tamatiaa طب اية رايكم نعمل لنا الموضوع دة فى قسم العروض التجارية؟؟؟؟
واهية فرصة حلوة عشان ام يوسف لما تسافر تفتكرنا بالخير .
شكلمة انا حاسة بيكى كنت سبقاكى فى شارع الخزان وكنت مطلعة كرسى على الباب عشان اصطاد اى حد نازل و لا طالع اكلمه لحد مادخلت اولادى المدرسة فبقيت اروح لهم كل يوم عشان اتكلم مع المدرسات و كادو ينتخبونى الام المثالية اللى متابعة اولادها وهما ما يعرفوش الحقيقة اللى بتودينى ...........
ياااااااااااااااااااااااااااااااااااااااااا هبة انتى عملتيها و هاجرتى ولا اية .؟

اهلا يا بنات
انا رقت اهوه خلاص و جيت لكم :)

مروة كنتي سالتيني عن الفرق في العمر بين اولادي
الفرق بينهم سنتين
بس مكنتش عايزة اعمل كده ..
لكن دلوقتي لما بقى عنده سنه و هي 3 حاسه انه بقوا بيسلوا بعض و لما هي بتخرج عند جدتها او كده بيبقى حاسس بفراغ :)
و معظم الناس فعلا بينصحوا انك تجيبيهم ورا بعض
حتى واحده صحبتي مرة حكتلي انها سمعت كده في ندوة

مشمش
انتي تشبهيني في حجات كتير ..
بس انا مش بضرب ولادي .. بزعق لهم بس :) .. خصوصا لما يكون في حد تاني عايزة ازعق له
.. بس اوقات مش كتير يعني ..

انتي لازم تحاولي تشتغلي او تنزلي المسجد .. انا عارفة انه صعب بالاولاد ..لكن انتي معاكي مامتك

تعرفي انا طول عمري ضد فكرة الشغل اقول لا انا هقعد متستته كده .. و اعيش حياتي
لكن اكتشفت ان رعاية البيت مش كافية علشان تحسسني باهميتي ..

انا حسيت اني بقيت اهدى كتيرفي حياتي الخاصة بعد ما دخلت ركن سيدات الاعمال و حسيت اني بعمل حاجه ..

و كمان موضوع عيد الميلاد ده ..
عرفة ليه اتقلب مشكلة علشان بتعملي حاجه انتي شايفة انها غلط نتيجة ضغوط ..
و انا زيك برضة في الحته دي .. مهما قلت الاقي الناس جاية بالتورتة و عازمين باقي العيلة ..
و لو قلت نخرج قبل ما ييجوا جوزي يقول ميصحش ..
مع ان المفروض الواحد يمشي حياته و يربي ولاده على اللي هو شايفة صح .. حتى علشان ميطلعوش مشتتين ..

و تلاقيكي برضه مدلعة و مش قادرة تعدي لحد انه يطنشك شوية .. او ازاي ميجوش يجروا لما قلتلهم تعالوا :) بس مهما كان دي مامتك و اكيد اتصالحتوا علطول :)

dood
انا ساكنة قديمة في الهرم .. ارسليلي على الخاص
ربنا يستررر

الى احلى بنات فى مصر
جويرييه والى عايز يحط ماكب وهو مبتدى

ماكب البودر المائيه

الخطوات
1- اول حاجه تكون البشره ويتم تنظيفها قبلها بفتره قبل وضع الماكب
2- يتم وضع كريم مرطب للبشره قبل الماكب بفتره مثلا 4/1 ساعه ويكون الكريم غير سميك من النوع الى مش بيعمل طبقه سميكه على البشره
3- قبل الماكب مباشره يتم شطف الوجه بماء بارد بسيط جدا بدون صابون
4- نبدا نحط البودر المائيه من فوق من الجبين لتحت يعنى تحتى فى الائوره الاول من الداخل للخارج يعنى من الجزء الى فوق الحاجب لغاية الجزء الى قبل الشعر والناحيه الانيه نفس الطريقه
اما بالنسبه للجزء الى بين الحاجبين من تحت الى فوق يعنى من بين الحاجب لغاية شعر الراس
وبعدين نحط فى منطقة العين بعنايه وبراحه وبرده من جوه لبره
وبعدين على الانف
وبعدين الخد من جنب الانف لحد الاذن
وبعدين الاذقن من فوق لتحت وى شويه بطريقه دائريه
5- قبل ما الوش ينشف ينى يكون شويه مندى من البودر تجيبى الروجاجوه وتحطى على الانف وى بتختلف من انف لاخرى ودى انا هبقى اقولها بعدين وتحطى على الخد من عند الخد وفى اتجاه الشعر ومدخليش رججاجوا الخد مع الانف خلى جزء فاضى من غير رجاجوه
وتحطى شويه على الذقن
وعلى الائوره بس الجزء القريب من شعر الراس مش الجزء القريب من الحاجب ده بالنسبه للاقورتها عريضه اما الى قورتها صغيره ما تحطش غير بسيط خالص لدرجة انه ما يكونش باين
6- بعدين تجيبى اسفنجة البودر المائيه وتمسحى بنفس الخطوات السابقه بتاعت طريقة وضع البودر وده بتخلى الماكب والجاجوا بيعد كتير ما يروحش
7- بعد كده بعد ما الوش ينشف ممكن تحطى بودر العاديه ويكون فيها لمعه وتحطى بالفرشه على كل وشك بتدى ضى حلو
8- نيجى بقى للعين تجيبى او البودر بتكون بيضاء وفيها لمعه وتحطى على منطقه الى تحت العين بخفه كده باستخدام اسفنجه او لو مش عندك ممكن تحطى ايشادو ابيض بس ما تحطوش كتير لانها بتكون باينه
- احطى ايشادوا ابيض تحت الحاجب بالضبط وشويه على ركن العين
- بعدين تحطى مثلا اللون الى انتى عايزه مثلا روز وتحطى بفرشه وبعدين تحطى كحل جوا العين وممكن برا وبعدين تحطى ايلينر( ده بالنسبه لى مش بيعرفوا يدمجوا الالوان مع بعض ) والكحل يتحط طبعا من ركن العين لحد الاخر
وتحطى شويه فى العين من تحت برده بالنسبه للى بتعرف
والى مش بتعرف ممكن فى فرش صغيره اوى ممكن تحطى بيها شويه ايشادو تحن العين روز بتيقى حلوه اوى
-وبعدين تحطى الماسكرا تحاولى الماسكرا تتوغل فى رموشك وتحاولى ترفعى رموشك بالفرشاه بتاعت الماسكرا وكمان انى تحطى الرموش الى فوق الاول وبعدين الى تحت وخدى بالك ان الرموش الى تحت ما تحطيش كتير علشان ما تديقيش عينك
وكمان الفرشه تمسحيها الاول على طرف الماسكرا علشان ساعات بتكون فيها حاجات مكلكعه فممكن تخلى الرموش تلزق فى بعض بس الحكايه دى بتكون فى المسكارا التقليد بس
وى بصراحه احلى ماسكرا انا استخدمتها برجواه جامده جدا
9- فى الاخر تحطى شويه رجاجواه بسيطه اوى يعنى الفرشه متمليهاش يعنى لمسه كدا وتمرريها على الاماكن الى انتى حطيطتى عليها رجاجواه قبل كده

بس خلاصصصصصصصصصصصصصصصصصصص

الماكب ده بالنسبه للى مش بعرفوا يحطوا ماكب ده سهل اوى
الى عايزا حاجه ممكن تبعتلى وانا هرد عليها ان شاء الله

وانا لما افضى زى النهارده كدا هكمل حجات تانيه وازاى نرسم العين ودمج الاوان مع بعضها وتوسيع العين
ادعولىىىىىىىىىىىىىىىىىىىىىىىىىىى بجد ان ربنا يوفقنى ويساعدنى على حاجه فى نفسى
ادعوليلى

ميشوووووووووووووووووووووووووووووووووووووووووووووووووووووو