سكرة هانم ابعتيلى ميلك لان اللى عندى الهوت ميل مش متعرف عليه بيقول انه مش موجود
شيرى يا حبيبتى انا حضرت فرح فى المريوطية فى فيلا جنب فيلة حسن حسنى وبصراحه معجبتنيش قوى اولا لانها بعيده يعنى لازم اللى يروح يكون معاه عربية وده كان سبب ان فى معازيم مجوش اصلا وفى ناس روحت بدرى قوى عشان تلحق تلاقى حاجه تركبها
الفيلا من جوا معجبتنيش لان حسيتها اى عفش مش محطوط فيها يعنى مثلا بنفس الهول كان فى حاجه زى مدخنه ارابيسك وفسيفساء وجنبها طقم انترية مودرن ونافورة فى النص وجنبها تمثال لحصان يعنى تحسى ان الحاجه مش متوافقة مع بعض
اكيد ده زوق صاحب الفيلا ومش كل الفيلات كده وغير كده طبعا جابو طباخين عشان البوفيه وهم اللى جابو كل الخامات يعنى وجع دماغ بعكس لو اتفقتى مع قاعه او دار او فندق او حتى باخرة انتى بتدفعى وتريحى دماغك من الصداع ده
بس الحلو ان الجنينة اللى اتنصب فيها الكوشة والترابيزات والدى جى كان فيها حمام سباحه وفيه بجع
بس الزفة معجبتنيش لانها من مدخل الفيلا للجنينة فكانت قسيرة قوى وضيقة للناس تقف
mmm الكريم ده بيعمل ايه بالزبط وهل ينفع للمناطق الغامقة بالجسم زى الباط والكوع مثلا؟

ena

يربنا يفرجلك كربك ويصلح لك الحال يا رب



تماتيا
انتى فيين يا قمر بقالك فترة مختفية ،، لعل المانع خيرا..


شيرى 44

ممكن تقوليلى فيين العطار اللى لقيى عندة الوان الشمع ،،
ولو جبتى الالوان من ((صبحى عاوز) قوليلى علشان انا دايخة عليهم..معلش ها اتعبك معايا

بقولكوا اية يا جماعة

انا عرفت واحدة صابت اختى بتجيب باديهات كارينا وروتانا والبراهات والشورتات بتاعتهم باسعار تحفة

يعنى البادى اللى كنت بجيبة من برة ب 30 بخدو منها ب25
والسبورت برا اللى ب17 باخدها منها ب 12 وكدة يعنى بتجيبلى كل منتجات كارينا وروتانا بسعر حلو جدا..
لو حد عايز انا ممكن اجيبلة..
كمان كنت شارية من عندها مايوة بيكينى((للبيت طبعا)) روعة ...
اللى عايز اى حاجة يقولى،، انا قلت ما ابخلش عليكوا بالمعلومات دى..

دون انا ممكن اخذهم منك اصلحهم لك فى بنها الراجل الوحيد الى انا بثق فيه

ام باسل ربنا يشفى لك ابنك حاولى تشربيه عرقسوس سخن -رائع لحالات الحساسيه وخصوصا للاطفال- ربنا معاكى
سكره هانم اه ممكن ارسم رسم توضيحى بالرصاص كده للى فى مخى لكن ما اقدرش ارسم زى المصممات كده ما بيرسموا انا بعتمد اساسا لتوصيل الفكره على الشرح . يعنى انا عملت بعض الموديلات لبنت خالتى وبنت عمها كنت بشرح لهم من غير رسم لان التفصيلات بسيطه الاعتماد الاساسى على العب بالقماش وباللالوان لو تحبى اساعدك انا تحت امرك.
مش عارفه مين قالت انها اعجبت اوى بفستان ولقت الى لابساه بتقول هى الى عملاه انا عايزه اقول لكم ان فساتين الافراح والسواريهات اسهل بكثير جدا من هدوم الخروج باترون اساسى للشخص يكفى الغرض بس لازم يكون عندك خبره معقوله فى الخياطه وبعدين الباقى لعبه قماش ليس الا واقل قدر ممكن من الظبط
مش عارفه البنات فى مقتبل عمرهم وقاعدين فى البيت او فى اجازه صيفيه ليه ما يحاولوش يتعلموا الحاجات دى انا لبس الجامعه كله كنت بعمله لنفسى خصوصا الحاجات السهله منها ويكلفنى مبلغ فى منتهى الهيافه وكنت اقف وسط اصحابى كده واقولهم انا عملت البنطلون ده امبارح ومكلفنى 20 جنيه طبعا العيال تبقى هيغمى عليها والى تقولى ما تقولى جبتيه ب 200 جنيه ايه العبط ده. لكن انا كنت بحب احس انى بعمل حاجه مفيده.
على فكره انا بحس ان بنات الجامعه اليومين دول ما بيعملوش حاجه غير يبعتوا لبعض ماسجات.
رغيت كثير اوى سامحونى

صباح الخير يا بنات
انا مش عارفة اشكركم اد ايه على اهتمامكم بيا ربنا يجعله في ميزان حسناتكم
المهم الموضوع بتاعي اخد منحنى تاني خالص
جوزي تعب اوي وانا مكنتش اعرف ولسه عارفة امبارح انه عيان وطبعا جريت امبارح ورحت له عند اهله لقيت انه فعلا عيان اوي ولازم تحاليل وحاجات كده
انا قلقانه عليه اوي
ادعولوه عشان خطري ربنا يشفيه
وبعد كده يكون حل المشاكل من عند الله.
دعواتكم لجوزي ارجوكم ربنا يشفيه ويكون الامر بسيط :( :( :(