ازيكم وحشييني موت والله

عارفين الساعة كام 6 ونص الصبح
والله داخلة لكم مخصوص


مع اني زعلانة منكم بكتب لكم كل فين وفين بسبب انشغالي في الشغل ومافيش حد بييرد عليا
؟؟


وخاصة نوودي

زعلانة منك موت عشان طلبت منك اكتر من مرة نتقابل لان شغلي جنب شغلك وانتي طنشتي
خلاص مش هطلبها منك تاني




كهرمانة


اقسم بالله العظيم


وانا بقرا الكلام اللي انت كتبتيه قلبي اتهز من الفرحة وحسيت ان جسمي اتشد واتاثر اوي بكلامك وعينيا كانت عايزا تدمع

ما شاء الله عشان كلامك طالع من قليك


الف الف الف مبروك

ويارب عقبال ما تسافري ليه يارب ويوفقكم اللهم امين عاجلا غير اجل


والهل ربنا يعلم بدعي لخطيبي وخطيبك دايما مع بعض
ادعي لي يا كهرمانة العلي العظيم اللي فرجها عليكم يفرجها علينا يارب


وعقبال الفرح يا قمر


واالله انتي تستاهلي ا كتر من كده كمان وربنا مش هيكسفك ان شاء الله


بصي يا ستي انا كنت مع صاحبتي في سنتر حبيبة ده امبارح

بصي هو في شارع الطيران عند رابعة العدوية تنزلي وتخلي وشك لشارع الطيران

هتلاقي في اخر شارع الطيران مسجد كبير اسمه نوري خطاب
وفي وشه مجلس حي مدينة نصر وجنب مجلس الحي بنزينة وجنب البنزينة محل اداوات صحة ادخلي الشارع اللي في علي ناصيته محل اداوات صحيية

اول فتحة ادخليها ادام ع اليمين هتلاقي فيلا صغيرة بسلم صغير هو ده


علي فكرة عنده حاجات حلوة اوي بس انت قيسي
احنا اول ما دخلنا قلنا مش هيعجبنا حاجة

بس لما قاست مافيش مقارنة خالص
فعلا فستان الفرح بتشوفيه وحش مش عادي ع الشماعة ولما بيتلبس حاجة تانية
وانتي اسالي المدام اللي هناك هي بتفهم وهتدور لك


يالا عقبال ما تجيبي فستان الفرح يارب

وعنده فستان يهبل ان شاء الله صاحبتي هتاخده
تشوفيه ع الشكاعة تقولي استحالة اخده ابدا لان تطريرز دهبي

يالهوي عليها ابن ناس بشكل واستايل بشكل وما حصلش


يهوووووووووووووووووووووووووووووووووووس


وربنا يوفقنا جميعا يارب


هدهودا انتي فين وحشاني مووووووت
ام ابيها كما والله


وكلكم وحشيتي خايفا انسا حد وانا اتاخرت ع الشغل كده

وصوصا
الخياطة جليلة رقمها 7370998

ولسا عاملة لي بلوزة والله اصحابي في الشغل هيتهوسوا عليها
وييقولوا لي دي اشيك من الجاهز اللي في المحلات بمراحل

والله العظيم تحفة ب 25 جنيه

البلوزة كلها كلفتني 60 جنيه والله احلي من بلوزة انا اشترتها بب 105 وورميتها في الدولاب مش عجباني


بس



كنت عايزا اسالكم بسرعة كده والله هتاخر ع الشغل معلش هكمل معاكم مرة تانية



العمارة اللي فيها محلات تاجير فساتين الافراح اللي في المقريزي في مصر الجديدة

دي اروح لها ازاي من التحرير واللا هي فين؟
يارب يخليكو فيدوني عشان صاحبتي والله

واكيد لما رجع هعمل لكم تقرير مفصل طبعا عن المكان كله

ههههههههههه


وكمان عايزا اسالكم

ما تعرفوش كوافير يكون كويس ومضمون بس يكون مجرب وحلو مميز اهم حاجة
لانها كانت هتعمل عند مسيو عبده بس طلع ب 1500 استحرمت اوي
بس خاريفا عشان ما تعرفش حد عدل

والله العظيم قلت لها اصحابي ع النت هما اللي هينفعونا عشان انتو اكتر من الاخوات والله

نفسي اديكو بوسة

والله العظيم


يارب يخليكو ردوا عليا وما تطنشونيش زي كل مرة عشان هي ياعيني مالهاش في الحاجات دي خالص ومعتمدة عليا اعتماد كلي

وحظهااني مشغولة في شغلي ومش بنزل معاها غير اخر اليوم كام ساعة بس


بس ان شاء الله كلي ثقة فيكم


لماارجعع من الشغل هحاول ادخل لكم تاني

omahmed
متعرفيش الدكتور ده مشترك في نقابة المهندسين ولا لأ؟؟
كمان ده من اللي بيولدو قيصري ولا زي مالحاله محتاجه احسن انا سامعه في مصر ان الدكاتره بقيت بتستسهل القيصري وانا نفسي ان شاء الله لو مافيش مايدعو عندي اني اولد طبيعي

waswosa

بصي الخياطه دي متخصصة فساتين افراح وسواريهات علشان كده غاليه لان دول زي مانتي عارفه بيحتاج مهاره شويه يعني لو جايبه قماش غالي وخايفه عليه روحلها اما لو عايزه تفصلي حاجه عادي ومش صعبه يعني فا منصحكيش بيها

mashmash

ماتخفيش وادعي ان ربنا يديلك الخير وعلى فكره دايما بيحصل مشاكل كتير في مواضيع الجواز دي واحيانا بتكون على وشك الفركشه بس لو ليهم نصيب في بعض بيرجعو عادي فاماتقلقيش اكيد كل المتجوزات اللي هنا مرت عليهم مشاكل كتير في مواضيع الجواز دي
ربنا معاكي

تماتيا انتى هنا
طب صياح الورد
فهمت ان التلخيص وصلك من ردك على مصراوية

Larosa
صباح الصباح بس تعالي هنا
دا انتي ليكي عندي علقة تملم انا طلبت منك التلخيص كام مرة هاه.

وسبحان الله لقيت واحدة بعتاهولي والله معرفش مش عارفة مين نورا دي حتي مقالتلييش في الايمل هي مين ..طيب يا larosa دا انا افتكرتها انتي

انا علي الماسنجر لو عايزة نتكلم

omahmed مرسي ربنا يخليكي ليا وسندريلا هالوو يا جميل

علي فكرة جبتلكوا نمرة واحدة بتعمل مفارش حلوة قوي اللي عايزها يقولي اصلي كنت هموت علي تفصيل المفارش اللي علي النت