صباح الخير يا بنات :27:

يعني يا miro لسه الموضوع زي ما هو؟ ماحاولش يصالحك طيب؟

سكرة هانم فيه فلل علي المريوطية بتتأجر لمدة يوم او يومين ويتعمل الفرح في الجنينة بتاعتها وفيه فنادق بتعمل في الجنينة زي موفيمبيك المطار.

rhoma & lovely angel شكرا علي الترحيب :34:

السلام عليكم و رحمة الله و بركاته

ازيكم جميعا يا بنات و يا مدامات؟؟ اتأخرت عليكم عارفة بس معلش الظروف مش بتسمح على طول و انتم ما شاء الله في تقدم في الصفحات باستمرار و الواحد بيعاني لحد ما يرد على معظم الناس >>>> حكيت قصة حياة يوسف وهبي!!!

المهم

ميرو حبيبتي، مش قادرة اقول غير الله يعينك و يقويكي و ما زلت عند رأيي اللي انتي عارفاه بس طالما حماتك معاكي و فاهمة الموضوع يبقى لازم تحاصروه لحد ما يبطل اللي بيعمله لو هو بيعمله عن قصد، لان حيكون لها و ليكي ثواب كبير انكم رجعتوه عن الخطأ. ربنا يهديه و يصلح لكم الحال و ييسر لك امورك و عليكي بالدعاء و الاستغفار و ربنا معاكي. و متنسيش احنا اخواتك و معاكي في اي وقت تحتاجينا فيه

دون، ما شاء الله عليكي ربنا يخليلك ولادك و يفرحك بيهم، متابعة نصايحك ربنا يجعلها في ميزان حسناتك

ام احمد الغالية، ازيك عاملة ايه؟؟ و اخبار احمد ايه و الجو عندكم شكله ايه دلوقت؟؟ شكرا يا حبيبتي على سؤالك و انا مش بيبعدني عنكم الا الشديد القوي

رهومة، ازيك؟؟ و ازاي المحلة؟؟ و الله يا بنتي انا كنت باسأل عنك و اقول سلامي لرهومة بس يمكن عشان باكتبها بالعربي مكنتيش بتاخدي بالك.

تماتيا السكرة، شكرا يا جميلة على وصف عنوان الهايبر ماركت و على سؤالك عني و على الشموع. انا اصلي مجنونة بأي حاجة لها دعوة بالعطور او الروايح الحلوة، و منها دلوقت الفواحات و الشموع و الكلام ده. و مش حاتأخر عنكم تاني يا ستي

كهرمانة، اخبارك ايه و اخبار خطيبك ايه؟؟ ربنا يوفقكم يا رب و يجمعكم على خير

وسووسة وحشتيني و بعتلك مسج امبارح موصلتش و حاولت اكلمك الرقم مش موجود، انتي متأكدة ان الرقم صح؟؟ المهم، وحشتيني جدا و عاوزة اطمن عليكي. و كمان عاوزة اسألك انتي بتقولي انك في سنة رابعة في مدرسة تحفيظ القرآن، مش فاهمة ممكن تحكيلي عن المدرسة دي و هي تابعة لايه لمسجد و الا وزارة الاوقاف و نظام الدراسة فيها ايه، معلش حاتعبك معايا بس حتاخدي ثواب كبير لاني باحاول احفظ لوحدي و ده مش كفاية ابدا و محتاجة مساعدة. جزاكي الله خيرا

اختي صفاء النفوس، اهلا و سهلا بيكي معانا، لاحظت كلامك عن مريومة ربنا يخليهالك و عن ازاي تنيميها، اضافة صغيورة لكلام اخواتي عن انك متخليهاش تنام كتير بالنهار، ممكن تشربيها ينسون باللبن لانه مهدئ طبيعي و حيساعدها على النوم و فعلا حاولي تهديها باللعب في فترة المساء عشان تنام على طول. و بالنسبة للغسول الكلينزر، عندك فعلا في اوريفليم بس هو غالي شوية، و عندك الغسول الرغوي بتاع كلين اند كلير من جونسون، و عندك من نيفيا غير الميلك فيه غسول رغوي، انا كمان الميلك مش باحبه. و ممكن بدل الغسول تستخدمي صابونة اصالة بزيت حبة البركة لانها حلوة و طبيعية و في صابونة نيتروجينا هي طبية على ما اعرف و كويسة انا استخدمتها و لقيتها حلوة مش بتنشف الوش

بلوند دوف حبيت اقولك، كلامك عجبني جدا. ربنا يكرمك و يوفقك و يسعدك دنيا و آخرة

سكرة هانم حبيبتي، ازيك؟؟ حبيت اسلم يا قمر. بس للاسف انا مش عارفة حاجة خالص عن الحاجات اللي سألتي عنها

لاروزا و ام حبيبة و ام يوسف و سندريلا 1 و 2 و دكتورة الجامعة و ام باسل و اينا و رواء الاسلام و ام ام ام و سموحة و هبة و مروة و ميشو و مشمش ام مصطفى و حبيبة زوجها وكل البنات ازيكم، وحشتوني جدا

fruitymango

اهلا و سهلا بيكي معانا بس انا عاوزة اناديكي بحاجة اسهل شوية، ايه رأيك في فروتي بس؟؟


و تماتيا، انا مجربتش المنتج اللي بتقولي عليه من جونسون و ان شاء الله البنات يفيدوكي اذا جربوه



و بنات بليز اللي بيقول "انشاء" الله للاختصار بلاش نقولها و نقول ان شاء الله مش حنخسر حاجة لو عملنا المسافة بين الكلمتين لكن حنخسر كتير لو قلناها كلمة واحدة وغيرنا المعنى تماما!!! صح و الا انا غلطانة؟؟؟

Noody30

انا موافقة :42:

صباح الخير عليكم جميعا

حبيبتى tamatiaa
اخيرا اتكلمتوا عن Reedy's انا سالتكم عنهم فى الجزء الاول وماحدش رد عليه فقلت ما حدش يعرفهم.
المهم بالصدفة الشديدة اختى الصغيرة واحدة صاحبتها طلعت مندوبة عند Reedy's وجابت لى حاجات من عندهم.
وعلى فكرة حاجتهم حلوة يعنى احسن من ماى واى بس مش ذى اوريفليم.
انا جربت من عندهم زيت الشعر بالروزمارى جميل جدااااا والbody scrub يعنى عادى
وكمان الشور جل جميل جدا بالتوت البرى.
وهما بيطوروا فى منتجاتهم وبيخلوها احسن.
بس هما دلوقتى عندهم امتحانات فمش هاقدر اشترى حاجة دلوقتى.

انا عندى العناوين على الشنطة والتليفونات فى شارع النزهة وشارع نوال اظن فى المهندسين.
حاولت بس اشارك بمعلوماتى :27: