السلام عيكم

ميرو
ألف سلامة على جوزك وربنا يشفيه ويريح بالك ويتلم شملكوا على بعض تانى


ام باسل
الحمد لله ان ربنا طمنك على أولادك وربنا يخليهم ويحميهم من كل شر يارب


عنوان بتاع الستاير للى عايزه
اسمه ( بيروت للستائر والديكور )

المعرض : 120ش الطوابق - فيصل 3859830
المشغل : 4 ش الزهور- المطبعة - فيصل 7412822
بيفصل المتر بـ 5 جنيه
بس المشكلة عنده انه بيطلب قماش كتير قوى يعنى مثلا عندى فى شقتى 3 شبابيك و3 شيش على البلكونة وعايز 80 متر قماش تخيلوا المصنعية بتاعته على القماش على المواسير اللى طالبها اش تايوانى واشى امريكى
ده طالب فى شباك صغير على المنور لوحده 7 متر واللى انا عايزاه بس ماسورة وستارة يعنى مش تأليف
شكلى كده عقدتكم منه ................sorry هو بالأمانة عنده فى المحل حاجات روعة وسعره هايل
بس انا قررت اتحايل على موضوع القماش ده واقيس بنفسى واوزنها يعنى الشباك مثلا متر اجيبله قماش 2 متر ده بالنسبة للخفيف
اما بالنسبة للشغل اللى فوق الستارة ( بنسي اسمها ......... اه براقع ) فقررت اعمل بس فى الريسبشن واخلى شكل ستارة النوم عادى بس اجيب قماش حلو والأودة التانية كذلك واجيب زى ماهو عايز للصالة
وأتوكل على الله

هدهودة
انتى كنتى عايزة بتاعة الحنة بص انا هاسأل مرات أخويا علشان هى اللى حجزتلى وأقولك بكرة ان شاء الله
بصى انا بنسى .. هبص على الخاص وأشوفك سألتى على ايه تانى

السلام عليكم ورحمة الله

يا جماعة اللى استقبل البروشور بتاع المركبات لو ينفع يعمله لينك علشان البنات يستفيدوا
انا مش عارفة اعمل لينك :( :icon33:

لا روزا
حبيبتي انا فعلت الايمل من تاني كان في مشكلة بس صلحتها


هبة عبد العظيم..

طيب انا عايزة افكار لملابس حجاب ...
يعني بلوزات طويلة طبعااا
ممكن تفيديني ؟؟؟

شيري
لا عايزين شرح لموضوع الصبغات بتاعة الشمع
والروائح والقوالب
واي الاشكال اللي تعلمتوهاااااا
ياللا يا جميل مستنيين افادتك انتي وموثي ....

هدهودة
حاولي تستعملي وصفات طبيعية باستمرار
اما كريما بصراحة انا بخاف منهم لانه اكيد فيها ضررر

في دكتور في قناة انفينتي عامل وصفات ممتازة بس المشكلة ان بتعتي راسلة
وتوصلك الوصفة بس مافيش رقم لمصر ...

ميرووو الله يعافي وشفي زوجك ..طهور ان شاء الله

ام باسل ..الف سلامة على اولادك ربنا يشفيهم ويعافيهم

شكلمة...الحديقة كنا بنروحا وكان الجو جميل ....
وطبعاا استحالة تنعمل تكييفات للحدائق ...
لو روحتها في وقت بالليل بتبقى رائعة....
الحديقة اللي قلتي عليها لا للاسف لسة ماشفتهاش
هي فين البضبط

يااخواتي
عايزين نتكلم بالتفصيل عن محلات لبس الحجاب
اليوم كانوا جايبين تقرير في برنامج ستايل مع جويل عن الحجابات
بس المشكلة ان مش قايلين اسم المحل
ياريت نتكلم في موضوع المحلات بالتفصيل
اللي بتختص بلبس الحجاب والايشارب...

كمان المعارض و الاوبين داي اللي بيتعملوا اللي يعرفوها
ياريت ننوه قبلها بفترة
وكنت سمعت عن الايام المفتوحة ل للسفارات واعتقد انه ممكن ينوجد فيها
المفيد

السلام عليكم يا بنات ام الدنيا .....

حبيت بس ادخل واسلم ...... تدرون ليش ..... لاني تذكرت حمام فرحات ... الله عليه ... ابي اروح مصر مره ثانيه او بالاصح مره رابعه علشان اكل منه

وسلامي لمصر واهل مصر الحلوين

تنيل ايوا كده ادى المشاركات
شايفين يا بنات مصر
صحصحو