك
هيحس ان المراقبه ده انتهت ومشت لما انتي تروحي بيت أهلك متسبلوش الفرصه انه يعمل الي عايزه
حاولي تتدخلي في كل صغيره وكبيرة بس بهداوه وكلمه حلوة
وتتصرفي ولا كأن في اي حاجه
ودايما تسيبي رسائل على الكمبوتر أو خلفيات للتذكير بذكر الله والحرام والحلال ولو عايزه بعض الروابط انا جاهزه
بس متكونيش انتي أحد الاسباب في ضياعه بتركك البيت